Inuttassarsiuussaq: Ilinniartitaanernik inerisaavimmi tusagassiorfinnut/ inuit attaveqatigiittarfiinut tunngasunik sulialik
Inuttassarsiuussaq: Ilinniartitaanernik inerisaavimmi tusagassiorfinnut/ inuit attaveqatigiittarfiinut tunngasunik sulialik
Suliffik Peqqissaanermik Ilinniarfik.
Sumiiffik: Nuuk
Atorfiniffissaq: 1. oktober
Atorfimmi akisussaaffinnut nassuiaat:
Peqqissaanermik Ilinniarfimmi suleqatigiittut ataatsimoorneq, oqaloqatigiinnerit ilinniagaqassutsikkullu inuttullu ineriartornissamut periarfissat pitsaasuupput.
Peqqissaanermik Ilinniarfik ilinniartitaanernik inerisaavittaatsinni pimoorussisumik pikkorissumillu tusagassiorfinnut/inuit attaveqatigiittarfiinut tunngasunik suliaqartussamik pissarsiorpoq. Teknikkikkut piginnaanermik isumassarsisitsiviusumillu ingerlatitseqqiinermik ataatsimoortitsisinnaasumik pissarsiorpugut. Pissarsiariniagarput, ilinniarfitta tassanilu ilinniartitaanerit avataaniit ilisimaneqarnerulernissaannut siuarsaasinnaassaaq, ilinniartunullu sulisunullu ilinniarnermi teknologimik atuisinnaanissamut ikiuussinnaassalluni, nalinginnaasumillu isissutissanik e-mailinillu pilersitsinermi ikiuussinnaassalluni.
Akisussaaffiit:
Teknologi atorlugu innuttaasunik sullissinermik ilinniarnermillu ilisimasaqarneq:
Ilinniartitaanernik inerisaavimmi, ilinniarnermi teknologimik atuisinnaanngornissamut atuinissamullu ilinniartitsinermi, ilinniartitsisunut ilinniartunullu ikiuunneq.
Inuit attaveqartigiittarfii:
Ilinniarfiup inunnut attaveqatigiittarfiinik- ilaatigut Facebookimik, TikTok-imik il.il. - ingerlatsineq
Inuit attaveqatigiittarfii atorlugit ilinniartussarsiniarsinnaajumalluni ilinniarfimmi sammineqartunik nittarsaassineq.
Tusagassiivimmik nittarsaassineq iliuuseqarfiginninnerlu:
Ilinniarfiup qanoq inissisimanera pingaaruteqassusaalu siuarsarniarlugit, ilinniagaq pillugu siunnersorti suleqatigalugu nittarsaassinerni peqataaneq, najukkami suliffeqarfinnik inuiaqatigiinnillu suleqateqarneq.
Qarasaasiarsornermi isissutissat (kodit):
Ilinniartunut sulilerlaanullu tamanut qarasaasiarsornermut isissutissanik pilersitsineq
E-mail-inik allaffissornikkut isumaginninneq:
Ilinniarnerup aallartinnerani ilinniartunut sulisunullu imal. atorfinerlaanut qarasaasikkut allakkerivinnik e-mail-inik nutaanik pilersitsineq allaffissornikkullu ingerlatsineq.
Nittartakkamik allaffissornikkut ingerlatsineq:
Paasissutissap nutartigaanera atuisunullu pissarsiariuminarnera qulakkeerniarlugu ilinniarfiup nittartagaanik nutarteriuarneq.
Piginnaasat:
Ajornanngippat qarasaasiarsornermi ikiorsiinermik imal. tusagassiornermik ilinniarsimaneq.
Nittartakkamut akisussaasutut misilittagaqarneq iluaqutaassaaq.
Teknikkikkut kakkattuuneq, apeqqutinut qarasaasiarsornermut tunngasunut ilinniartunik sulisunillu ikiuunnissamut, ilinniartitsinermik piginnaaneqarneq.
Attaveqatigiinnermut- ajornanngippat allattariarsornermut oqaatsitigullu danskisut kalaallisullu piginnaaneqarluartuuneq.
Kisimiilluni sulisinnaaneq suleqatigiinnilu suleqataasinnaaneq.
Ilinniarfiup kiffartuussineri pitsaanerulersinniarlugit isumassarsiullaqqissuuneq nutaaliorsinnaassuseqarnerlu.
Inuit attaveqatigiittarfiinik najukkamilu tusagassiorfinnik ilisimasaqarneq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.