Inuit Ilisimasaat pillugit Siunnersorti

Inuit llisimasaat pillugit Siunersortitut atorfimmut ICC Kalaallit Nunaat Nuummi sulisussarsiorpoq.

Tuliaqutaa:

Nunat Inoqqaavisa pisinnaatitaaffiisa siuarsarneqarnissaannut suliaqarneq, aamma Issittumi avatangiisit, piniarnikkut aalisarnikkullu pisinnaatitaaffiit kiisalu Inuit ilisimasaat illersussallugit pingaartitarivigit? Ilisimatusarnerup, Inuit ilisimasaasa inuiaqatigillu akornanni ataqatigiissitsisuunissaq soqutigisariviuk? Inuit aqutaannik sumiiffinni ataasiakkaani nakkutiginninnikkut suleqataaneq pillugu sulineq soqutiginartoq peqataaffigerusuppiuk? Taamaakkuit Inuit Ilisimasaat pillugit ataqatigiissaarisutut ICC-mi suleqataalersinnaavutit.

Nuup illoqarfiata qeqqani allaffeqarpugut, nunallu tamalaat akornanni suleqatigiiuvugut ICC-p allattoqarfiisa Kalaallit Nunaanniittut, Canadamiittut Alaskamiittullu akornanni, suliffeqarfillu pissanganartoq imaqartaqisorlu neqeroorutigisinnaavarput nunarsuatsinnut naggueqatigiit Inuit oqariartuutaannik avammut tusarliiviusartoq.

Suliassat:

Inuit Ilisimasaat pillugit Siunnersortitut qanimut suleqatigissavatit ICC Kalaallit Nunaanni Avatangiisinut aamma Silap pissussaa pillugit siunnersorti aamma Imartani aqutsinermut tunngatillugu Siunnersorti, taamalu siuttunut nalunaarusiortarnissaq isumagissallugu suliassallu makku isumagissallugit:

1.  Pingaartumik Pikialasorsuaq eqqarsaatigalugu piniartut aalisartullu ilisimasaat piginnaaneqarfiilu aallaavigalugit peqataatinnissaat uumasoqatigiit imminnut ataqatigiinnerat paasisaqarfiginerujumallugu;

2.  Piniartut, aalisartut allallu ilisimasaqartut ataatsimeeqatiginissaasa ataatsimiisinneqartarnissaasalu ataqatigiissartarnissaat;

3. Uumasoqatigiiaat pillugit ilisimatusarnikkullu ICC-p maannamut sulinera Nunatsinni Nunanilu allani ingerlasoq pillugit nalunaarusiortarnissaq, pisortanik attaveqarneq ilisimatusartartullu nalunaarusiaat eqqarsaatigalugit, aamma;

4.  Ingerlatap Circumpolar Biodiversity Monitoring Programme Kalaallit Nunaanni piviusunngortinniarneqarnerani Inuit ilisimasaasa siuarsaaffiginissaata toqqamavileeqqataaffiginissaa.

Pitsaassaaq Inuit Ilisimasaannik, piniarnermik, aalisarnermik kiisalu ataatsimiisitsilluni sulinermik misilittagaqartooreeruit. Sulineq annerusumik ingerlasassaaq kalaallisut tuluttullu.

Ujartukkatta tunuliaqutaa:

Ujartugarput tassaavoq piniarneq, aalisarneq, Inuit ilisimasaannik, kulturikkut ingerlatanik, uumasorsiuutut allatulluunniit pinngortitalerinikkut ilisimatusarnermik imalinnik bacheloritut kandidatitulluunniit ilinniarsimasoq, aammalu Kalaallit Nunaanni piniartunik aalisartunillu toqqaannartumik attaveqarnissamik soqutiginnittoq. Ilisimatusarfimmit ilinniarfimmiilluunniit allamiit naammasseqqammersimaguit suliniutinillu ataqatigiissaarinermik, inuiaqatigiilerinermik ilisimatusarnermilluunniit soqutigisaqaruit tamanna iluaqutaassaaq.

Aningaasarsiassat atorfinitsitaanissamullu atugaqartitaasussat

Aningaasarsiassat atorfinitsitaanermullu atugaqartitaasussat piginnaasat naapertorlugit neqeroorutigineqartarput. Atorfik manna immikkut isumaqatigiissuteqarnikkut atorfinitsitsineruvoq. Atorfimmut atatillugu ineqartitsinissaq neqeroorutaanngilaq.

Atorfinitsitsinerup sivisussusissaa: 

Aningaasaateqarfimmit th Gordon and Betty Moore Foundation-imiit ICC Kalaallit Nunaat aningaasaliiffigineqarpoq, atorfeqartitaanerlu 2029-mi juli ilanngullugu sivisussuseqassaaq.

ICC pillugu:

ECOSOC aqqutigalugu nunat inoqqaavisa kattuffiattut piginnaatinneqartutut ICC inissisimaffeqarpoq Indigenous Peoples’ Organization (IPO)-tut, taamalu nunat tamalaat peqataaffigisaannik isumaqatiginninniarnernut sulinermullu akuulluni. ICC-p avatangiisit pillugit suliaanut ilaapput nunap imartallu illersorneqarnissaat pillugit nunani tamalaani katerittarfiit, soorlu IMO - International Maritime Organization, Nunat tamalaat Imavinni Angallanneq pillugu Isumaqatigiissutaat pillugu suleqatigiiffissuaq, Central Arctic Ocean Fisheries Agreement (CAOFA) Issittup qiterpasissuani imartani aalisartoqanngikkallarnissaa pillugu isumaqatigiissut, the United Nations Framework Convention on Climate Change (UNFCCC), Naalagaaffiit Peqatigiit Silap Allanngoriartornera Pillugu Nalunaarutaanik suliaqartartut, aamma the United Nations Convention on Biological Diversity (CBD) uumasoqatigiiaat assigiinngissusiat pillugu Naalagaaffiit Peqatigiit isumaqatigiissutaat akuuffigissallugit.

Qinnuteqarfissap killinga:

Qinnuteqaatit nassiutissavat kingusinnerpaamik 21. September 2026, nal. 12:00. Qinnuteqaammut ilanngunneqassapput atorfimmut qinnuteqarnermut tunngavilersuut aamma CV. Qinnuteqaat uunga nassiunneqassaaq hr@inuit.org, atorfillu pillugu annertunerusumik paasisaqarusukkuit aamma tassunga allassaatit