Inuussutissarsiornermi trainee

Siunissami inuussutissarsiortunut siunnersortinngorit – GrønlandsBANKENimi qaffakkiartorneq inuussutissarsiortuni finanstarineetut aallartissutigiuk

Kalaallit Nunaanni suliffeqarfinnut angusaqarluarusussuseqarlutit, iliuuseqaqataarusullutit piumassuseqarlutillu allanngueqataarusuppit?

GrønlandsBANKENimi alapernaatsumik tunniusimasumik erhvervstraineessarsiorpugut, inuussutissarsiortuni siunnersortitut qaffakkiartorusussusilimmik. Maani atorfeqaannassanngilatit. Ilinniarnermi ukiuni marlunni ingerlanerani siunissami aningaaserivimmi inuussutissarsiortunut siunnersortinngornissamut attaveqarfiit ineriartornissamullu periarfissat pitsaasut pissarsiarissavatit.

Suut naatsorsuutigissavigit?

Erhvervstraineetut inuussutissarsiortut siunnersortiinut immikkoortortaqarfimmiilissaatit aningaaserivimmi suliassat misiliorassallugit. Suleqatit misilittagaqarluartut qanimut suleqatigissavatit, piginnaasavillu ineriartornerisa ilutigalugit akisussaaffitit annertusiartuaassapput

Ilaatigut suliassatit:

• Aningaasaqarneq, aningaasaliineq ulluinnarnilu aningaaserivimmik ingerlatsineq pillugit inuussutissarsiortut siunnersornissai ilinniassavatit

• Atuisunik ataatsimeeqateqarnermut peqataassaatit inuussutissarsiortunullu suliassanut pitsanngorsaaqataallutit

• Akiligassarsiniarnerit, aningaasaliinerit, soraarnerussutissiassalerinerit illumillu aningaasaliinerit pillugit paasisinnaalernissai sanaartussavatit

• Kajumissusilimmik ilinniagaqarneq ingerlatissavat, illup iluani avataanilu ilinniarneq ingerlattarlugu

• Suliatigut inuttullu piginnaasatit siunersuinikkut utertitsiviginninnikkullu ingeriartortissavatit

Kinaavit?

Aningaaseriviup silarsuaa pillugu suna tamaat ilisimareertariaqanngilat. Angusaqarluarusussuseq, iliuuseqaqataarusussuseq ineriartornissamullu kissaateqarneq pingaarnerpaapput.  

Nammineq ilinniarusussuseqarnissat, suliassanut nutaanut ujartuisinnaanissat kiisalu ataatsimooqatigiinnernut pitsaasumik sunniuteqarsinnaanissat naatorsuutigaarput.

Imminut unammillersinnaarusupputit, kajumissusilimmik sulisinnaavutit kiisalu periarfissanik ujartuisuuvutit aporfissarsiortuunak. Nammineq ineriartornissat aningaasaliiffigerusukkukku aningaasaliiffiginissat piareersimaffigivarput.

Takorloorparput:

• Attuumassutilimmik ilinniagaqartutit, ukuusinnaapput finansbachelor/ bachelor i erhvervsøkonomi/HD regnskab/finansiering

• Angusaqarluarusuttutit, suliatigut ineriartornissamut kajumissuseqartutit

• Atassuteqalernissaq suleqateqarnerlu pikkoriffigigitit

• Inuussutissarsiortutut inuuneq aningaasaqarnerlu soqutigigitit

• Akisussaassuseqartutit namminersorsinnaasutillu

Taamaammmat GrønlandsBANKENi toqqassavat

Aningaaserivik pitsaasoq suleqatinik pitsaasunik toqqammaveqartoq upperivarput. Taamaammat ineriartornermut, ilinniarnermut ingerlalluarnermullu aningaasaliisarpugut, Maani suliffeqarfimmi ataatsimooqatigiiffimmik pitsaasumik, suliatigut pikkoriffimmi qaffakkiartornermullu ilusilersuinermik periarfissagissaartumi peqataalissaatit.

Aningaasaqarnerup tungaatsigut Kalaallit Nunaat tamakkerlugu innuttaasunut GrønlandsBANKENi siunnersuinikkut tapiinikkullu naleqalersitsisarpoq.

Aningaaserivik niuerfinni siuttuuvoq inuiaqatigiinnut pingaassuseqangaatsiarpoq

isumaqangaatsiarlunilu, inuiaqatigiinnut, ataatsimoornermut siallu pissusianut il. il. ajunngitsumik sunniutilimmik eqeersimaartuuvoq– Kalaallit Nunaanut iluaqutaasumik.

Inuussutissarsiortunut immikkoortortaqarfimmi 19-nik suleqatitaassaatit. Piorsarsimassuseq tatigeqatigiinnermik allanngueqataanermillu tunngaveqarpoq, aningaaseriviup naleqartitai aallaavigalugit - pimoorussineq, peqqissaarneq, sullitanut sammisoq kiisalu ineriartornissamut sammisoq.

Peqataalerusuppit?

Piaartumik qinnuteqaatit aningaaseriviup nittartagaatigut nassiutiguk.

Atorfik pillugu apeqqutissaqaruit attaviginissatsinnut tikilluaqqusaavutit.