Isumaginninnermut Aqutsisoqarfik marlunnik siunnersortissarsiorpoq nutaamik siunnersuisinnaanermik neqeroorutimut kommunini paarititaasunut
Nuna tamaat ilaqutariit paarsisartut inuiaqatigiinni suliassaq annertoorujuk meeqqanut aamma inuusuttunut suliassaq kivittarpaat, meeqqat angerlarsimaffiup avataannut inissinneqarnikut pitsaanerpaamik isumassuinissaq ikiorsiisarnerlu pissarsiariniassammassuk. Ilaannikkut suliaq ajornakusoortarsinnaavoq, aamma ilaqutariit paarsisartut pisoq illua-tungaanut saatsissallugu pisariaqartissinnavaat, eqqartorlugulu qanoq iliorlutik paarsinissaq ingerlassinnaallugu. Inissiinerup aallartinnerata nalaani siusissukkut iluatsinnginneq pinngitsoortinniarlugu, ilaqutariit paarsisartut meeqqallu pitsaanerpaamik atugassaqartinniarlugit inissiilluarnissarlu qulakkeerniarlugu, atorfik supervisoritut pilersinneqarpoq kommuneni ilaqutariit paarsisartunut nakkutilliilluni ilitsersuisussatut.
Inuttut ataasiakkaatut, eqimattatullu ilitsersuineq ilaqutariit paarsisartunut tunngaviusumik online-kut ingerlanneqartassaaq.
Atorfik pillugu
Isumaginninnermi Aqutsisoqarfimmi atorfik nutaajuvoq aamma taamaattumik illit neqeroorutit qanoq aaqqissorneqarnissaannut assut sunniuteqassaatit, kommunemi ilaqutariit paarsisartunut siunnersortit aamma Ilaqutariinnik paarsisartut pillugit suleqatigiit, suleqatigalugit, .
Isumaginninnermi Aqutsisoqarfimmi Ilaqutariit paarsisartut pillugit suleqatigiinni akuulissaatit, marlunnik siunnersuisoqarpoq, ilaatigut tunngaviusumik - angajoqqaarsiat aamma kommunini ilaqutariittut paarsisartut - pikkorissartarpaat, kiisalu siunnersuillutik kommuunini angajoqqaarsianut siunnersuisartut tapersersortarlugit, ilitsersuineq aamma nakkutilliilluni ilitsersuineq kiisalu Ilaqutariinnut paarsisartunut suliassaqarfimmi sulianik suliarinnittarnerup iluani pikkorissaasarlutik.
Nakkutilliilluni ilitsersuisartutut tunngaviusumik suliassatit ukuussapput:
Ilaqutariittut paarsisartunut nakkutilliilluni ilitsersuisarnerup iluani nakkutilliilluni iitsersuisarnermi neqeroorutit ineriartortinnissaa aamma taamatullu suleriusissaq.
Ilaqutariittut paarsisartunut ataasiakkaamik aamma -eqimattanut nakkutilliilluni siunnersuisarneq.
Nakkutilliilluni siunnersuisarnerni neqeroorutit ataqatigiissaarnissai.
Meeqqat imminni inissinneqarnikuusoq qanoq passunnissaanut imaluunniit ajornartorsiummi inissisimanera siunnersuiffigalugu aamma ilitsersuiffigalugu, assersuutigalugu angajoqqaavi ilaginerani atatillugu qisuariaatai, sakkortuumik pissusilersortarneq, aliasunneq imaluunniit sakkortuumik misigisaqartarsimanerit.
Kommuneni angerlarsimaffiup avataanut inissiinikuusoq suleqatigalugu, ilaqutariit paarsisartut, meeraq/inuusuttuaraq iliuusissatut pilersaarutaa iluaqusiullugu qanoq ilillutik passussinnaagaat.
Siunnersuineq, ilitsersuineq, angajoqqaarsianut aaqqiagiinnginnermi nalerisaanermi suliaqarnermi tapersersuineq.
