Isumaginninnermut Aqutsisoqarfik AC-fuldmægtigimik, immikkut siunnersortimik imaluunniit pisortaqarfimmi siunnersortimik piumasaqaateqarpoq, Suliassanik Suliaqartunut Siunnersuisarfimmi
Meeqqat inuusuttullu ilaqutaallu aamma inuit innarluutillit immikkoortortaqarfimmi akisussaaffigilernissaannut ilisimasakkut suliniutikkullu pitsaanerulersitsinnissaanut sulerusuppit.
Sullissisunik siunnersuisarfimmi assigiingitsunik isumaginninnikkut suleqatigiittartoqarpoq, taakku kommunit meqqanut inuusuttunullu, innarluutillillu isumaginninnikkut suliaqarneranni tapersersortarpaat. Meeqqanut aamma ilaqutariinnut Sullissiviit, Ilaqutariit illui, aamma ilaqutariinni aqqutissioqatigiissitsineq kommunini tamatuma avataatigut tapersersortarpagut, kiisalu angajoqqaarsiat pikkorissartarnissaat, aaqqissuussaanikkut allanngortoqarnerani siunissami Qitiusumik Ikiuigasuarnissamut Upalungaarsimasunut aamma Meeqqat illuat suliniummut ataqatigiissaarisuussaagut.
Illit inissisimaffiit:
Inissisimaffinni qitiusumik inissisimalissaatit aamma ulluinnarni ingerlatsillutillu ineriartortitsillutillu immikkoortortaqarfiit sulineri ataqatigiissaarisutut akisussaaffigissavatit, kiisalu immikkoortortaqarfimmi pisortaq suleqatigalugu suliassaqarfinni aamma immikkoortortaqarfiit akimorlugit ataqatigiissutaassaatit.
Naatsorsuutigaarput immikkoortortaqarfimmut tamarmut suliassaqarfimmi akisussaaffik tigusinnaagit, kisianni naatsorsuutiginngilarput suliassaqarfitsinni tamani immikkut paasisimasaqarluarsasutit, kisiannili ulluinnarni suleqativut pikkorissut ulluinnarni sulinerini aqussavatit. Tamanna isumaqarpoq immikkoortortaqarfinni sullissisoqatigiit tapersortassagitit suliassat agguataarneranut, tulleriiaarneranut suliassallu nakkutiginerannut, kiisalu suliap naammassinissaanut siunnersuieqatigisatut inissisimasassallutit.
Immikkoortortaqarfiup suliassaanut suna tamaat takunnissinnaaninnut ilisimasatillu iluaqutigalugit immikkoortortaqarfimmi pisortamut pingaarutilimmik siunersiueqatigiinngussaatit aamma periusissiani aalajangigassani suliassaqartillugu pisortaq tapersersortassavat.
Suliassatit ilaatigut makkuussapput:
Immikkoortortaqarfimmi sulineq ataqatigiissaarnera inerisarneqarneralu.
Immikkoortortaqarfimmi suliassat tamakkiisumik ilisimasaqarneq aamma suliassanik nutaanik agguaaneq.
Suliassanik aqutsineq, suleqatit ilagalugit suliassat qanoq aaqqissaneranut siunnersiueqatigiinneq aamma ilaatigut pikkorissarnernut atatillugu, ilitsersuutillu suliarinerani, suliniutinik suliassanillu ineriartortitsineq.
Pilersaarummut nassuiaatinik suliniummi aamma pilersaarutip ilaakkartuanik suliarinninneq.
Suliniutinik angisuut mikisunilu pilersaarusiornermi aqutsineq, tamatuma ataani qarasaasiamik aamma online-kut aaqqiineq assersuutigalugu e-læring aamma webinar.
Suliniutinik aallartitsineq.
Kommunip ESDH-systemia nagittumik suliaqarnermi, ineriartortitsineq atulersitsinerlu immikkoortortaqarfimmiik ikorfartorneqarnissaa.
Susassaqartut avataaneersut suleqatiginissaat sualummik kommuneqarfiit ikorfartorlugillu tapersersorneqarnissaat, kommuneniillu pisariaqartinneqartut ingerlaavartumik matussuserneqartarnissaat.
Immikkoortortaqarfimmi pisortaq tapersersornissaa aamma siunnersiueqatigisarnissaq.
Nalunaarsuutinik ilusilersuineq, apersuutinik immersugassaliorneq, naliliinernut saaffiginnittullu eqqarsaatigalugit kisitsisit atorlugit nassuiaasiorneq.
Imaqarniliat, allattukkat, ilisimatitsinerit allattariarsornikkut suliassartai.
Workshop-qartillugu aamma seminareqartillugu allaffissornikkut suliassaneriataartoqartillugu suliassartai.
Ujartorparput:
Ukiorpaalunni misilittagaqartuuvutit immaqa aamma immikkut imaluunniit pisortatut siunnersortitut sulivutit, alla pilersaarusianut aqutsisutut, ineriartortitsinermi siunnersortitut imaluunniit assigisaanik - politikkikkut suliffeqarfimmiluunniit isumaginninnerup iluani misilittagaqarputit.
