Inuussutissarsiornermut Siunnersorti Avannaata Kommunia, Ilulissat
Avannaata Kommuniani, Inuussutissarsiornermut Ingerlatsivik, Inuussutissarsiornermut Siunnersortimik,
1. martsi 2025 imaluunniit isumaqatigiissuteqarnikkut atorfinittussanik, pissarsiorpoq.
Inuussutissarsiornermi Siunnersorti Ilulissani Inuussutissarsiornermi ingerlatsivimmi inissisimassooq, qaninnertut Inuussutissarsiornermut pisortaq suleqatigissallugu. Atorfeqarnermut atatillugu siunnersorti Avannaata Kommuniani, illoqarfinni nunaqarfinnilu suleqateqassooq, ukiup ilaani siunnersuinermik suliaqarluni angalasarnissaq naatsorsuutigissavaa.
Suliassat akisussaaffiillu:
Siunnersortip ulluinnarni pingaarnertut akisussaaffigissavai Avannaata Kommuniani tamani inuussutissarsiornermik sullissisunik siunnersuineq, sumiiffinni Inuussutissarsiornermut Siunnersuisooqatigiinnut allattaaneq, suliassallu allat susassaqarfimmut attuumasut.
· Illoqarfinni nunaqarfinnilu inuussutissarsiornermut tunngasunik siunnersuineq
· Susassaqarfimmi oqartussaasunik allanik attaveqarlunilu suleqateqarneq
· Illoqarfimmi nunaqarfinnilu inuussutissarsiornermut tunngatillugu politikkikkut suliniutaasunut suleqataaneq
Piginnaasatigut piumasaqaatit:
- Suliassamut naapertuuttumik ilinniagaqarsimasoq, ajornanngippat akademiker
- Inuussutissarsiornermik tunngassuteqartunik sulerusuttoq
- Tunniusimasoq, imigassamik aanngajaarniutinillu ajornartorsiuteqanngitsoq
- Minnerpaamik marluinnik oqaaseqartoq, kalaallisut qallunaatullu
· Sullisserusussusilik akisussaaffimminillu ilisimaarinnittoq
Naatsorsuutigissavat sulianut tunngatillugu ataatsimiinnernut, isumasioqatigiinnernut, pikkorissarnernulluunniit innersuunneqarsinnaanerit.
Akissarsiaqartitsineq atorfinitsitinerlu:
· Akissarsiat atorfininnermilu atugassarititaasut Naalakkersuisut kattuffiullu isumatiginninniarsinnaatitaasup akornanni isumaqatigiissutit atuuttut naapertorlugit pissaaq
- Atorfimmut atatillugu inissaqartitsisoqarpoq, ilaqutariillu amerlassusaat naapertorlugu angissusiligaasussamik, malittarisassat atuuttut naapertorlugit akilersorneqartussamik.
Atorfik pillugu paasissutissat amerlanerusut pissarsiarineqarsinnaapput Inuussutissarsiornermut Pisortaq, Bendt Kristiansen uunga attavigineratigut; bkri@avannaata.gl
Qinnuteqaat ilinniarsimanermut uppernarsaatit, siornatigut atorfigisimasamut takussutissat, sulisoqarnermut immikkoortortaqarfimmut kingusinnerpaamik nassiunneqassapput
ulloq 26. februar 2024