Eqimattani nakkutilliilluni ilitsersuinermi kiisalu nakkutilliilluni saqqummiinermi ilitsersuinermi ilinniartitsissutissanik suliarinninnermik suliaqarneq.
Ilaqutariinni paarsisartuni angajoqqaarsianik inatsisitigut piumasaqaataasunik pikkorissartitsinissamut pikkorissartitseqqinnissamullu pilersaarusiornermi siunnersuisut peqatigalugit suleqataaneq.
Oqaloqateqarluni oqilisaanermik neqeroorutip iluanni kommunini ilaqutariinni paarsisartunut siunnersuisut peqatigalugit suleqatigiinneq.
Kommuunini ilaqutariinni paarsisartut siunnersortinut isumassarsioqatigiissitsisarneq imaluunniit angajoqqaarsianut kommunini Imaajaalluni Oqaloqatiginnittartumut isumasioqatigiinneq.
Ikiuigasuarnissamut upalungaarsimaveqarfimmut, pinartumik angisuunik imaannaanngitsunillu nalaataqartittoqartillugu pisariaqartitsinikkut tarnikkut inooqatigiinnikkullu ikiuigasuarnernik peqataaneq.
Suliassat aalajangersimasut
Ilinnut tunngasut
Sulilersinnaasutut tulluarluinnartoq oqaloqateqarluni oqilisaanermik assut misilittagaqarpoq aamma meeqqanik inuusuttuaqqanullu sullissisunut eqimattanngorlugit imaajaalluni oqaloqatigiinnernik ingerlatsinermik, taamaalillunilu perorsaanermut tunngasunik ilitsersuisinnaassalluni taamatullu angajoqqaarsianut siunnersuillunilu ilitsersuisinnaassalluni meeraq atungarisseqqinnissaanut pitsaanerpaamik qanoq iliortoqarsinnaaneranik, soorluttaaq eqqarsartaatikkut misigissutsikkullu paaqqutarinnittunut oqilisaasinnaassalluni siunnersuisinnaassallunilu.
Suliannut inunnullu ataatsimut isiginnillutit pullaveqarsinnaassuseqarputit aamma assersuutigalugu isumassuinermik, killiliinernik, suleqatigiinnermik, qanorlu meeraq inuusuttuararluunniit erloqinartumik pisoqartillugu qaangerniarnissaannut ilitsersuisinnaallutillu siunnersuisinnaassasutit.
Naatsorsuutigaarput, illit
Isumaginninnerup tunngasut iluanni naleqquttumik ilinniagaqarsimasuusutit soorlu perorsaasutut, isumaginninnermi siunnersortitut, eqqarsartaatsip pissusiinik ilinniarsimasoq imaluunniit assigisaannik.
Ilinniaqqinnermi ilinniagaqarsimassasutit assersuutigalugu imaajaalluni oqaloqatigiittarnermi, ajunngilaq aaqqiiniarluni oqaloqateqartarnermut aamma eqqarsartaatsimik tunngaveqarluni eqqartuisarnerit aallaavigalugit inuttut pissusilersornermi, ilisimasaqaruit.
Isumaginninnerup iluani inatsisinik ilisimasaqartutit.
Angerlarsimaffiup avataanut inissiisarneq ilisimasaqarfigissagit, meeqqanik inuusuttuaqqanillu angerlarsimaffiup avataanut inissiisarnernut misilittagaqartutit.
Meeqqat inuusuttullu atugarliortut qisuariaataanullu ilinniarsimasutut annertuumik ilisimasaqarfigissagitit.
Ilaqutariinnut paarsisartunut suliassaqarfimmi sulianik suliarinnittarnermut ilisimasalik, ajunngilaq ilaqutariinni paarsisartuni siunnersortitut misilittagaqaruit.
Sunniuteqarsinnaalluarluni sulilluartuusoq, suleqateqaqqillaqqissoq, naleqartitanik najoqqutallu aallaavigalugit tunniusimalluni sulilluni aamma nammineersinnaasoq.
