Ineqarnermut, Illuuteqarnermullu immikkoortortaqarfimmut AC-fuldmægtigimik imaluunniit sullissisumik pissarsiorpugut

Ineqarnermut, Attaveqaasersuutinut Isorliunerusunut Upalungaarsimanermullu Naalakkersuisoqarfik Ineqarnermut, Illuuteqarnermullu immikkoortortaqarfimmut AC-fuldmægtigimik imaluunniit sullissisumik pissarsiorpoq

Innuttaasunut sanaartorusuttunut, nutartererusuttunut imaluunniit illuminniiginnarusuttunut isumalerujussuarnik ineqarnermut aaqqiissutinik suliaqarusuppit?

Aaqqissuussillaqqissumik, sullissinissamillu ukkatarinnittumik Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik Ineqarnermut, Illuuteqarnermullu immikkoortortaqarfimmut sullissisussarsiorpoq. Atorfimmi pingaartumik illunut sanaqataaffiusunut aaqqissuussamik, iluarsartuussinissamut taarsigassarsianik aamma soraanermusialinnut taarsigassarsianik aqutsinermik, sulianillu suliaqarnermik kiisalu pigisat aalaakkaasut pillugit saaffiginnissutinik, sulianillu suliaqarfiunerussaaq.

Inissianik Illuutinillu Suliassaqarfimmi inissiat pillugit suliat, illuutit aalaakkaasut, pigisanik nalilinnik pisiniarneq tunisinerlu, inatsisit, innuttaasut saaffiginnissutaat aamma 

politikkimut - allaffissornermut tunngasuni sullissinerit isumagineqarput. 

Atorfik pillugu

Illunut sanaqataaffiusunut aaqqissuussaq, Iluarsartuussinissamut taarsigassarsiat, soraanerussutisialimmut taarsigassarsiat kiisalu pigisat aalaakkaasut pillugit sulianik suliaqarnermi AC-fuldmægtigitut imaluunniit sullissisutut siammasissumik suliaqassaatit. Qinnuteqaatit aalajangersimasut, uppernarsaatit, ilitsersuutit, sulianik malitseqartitsineq aamma allakkiorneq, aalajangiinissatullu missingiussat suliarisassavatit.

Atorfimmi atorfeqassagaanni aaqqissuussisinnaasariaqarpoq, mianersuuteqqissaarlugu suliaqarsinnaasariaqarpoq, aamma malittarisassanik, uppernarsaatinik, aningaasaqarnermut paasissutissanik kiisalu sulianik aalajangersimasunik ingerlatsinissamik suliaqarsinnaasariaqarpoq. Innuttaasunut, kommuninut, aningaaserivinnut, eqqartuussissuserisunut, illunik tuniniaasartunut, INI A/S-imut, suleqatigisanullu allanut attuumassuteqartunut attaveqassaatit.

Aaqqiissutinik eqqortumik, assigiissaartumik, sullissinissamillu ukkatarinnittumik aqutsinissamut tapertaassaatit. Suliat naammattumik paasissutissartaqarnissaasa, uppernarsaatit pigineqarnissaasa, innuttaasullu ersarissumik aamma eqqortumik ilitsersorneqarnissaasa qulakkeernissaa pingaarutilimmik suliassat ilagissavaat.

Illunut sanaqataaffiusunut aaqqissuussaq, iluarsartuussinissamut taarsigassarsiat, soraanerussutisialimmullu taarsigassarsiat atorfimmi pingaarnertut ukkatarineqassapput, kisiannili Ineqarnermut, Illuuteqarnermullu immikkoortortaqarfimmi sulisut allat peqatigalugit suliat qanimut ataqatigiissaarneqarnissaat pisariaqassaaq. Taassuma saniatigut pigisat aalaakkaasut pillugit suliat suliassaassapput, matumani aamma pisariaqartitsineq malillugu ilitsersuineq aamma sulianik suliaqarneq.

