Innarluutilinnut ataqatigiissaarisoq
innarluutilinnik ataqatigiissaarisumik pikkorissumik, tunniusimasumik misilittagartumillu oktoberip aallaqqaataaniit 2024 imaluunniit isumaqatigiissuteqarnikkut atorfinittussamik sulisussarsiorpoq.
Innarluutilinnut inatsit naapertorlugu, ingerlatsinermullu tunngasut pitsanngorsartuarnissaat anguniarlugu Kommune siunniussinikuuvoq, soorlu kommunip innarluutillit najugaqatigiiffiutaanut, innarluutilinnut ikiorserneqartartunut illersukkanik sullivinnuttapersersorteqartitsinerullu ineriartortittuarnssannut.
Politikkikkuttaq kissaataavoq, illoqarfinni pingasuni illersukkami sulliviit inerisaqqinneqarnissaat, niuernerpalaartumik ingerlatsisunik.
Taamaammat suliamut misilittagalimmik piginnaanilimmillu, suliassaqarfiup pitsanngorsartuarnissaanut ineriartortitseqataaffiginissaannillu pingaartitsilluartumik sulisussarsiorpoq.
Naatsorsuutigaarput illit:
- Isumaginnermi perorsaasutut - perorsaanermi Bacheloritut - peqqissaanermilluunniit ilinniagaqarsimasuussasutit
- Sulisunut aqutsinermik nakkutilliinermillu misilittagaqarsimassasutit
- Inunnut innarluutilinnut tapersiisarnermi inatsit aamma, Pissaanermut atuisinnaanermut inatsimmik ilisimarinnissasutit
- Aqutsinermik ataatsimullu isiginnilluni sulinermik ineriartortitsinermillu misilittagaqartutit
- Pitsaasumik suleqatiginnissuseqartuusutit, susassaqarfiillu akimorlugit suliffeqarfiup iluaniittunik avataaneersunillu suleqateqarsinnaassasutit.
- Allaffissornikkut aningaasaqarnikkullu suliassanik misilittagaqartutit.
- Attaveqatigiilluarsinnaassuseqarnissaq paasititsilluarsinnaassuseqarnerlu piginnaaneqarfigilluaritit
- Oqaloqatiginninnikkut oqilisaassisinnaassuseqartutit kiisalu ilungersunartorsiorfiusuni aalajangiisinnaassuseqartutit
Ilaatigut atorfiup suliassaqarfii makkuupput:
- Inunnut innarluutilinnut najugaqarfiit, illersukkanik sullivinnut sammifassaqartitsiviutigisunut, kiisalu innarluutilinnut tapersersortitsineq ineriartortinneqarnissaa qularnaassallugu
- Inunnut innarlutilinnut inissamik neqeroortoqassatillugu, inissanik agguaasisartut aqunneqarneri, tulleriaarisarnerlu qularnaassallugu
- Illoqarfinni immikkoortortani aqutsisut suleqatigineqarnerat aammalu tapersersorteqarnerup inerniartortittuarnissaa qularnaassallugu
- Najugaqarfinnut nakkutilliineq, taakualu aningaasaqarnerisa pitsaasumik ingerlanersut qularnaassallugit, Narsaq, Nanortalik qaammatit pingasukkaarlugit angalaffigineqartarnissaa
- Immikkoortortaqarfinni avataani suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.
Ilaatigut kommunip makku neqeroorutigsinnaavaai:
Inunnut innarluutilinnut innuttaasunut kiffartuussineq inerisarneqartuarpoq, taamaammat qinnuteqartoq naleqquttoq sunniuteqarnissamut periarfissaqarluarpoq - akisussaalluni ineriartortitsillunilu, sunniuteqarsinnaalluni ilusilersuillunilu, taamaaliussallunilu qullerisarisat qaninnerit suliassaqarfimmilu suleqatit pitsaasut pikkorissuillu suleqatigalugit.
Sulineq sapaatip akunneranut akunnerit 40-t suliffiusarput.
Pinerluuteqarsimannginnermut aammalu meeqqanut pinerluuteqarsimannginnermut uppernarsaat:
Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsianut atorfinitsitaanermilu atugassarititaasut atorfinitsitaanerup nalaani Kalaallit Nunaanni Namminersorlutik Oqartussanut Kommuninut isumaqatigiissutit atuuttut naapertorlugit pissapput.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.
Atorfik pillugu annertunerusumik paasisaqarusukkuit Fagchef Maline Lyberth saaffigineqarsinnaavoq, e-mail: mall@kujaleq.gl
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik septembarip ulluisa 13-iat 2024 nittartagarput aqqutigalugu.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: septembarip 13.-at, 2024