Ulluinnaat ilaanni ulappuffioqisuni paasiuminaatsunillu suliassarpassualimmi ataatsimoortumik takunnissinnaasoq ataqatigiissitsisinnaasorlu aamma pinartuni pisoqartillugu naleqqussarsinnaasoq.
Nammineq suliassat ammaffigissagitit aamma tapersuinissaq ilinniarnissarlu siunertaralugu ujartuisoq.
Attaveqatigiinnermi pitsaasunik piginnaasaqarneq,
Suliatigut tamatigoortoq
Marluinnik kalaallisut danskisullu oqaaseqartuusoq.
Uagut neqeroorutigaavut:
Suliaq sulisumut isumaqarluartoq, suleqatit immikkoortortaqarfimmi piginnaasaqarluartut, suliaminnut tunniusimasut aamma meeqqanut atugarliortunut immikkoortortaqarfimminni meeqqanullu ilaqutaannullu inuillu innarluutilinnut ineriartortitsinissamut tapersersuinissamut ineriartortitserusussuseqartut.
Taakkua saniatigut makkua pissarsiarissavatit:
Suliffik alapernaatsoq, ineriartornartoq aamma eqeersimaarfiusoq, ilinniagaqarsimaneq aamma suliat suliarineqarnerini pitsaassutsimik ukkatarisalik.
Sulisut suliatigut nukittuut, sulinitsinni piffik tamaat immitsinnut isumasioqatigiittarnissaq ikioqatigiittarnissarlu pingaartitaralutigit.
Aqutsisoq suliatigut illit piginnaasannik tatiginnittoq, piviusorsiortunik piumasaqaateqartartoq illillu ineriartornissannik salliutitsisoq.
Suliffeqarfik assigiinngissutsimut inissaqartitsisoq, qiimmassarneq, ajunngitsumillu suleqatigiiffiulluarluni.
Persuarsiunngitsumik attaveqaqatigiinneq, namminerlu sulinermut sinaakkusersuinermut sunniuteqarsinnaaneq.
Sulillutit angalanissamut periarfissaq aamma nunarput tamakkerlugu misigisaqarfigissallugu periarfissaq.
Uagut pilluta
Isumaginninnermut Aqutsisoqarfik immikkoortortaqarfinnut arfineq-marlunnut agguataagaavoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq Unnuarlu-, Inissitsiterinermullu immikkoortortaq, Meeqqat ineriartornerannut immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma Allattoqarfik.
Atorfik Sullissisunut Siunnersuisarfimmi inissisimavoq. Sullissisunik siunnersuisarfimmi assigiinngitsunik isumaginninnikkut suleqatigiittartoqarpoq, taakku kommunit meeqqanut inuusuttunullu, innarluutillillu isumaginninnikkut suliaqarneranni tapersersortarpaat. Tamatuma avataatigut Meeqqanut aamma ilaqutariinnut Sullissiviit, Ilaqutariit illui tapersersortarpagut, aamma ilaqutariinni aqqutissioqatigiitsitinermi ilinniartitsisarpugut, kiisalu angoqaarsianut pikkorissaasarluta. Aaqqissuussaanikkullu allanngortoqarnerani siunissami Qitiusumik Ikiuigasuarnissamut Upalungaarsimasunut ataqatigiissaarisuussaagut.
Ulloq atorfiniffissaq
1. januaarip 2025 isumaqatigiissuteqarnikkulluunniit.
Qinnuteqarnissamut killiliussaq tassaavoq:
Ataasinngorneq 14. november 2024 nal. 12.00
Atorfinitsitsinissamut oqaloqatiginninnerit tamatuma kinguninngua ingerlanneqarnissaat naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasissutissat amerlanerit
Atorfik pillugu itinerusumik paasisaqarusukkuit, immikkoortortaqarfimmi pisortaq Stina Sværd oqarasuaammut +299 55 72 80 imaluunniit e-mailimut stin@nanoq.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.