INUTTASSARSIUUTEQQITAQ - Ilisimatusarfimmut Prorektori
Ilisimatusarfimmi prorektoritut atorfik februaarip aallaqqaataani 2025-mi isumaqatigiissuteqarnikkulluunniit inuttalerneqartussanngorlugu inuttassarsiuunneqarpoq.
Ilisimatusarfik
Inuiaqatigiilerinermi ilisimatusarnermi, ilisimatuutut misissuinermi perorsaanermik, peqqinnissamik teologiimilu suliassaqarfiit iluanni Ilisimatusarfik ilisimatusarfiullunilu ingerlaqqiffiusumik ilinniarfiuvoq.
Suliatigut aaqqissuussatigullu Ilisimatusarfik ukiuni aggersuni qaninnerusuni unammilligassaqangaatsiassaaq. Sulisut, nunarsuarmioqatit, nunaqqatit nunanilu tamalaaneersut kiisalu allaffeqarfiup sunniivigeqatiginerisigut ilinniartitaanermut aamma ilisimatusarnermut tunngasut pitsaassutsikkut qulakkeerneqarnissaat ilisimatusarfiup aqutsisuisa suliniutigisarpaat.
Ilinniakkanik neqeroorutit amerlinissaat, ilinniakkat tamarmik ilisimatusarnermit aallaaveqarnissaat kiisalu nunatsinni najugalinnut nunanullu tamalaanut naleqquttumik Issittoq Kalaallit Nunaallu pillugit sutigut tamatigut ilisimatusarnermut ilisimatusarfiup suliaqarfiulluarnissaa Ilisimatusarfiup sulissutigiuarpaa.
Ineriartorneq tamanna Ilisimatusarfiup ilisimatusarfiisigut annertusiartorpoq aamma "spiralilersuisimaneq pillugu suliap" aarlaannaanulluunniit attuumassuteqanngitsumik maannakkut qulaajarneqarnera Danmarkimi SDU-p suleqatigineratigut Ilisimatusarfiup Issittumi Atugarissaarneq Pillugu Ilisimatusarfiata maannakkut akisussaaffigaa. Ukiunilu aggersuni 1945-p kingorna Danmarkip aamma Kalaallit Nunaata akornanni oqaluttuarisaanermi pisimasut pillugit annertuumik qulaajaaneq Ilisimatusarfiup ingerlattussaavaa.
Prorektorip suliassai
Rektori, prorektori ilisimatusarfiullu pisortaa Ilisimatusarfiup qullersarai, taakkua ulluinnarni aqutsinertik sinaakkutit siulersuisunit aalajangerneqarsimasut iluanni ingerlappaat.
Siunnersuisoqatigiinnik ataatsimiititalianillu pilersitsinermi sullissinermilu rektorip suliaqarnerani prorektorip ikiussavaa, taamaasilluni ilinniartitsineq ilisimatusarnerlu, suleqatigisat suliffimmilu avatangiisini pissutsit taakkuninngalu inerisaanerit aamma nalilersuinerit ingerlaavartumik ingerlanneqartassapput.
Oqaluttuarisaanermik qulaajaanerup Ilisimatusarfimmi tunngaveqarluarnissaanut atatillugu suliaqarnermik prorektori immikkut isumaginnittuussaaq.
Rektorip qanimut isumaqatigiissutigineqarneratigut ulluinnarni aqutsinermut atatillugu rektorip prorektorillu suliassaat agguataarneqartarput, aamma piffissap suliffiusup ilaa ilisimatusarnermut atorneqarnissaa isumaqatigiissutigineqarsinnaavoq.
Prorektori rektorimut sinniisuusartussaavoq rektorillu sulinnginnerani/pisinnaannginnerani suliassaanik piginnaatitaaneranillu tigusisartussaalluni.
Piginnaasassat
Qinnuteqartoq ph.d.-tut ilinniagaqarsimassaaq aamma lektoritut qaffasissusilimmik ilisimatusarnermi ilinniartitsinermilu misilittagaqassaaq.
Avatangiisinik ilisimatusarfiusunik ilinniarfiusunillu aqutsinermik aaqqissuussinermillu qinnuteqartoq misilittagaqassaaq.
Qinnuteqartoq misissueqqissaarisarnermut pilersaarusiortarnermullu tunngasunik piginnaasaqarluassaaq.
Ilisimatusarnermut tunngasunik qinnuteqartoq qaffasissumik piginnaasaqassaaq.
Allaffissornikkut ilisimatusarnermilu suliassaqarfinni ulluinnarni suliassanik qinnuteqartoq isumaginnissinnaallunilu aaqqissuussisinnaassaaq.
Ilisimatuarfiup suliassaqarfiini aalajangersimasut ilaanni qinnuteqartoq kandidatiussaaq.
Qinnuteqartup kalaallisut, qallunaatut tuluttullu oqaatsit piginnaasaqarluarfigippagit, Kalaallit Nunaanni pissutsit paasisimasaqarfigippagit kiisalu nunanut tamalaanut tunngasunik malinnaasuuguni iluaqutaassaaq.
Atorfeqarfik suliffissaq Nuummiippoq. Aallarniutitut piffissami aalajangersimasumi ukiuni pingasuni sivisussusileriikkamik atorfinitsitsisoqassaaq sivitsorneqarnissaanut periarfissartalimmik.
Qinnuteqaat il.il.
Qinnuteqaat ilinniarsimanerit, suliffigisimasat, soraarummeernerit allagartaat kiisalu ilisimatusarnermi, ilinniartitsinermi aqutsinermilu piginnaasanut uppernarsaatit naleqquttut pillugit paasissutissartalik "Prorektor"-imik nalunaaqutserlugit qinnuteqaatip innersuussissutaata toorneratigut nassiuteqquneqarput.
Qinnuteqaat, CV, ilinniarsimanerit pikkorissarsimanerillu allagartaat kiisalu uppernarsaatit allat naleqquttut "Qinnuteqaat nassiuguk" toorneratigut nassiutissavatit.
E-mailikkut qinnuteqaatinik tigusisanngilagut.
Atorfinitsitsinermi ingerlatseriaaseq
Piukkunnaatillit rektorip siulersuisunut innersuutissavai, taakkualu atorfinitsitsineq pillugu aalajangiisuussapput.
Attavissat/paasissutissat
Atorfik pillugu paasisaqarnerorusukkuit attaveqarnissannut tikilluaqqusaavutit uunga: rektori Gitte Adler Reimer oqarasuaammut: + 299 385602.
Ilisimatusarfik pillugu paasisaqarnerorusukkuit uani atuarsinnaavutit: www.uni.gl
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
Ilinniartitsinermik Ilisimatusarfik
Inuiaqatigiilerinermik, Aningaasaqarnermik Tusagassiornermillu Ilisimatusarfik
Kulturimik, Oqaatsinik Oqaluttuarisaanermillu Ilisimatusarfik
Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Akissarsiat atorfeqartitaanermilu atugassarititaasut:
Atorfik akissaateqarfimmi lønramme 38-imi maanna inissisimavoq.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.