Ineriartortitsinermut aamma suliat ingerlatinnerinut pisortaq
Qarasaasiatigut suliaqarnermut, pilersaarusiornermi suliaqarnermut suleriaatsinullu pitsanngorsaasarnernut misilittagaqarpiit? Taava Akileraartarnermut Aqutsisoqarfiup qarasaasiatigut atortorissaarutaanik ineriartortitsinermut suleqataanissannut periarfissippatsigit.
Atorfimmik soqutiginartumik tamatigoortumillu ingerlatanut ineriartortitsinermut immikkoortortaqarfitsinni, Akileraartarnermut Aqutsisoqarfiup qitiusumik allaffeqarfiani nuummiittumi neqeroorfigaatsigit. Immikkoortortaq anginngitsoq sammisanut immikkut ilisimasalinnik sulisulik, Akileraartarnermut Aqutsisoqarfimmullu qarasaasiatigut ineriartortitsisartunut avataaneersunut attaveqaataalluni.
Akileraartarnermut Aqutsisoqarfimmi suleqatigiinneq, inuit ineriartornerlu pingaartitaraagut. Suliani ajornartorsiutaasinnaasut arlalikkaat aaqqiiviginiassallugit akornutitut isigissanngilat suleqatillu assigiinngitsunik tunuliaqutallit suliallillu suleqatigisinnaallugit.
Ingerlatanut ineriartortitsivimmi siunnersortaanerup isumagisassaatut siunertaavoq immikkoortortami qarasaasiatigut ineriartortitat pitsaasumik naammassineqartarnissaat qulakkiissallugu, Akileraartarnermut Aqutsisoqarfimmut naleqalersitsisumik. Tamanna immikkoortortami ilaatigut aqutsinikkut piginnaasanillu inerisaanikkut anguneqassaaq. Immikkoortortap akisussaaffiinut aqutsilluarneq taamatuttaaq aqutsisoqarfimmi immikkoortortanik, qarasaasialerinikkut suleqatinik, aqutsisoqarfiullu avataani suleqatinik allanik (soorlu DIA-mik) qanimut suleqatigiinnissamik qulakkeerisoq.
Illit akisussaaffitit
Pilersaarusianik atortuulersitsineq taakkulu aserfallatsaalineqarnerat peqqissaartumik suliarineqarnissaannik qulakkeerinninneq, ineriartortitsinermik peqqissaarussamik pilersaarusiornikkut.
Aqutsisoqarfimmi immikkoortortaqarfiit akornanni suliassatut pilersaarutit ataqatigiissaarlugit aqunneqarnerallu isumannaarlugit, suleqatit illup iluani avataaniittullu peqatigalugit. Tassunga ilanngullugit qarasaasialerinikkut pisiortorfiit immikkoortortani pisortat suleqatillu allat peqatigalugit.
Akileraartarnermut Aqutsisoqarfimmi immikkoortortat suliassanut pilersaarusiaannik suleqatigalugit siunnersueqatigalugit ikorfartorlugillu.
Illup iluani suleqatit suleqatillu illup avataaneersut ingerlatanut ineriartortitsivimmi suliat pillugit siunnersueqatigalugit.
Tunuliaquttatit
Qarasaasialerinikkut qulaani piumasaqaatinut naleqquttumik ilinniagaqarneq
Pilersaarusiornermik aqutsinermut ukiunik arlalinnik misilittagaqarneq
Pilersaarusiornernik pilersaarusiornernullu allaaserinnittarnermik ukiunik arlalinnik misilittagaqarneq
Pisiortorfinnik aqutsinermut misilittagaqarneq
Akileraaruserinermut ilisimasaqarneq akornutaassanngilaq
Qinnuteqaat
Qinnuteqarfissaq ulloq kingulleq tassaavoq ataasinngorneq 1. januar 2024
Paasissutissat allat
Atorfik pillugu annertunerusumik paasisaqarusukkuit, Akileraartarnermut Aqutsisoqarfimmi pisortap tullersortaa, Siverth Larsen attavigisinnaavat ugguuna sdl@nanoq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.