Ataqatigiissaarisutut piginnaaneqarputit aamma pilersaarusiani aqutsisutsialaavutit, pissutsinik nutaanuk ikaarsaariarsinnaallutit, tamakkiisumik isiginnissinnaaneq piginnaaneqarfigaat, arlalinnik suliaqarnissamut piginnaaneqarputit. Akisussaaffeqarusupputit pilersaarusiallu aqukkusullugit aamma anguniakkat piviusunngortikkusuppatit.
Suleqatinnut, aqutsisornut avataanilu suleqatinnut, siunnersiueqatigiilluarlutillu aamma suleqatikkuminartuuvutit tatiginartoq.
Tamatuma avataatigut inuttassarsiornitsinni ilisarisinnaavat atorfik ilinnut naleqquttuusoq.
Sulilersinnaasutut tulluarluinnartoq tassaavoq:
Ataqatigiissaaritutut sulinermi aamma suliassani aqutsinermi misilittagaqartuusutit.
Suliniutini aqutsineq misilittagaqarfigissagit, tamatuma ataani tapiisartut arlallit aamma suleqatigisartakkat suleqatigineranni.
Suliniummi ataatsimi, suliniutip agguarneqarnerata iluanni tamani sulisinnaassasutit, ineriartortinneqarneraniit nalilersorneqarneranut tungaanut.
Suliassanik ataqatigiissaarineq aamma agguaaneq misilittagaqarfigissagit, sulisunik aqutsisutut suliatigut aqutsisuusimasimasinnavutit.
Isumaginninnerup iluani misilittagaqassasutit aamma suliassaqarfinni arlalinni akimorlugit sulisinnaassasutit.
Politikikkut aqutaalluni aaqqissugaanermi sulinermik misilittagaqarputit, tamatuma ataani sulianik saqqummiussassanik, tusarniaassutinillu suliaqallaqqissoq.
Suliarnut misissueqqissaarnermik aammalu ataqatigiissaarilluarsinnaassuseqartuussaatit,
Aqutsisunut tapersersuisartutut misilittagaqassaatit aamma avitseqateqartarnermik.
Allaffissornikkut qaammaasaqassasutit aamma suliassani mikisuni angisuunilu allattariarsunnikkut piginnaaneqassasutit .
Qarasaasiakkut piginnaaneqassasutit aamma qarasaasiaq atorlugu suliaqarsinnaaneq suleriutsitsinnillu sulerusussuseqarneq.
SurveyXact, kisitsisinngorlugillu paasissutissat minnerusut, misilittagaqarfigigitit.
Ingerlaqqiffiusumik ilinniarsimassasutit soorlu cand.soc., cand.mag., cand.pæd. imaluunniit assigisaanik.
Immikkoortortaqarfimmi kalaallisut oqalunneruvugut taamaattumik oqaatsigut ulluinnarsiutigigukkit ajungequtaassaaq, taamaakkaluartorli marluinnik oqaaseqarluta suleqateqartarneq misilittagaqarfigaarput, uatsinnullu qajassuulluta, taamaattumik piumasaqaataangilaq.
Uagut neqeroorutigaagut
Suliffik isumalerujussuaq ineriartornermi ingerlatsinermilu qitiusumik inissisimassaatit, immikkoortortaqarfik kommunenut tapersersuisoq, aamma taamaattumik periarfissaqassaatit meeqqat inuusuttut ilaqutariillu kiisalu inuit innarluutillit sullinneqarnerani , kommunemit nunatsinniit sullinneqartartut, suliat pitsaassusissaa sunniuteqarfigisinnaassallugu.
Uagutsinnut politikkikkut kommunimiillu piviusunngortussatut naatsorsuutigisat qitiusutut atorfik akisussaaffittut atorfigilissavat.
Suleqatit pikkorissut suliaminni annertuumik misilittagallit immikkoortortaqarfimmi illaqatigiinnermik inissalik. Meeqqat inuusuttuaqqallu, ilaqutariit, innarluutillit aamma angajoqqaarsiat, ilaqutariinnik siunersiueqatigiitsitsisartut saniatigut immikkoortortaqarfik 2-nik suliniutini aqutsisoqarpoq, inatsisileritooq aamma immikkoortortaqarfimmi pisortaq.
Isumaginninnermut Aqutsisoqarfik immikkoortortaqarfinnut arfineq-marlunnut agguataagaavoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu-, Inissitsiterinermullu immikkoortortaq, Meeqqat ineriartornerannut immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma Allattoqarfik.
Atorfik Sullissisunut Siunnersuisarfimmi inissisimavoq.
Isumaginninnermut Aqutsisoqarfik Meeqqanut, Inuusuttunut Naalakkersuisoqarfiup ataaniittuuvoq.
Ulloq 1. aggustip 2024 isumaqatigiissuteqarnikkulluunniit.
Qinnuteqarneq
Qinnuteqarnissamut periarfissaq kingulleq tassaavoq ulloq 24. juni 2024 Atorfinitsitsinissamut oqaloqatiginninnerit taassuma kingorna pinissaat naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasissutissat amerlanerit
Atorfik pillugu itinerusumik paasisaqarusukkuit, immikkoortortaqarfimmi pisortaq Stina Sværd oqarasuaammut +299 55 72 80 imaluunniit e-mailimut stin@nanoq.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job