Inuili – Food College Greenland allaffianut overassistent´i
Inuili – Food College Greenland allaffianut overassistent´i
Inuili – Food College Greenland Narsaq allaffiani allaffimmiut suleqatigiivinut overassistent´imik suleqatissarsiorpoq.
Suliffimmi suliassat:
Suliassat makkua ilaatigut nakkutigalugit:
Kollegiamut tunngasutigut allaffissorneq
IRIS
Suliassakka uanniit isigalugit
Pisortanut paasissutissiineq
Ilinnut naatsorsuutigaarput:
Allaffissornikkut ilinniarsimanissat, ajornanngippat allaffimmiutut ingerlaqqiffiusumik ilinniarsimanissat
Aalajaatsuusutit peqqissaarlutillu
Sullissinermik piginnaasaqartutit
Kissaatigineqarpoq 01 Juli 2024 isumaqatigiissuteqarnikkut sulilerumaartutit. Ingerlaavartumik oqaloqatigiinnerit ingerlanneqarumaarput qilanaarpugullu qinnuteqaatit kingusinnerpaamik 01 Juli 2024 tigunissaa.
Atorfimmut apeqqutissaqaruit, tikilluaqquneqarputit Inuilip pisortaa Poul N. Christensen allaffigisinnaavat uunga poch@inuili.gl imaluunniit allaffimmi aqutsisoq Suinnguaq Djurhuus uunga allaffigalugu sumi@inuili.gl imaluunniit oqarasuaatikkut sianerfigalugu 661313.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.