Suliassatit

Ilaatigut suliarisassavatit:

• illunut sanaqataaffiusunut aaqqissuussamik, iluarsartuussinissamut taarsigassarsianik aamma soraanerussutisialimmut taarsigassarsianik suliaqarneq aqutsinerlu

• pigisat aalaakkaasut pillugit saaffiginnissutinik, sulianillu suliaqarneq

• qinnuteqaatinik, saaffiginnissutinik, uppernarsaatinilllu suliaqarneq

• innuttaasunut, kommuninut, aningaaserivinnut, eqqartuussissuserisunut, illunik tuniniaasartunut, INI A/S-imut, suleqatigisanullu allanut ilitsersuineq

• allakkanut akissusiornerit, ilitsersuilluni allakkiornerit, aalajangiinissamut missingiusiornerit, allakkianillu suliaqarneq 

• sulianik aalajangersimasunik, piffissaliussanik, paasissutissanillu amigaataasunik malitseqartitsineq

• Journalimut allattuineq, nalunaarsuineq, suliallu pitsaassusiinik qulakkeerineq 

• nalinginnaasumik allakkamut, ilitsersuutinut, suleriaatsinut, assigiissaartumillu suleriaatsinut tapersiineq 

Illit pillutit

Takorloorparput allaffissornerup, aningaasaqarnerup, pisortat ingerlatsinerisa, allaffimmi, aningaasat, inatsisilerinerup, assigisaasaluunniit iluini attuumassuteqartumik ilinniarsimassasutit. Sulianik suliaqarnermik, innuttaasunik ilitsersuinermik, taarsigassarsisitsinermik sulianik imaluunniit pisortat aaqqiissutaannik misilittagaqarneq aamma pingaaruteqarsinnaavoq.

Pingaartipparput:

• aaqqissuussaasumik, namminersorlutit, akisussaassuseqartumillu sulisinnaasutit

• paasiuminartumik allaaserinnissinnaasutit

• innuttaasut, suleqatigisallu ersarissumik aamma sullissinissamik ukkatarinnittumik ilitsersorsinnaagitit

• malittarisassanik, uppernarsaatinik, aalajangersimasumillu suleriaatsimik suliaqarsinnaasutit

• inunnut, aningaasaqarnermullu paasissutissat isertuullugit, eqqortumillu suliarisinnaagitit

• ineqarnermut tunngasut aamma pisortat taarsigassarsiinermut, tapiissuteqarnermullu aaqqiissutaat kiisalu pigisat aalaakkaasut soqutigisarigitit

Pisortani suliat suliarineqartarnerinik, innuttaasut aallaavigalugit oqartussat suliassaataannik suliaqartarnermik misilittagaqaruit imaluunniit illunut sanaqataaffiusunut aaqqissuussamut, iluarsartuussinissamut taarsigassarsianut imaluunniit soraanerussutisialimmut taarsigassarsianut ilisimasaqaruit iluaqutaassaaq.

Kalaallisut qallunaatullu attaveqarsinnaaguit aamma iluaqutaassaaq.

Neqeroorutigaagut

Atorfik ineqarnermut suliassaqarfimmi namminersorluni, inuiaqatigiinnullu pingaarutilinnik suliassaqarfiusoq neqeroorutigaarput. Inissianik Illuutinillu suliassaqarfimmi suleqataalissaatit, tassanilu inissianut politikkimut, inissianik aningaasalersuisarnermut, pigisanik aalaakkaasunut, inatsisinut aammalu innuttaasunik, oqartussaasunik politikkikkullu siuttunik kiffartuussinernut tunngasunik suliaqassaatit. 

Sulianik aalajangersimasunik, innuttaasunut ilitsersuutinik, allaffissornikkut sulianik aammalu suliassaqarfimmi, innutaasunut annertuumik pingaaruteqartumi sulieriaatsit assigiiaarnerusunngorlugit ineriartortinnerini suleqataanissamut periarfissaqassaatit.

Sulineq avatangiisini, assigiinngiiaartunik suliaqarfiusuni, aalajangiinissamut naatsunik aqquteqarfiusuni, aammalu allaffimmi suleqatinut qanimut suleqateqarfiusumi ingerlanneqarpoq.

Aningaasarsiatigut, atorfinitsitaanermilu atugassarititat

Isumaqatigiissut atuuttoq naapertorlugu akissarsiat atorfeqarnermilu atugassarititaasut 

Aalajangersarneqassapput, qinnuteqartullu ilinniarsimanera, misilittagai, piginnaasailu apeqqutaassallutik.

Qinnuteqartunik uppernarsakkamik piginnaasaqartunik isumaqatiginninniareernikkut isumaqatigiissut atuuttoq naapertorlugu immikkut siunnersortitut, siunnersortit pisortaattut imaluunniit siunnersortaanertut atorfinitsitsisoqarsinnaassaaq.

Isumaqatigiissuteqarnikkut atorfinitsitsisoqassaaq.

Ulloq atorfiniffissaq

1. oktobari 2026 imaluunniit isumaqatigiissuteqarneq malillugu.

Soqutiginnippit?

Apeqqutissaqaruit allaffimmi pisortaq Steve Sandgreen attaveqarfigisinnaavat stsa@nanoq.gl aqqutigalugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.