Inatsisartut Allattoqarfiat ikiortimik pissarsiorpoq
Inatsisartut Allattoqarfiat 2024-mi ukiakkut ataatsimiittoqarnerata nalaani piffissami killilimmi ikiortimik pissarsiorpoq. Atorfinitsitsineq sivitsuinissamut periarfissaqartitsilluni pissaaq 2024-mi 16. septemberimit 30. novemberimut.
Suliassat tassaassapput Siulittaasoqarfimmut, ilaasortanut Allattoqarfimmilu sulisunut kaffiliorneq nerisaqartitsinerlu kiisalu ataatsimiittoqarneranut atatillugu sassaalliineq, toreersaaneq, eqqiaaneq, naasunik imerterineq pisiniarnerlu.
Piffissaq suliffiusussaq 7.00-17.00-ip missaani ullormut akunnernik arfineq pingasunik sivisussuseqassaaq.
Inersuarmi ataatsimiinnerit sivitsortillugit ullut suliffiusut sivitsortoorsinnaasassapput. Taamaalillutillu Inatsisartut qanimut sullisissavatit.
Ilinniagaqarsimanissamik piumasaqaateqanngilaq, misilittagaqarnerli iluaqutaassalluni.
Naatsorsuutigaarput kalaallisut marluinnilluunniit oqaaseqartuunissat, ullaarorsinnaanissat, namminersorlutit sulisinnaanissat aalajaallutillu suliartortarsinnaanissat. Suliat kivitsisaqattaarnarlutillu pisunnartorujussuummata peqqissuunissaq naatsorsuutigineqarpoq.
Inissaqartitsisoqanngilaq.
Piginnaasat malillugit akissarsiaqartitsisoqassaaq.
Saaffiginninnissamut qinnuteqarnissamullu killiliussaq tassaavoq 6. september 2024.
Qinnuteqaammut ilanngunneqassapput ateq, ukiut, misilittakkat, mobilip normua najugarlu.
Ornigulluni saaffiginnittoqarsinnaavoq imaluunniit e-mailimut uunga nassiussisoqarsinnaalluni:
Helene Lynge HELYN@ina.alla.gl imaluunniit oqarasuaat nr. 34 61 25.