Isumaginninnermut Aqutsisoqarfiup Meeqqanik Inerisaanermut Immikkoortortaqarfia ataavartumik siunnersortimik suleqatissarsiorpoq
Meeqqat atugarissaarnissaannut ineriartortitserusussuseqarpit? Allanngueqataanissaq uummateqarfigaajuk, nutaaliorneq suliassaqarfiillu assigiinngitsut suleqatigiilluarsinnaanissaat nukittorsarusullugu? Meeqqat atugaannik siuarsaataasussanik suliniutinik ineriartortitsillutillu atuutsilersitsisarusuppit? Ineriartortitsinikkut sulineq sungiusimaviuk, allannguutinullu naleqqussariaannaasinnaallutit? Taamaappat illit atorfissaqartissinnaavatsigutt Meeqqat 0-18 ukiulinni suliniummi nutaatut siunnersortitut.
Meeqqanut ukioqanngitsuniit 18-inut ukiulinnut suliniut:
Meeqqat 0-18-it akornanni ukiullit tassaavoq suliniut meeqqat inuusuttullu tamarmik atugarissaarlutik ineriartorlutillu inuunerinnerulernissaannik siunertaqarfiusoq. Suliaqarfiit assigiinngitsut akornanni eqaatsumik suleqatigiittoqarnissaa siunnillugu sulissutigineqarpoq, aamma isumaginnermut tunngasut, ilinniartitaanermut tunngasut peqqinnissamullu tunngasut isumaqarluartumik ataqatigiissaarneqarnissaat sulissutigineqarpoq.
Aqutsisunut ilaassaatit suliniutillu pingaarutillit piviusunngorteqataaffigalugit, meeqqat inuunerannut eqaatsumik ikaarsaarfeqarnissaanut, tamatuma ataanni:
Angerlarsimaffimmiit ulluunerani meeqqerivimmut ikaarsaariarneq
Meeqqerivimmiit atuarfimmut ikaarsaarneq
Inoqarfinni mikinerusuni atuarfimmiit, illoqarfimmi atuartut angerlarsimaffiannut ikaarsaarneq
Suliaqarfimmi inatsisit atuuttut naapertorlugit meeqqat inuusuttullu ukioqanngitsuniit 18-it angullugit ukiullit tamarmik sulianik ilisimasalimmit/isumalluutaasumit ukiumut marloriarlutik takuneqartarnissaat suliniutigineqarpoq. Tamassuma qitiutinneqarnerani siunertaavoq aaqqissuussamik, sinaakkusersukkamik akisussaaffimmillu agguaassinikkut meeraq pillugu paasissutissanik attuumassuteqartunik atorneqartussanik tunniussinikkut siunnerfilinnik siusissukkut suliniutinik pilersitsisoqarnissaanut periarfissaqarnersoq qulakkiissallugu.
Meeqqanik inerisaanermut immikkoortortaqarfimmi Meeqqat ukioqanngitsuniit 18 tungaanut ukiulinni suleqatigiit tunniussimasut suleqatigilissavatit, nukittorsarneqarnissaa periarfissarissavat aamma kommunini sakkut ilutsillu pioreersut ineriartornissaat. Tamatuma saniatigut aamma nutaaliorneq aaqqissuutissat suliarissavatit soorlu TOPI qarasaasiatigut atortulersuutitaarput, tamakkuninnga ingerlatsinermut oqilisaataasoq.
Meeqqat ukioqanngitsuniit 18-it angullugit ukiullit Meeqqanik Inerisaanermut Immikkoortortaqarfimmi inissisimavoq. Meeqqat, inuusuttut, suli atualinngitsut aamma ilaqutariit pillugit suliniutit nukittorsarneqarnissaat immikkoortortap pingaarnertut siunniussaraa. Immikkoortortaqarfik Meeqqanut, Inuusuttunut Ilaqutariinnullu Naalakkersuisoqarfiup ataani politikkikkut inissisimavoq.
Atorfik pillugu:
Suliaqarfinnit assigiinngitsuniit suleqatigiinni suli atualinngitsunut siunnersortit, suliatigullu pisortaq, immikkoortortamilu pisortaq suleqatigilissavatit. Suliniutinik aqutsisut allat kommunillu qanimut suleqatigalugit pilersaarummi suliniutit ineriartortinnissaat atuutsilersinneqarnissaallu suliassarissavatit. Taamaattumik naatsorsuutigaarput paarlakaattumik namminersorluni sulisinnaaneq aamma suliniummik ingerlatseqatigiit, kommunini pingaarnertut ingerlataqartut aamma aqutsisoqarfiit, aammattaaq suleqataasut sinneri qanimut suleqatigisarsinnaasassagitit.
Suliassatit ilaatigut makkuupput:
Suliniutinik pilersaarummut tapersersuutaasunik inerisaaneq atuutilersitsinerlu
Kommunit, aqutsisoqarfiit allallu akornanni suleqatigiinnermik ataqatigiissaarineq
Kommunini suliniutinik atuutilersitsinissaq attassinissarlu, atuutilersitsinissamut paasissutissanik suliaqarneq ilaalu ilanngullugit.
Naalakkersuisoqarfimmut allakkiorneq suliallu ingerlanneri pillugit nalunaarusiorneq
Ataatsimiinnernik aamma workshopinik ingerlatsineq aamma kiffartuussineq
Immikkoortortami suleqatigiiaat sinneri suleqatiginerisigut suliassaalertut assigiinngitsut allat pillugit aaqqiissuteqateqartarneq
Suleqatissarsiorpugut:
Suliniutinik ineriartortitsinermillu suliaqarnermik misilittagalik
Allattariarsornikkut oqaluttariarsornikkullu paasissutissiineq nukittuffigalugit piginnaasalik
Suli atualinngitsut, atuarfiit, isumaginninneq aamma/imaluunniit peqqinnissaqarfik pillugit ilisimasalik misilittagalillu, Kalaallit Nunaannut aamma atatillugu
Naleqquttunik ingerlaqqiffiusumik ilinniagaqarsimassasutit
Tunniusimasoq aamma aaqqissuussaasimasut, suliaqartartut immikkoortullu assigiinngitsut akornanni pitsaasumik suleqatigiittoqarnissaanik qulakkeerinnissinnaasoq
Allattariarsornikkut oqaluttariarsornikkullu kalaallisut danskisullu piginnaasaqaruit iluaqutaassaaq.
Sulineq sapaatip akunneranut akunnernik 40-nik sivisussuseqarpoq.
Atorfimmut atatillugu piffissap ilaanni angalasarnissaq naatsorsuutigisariaqarpoq.
Ulloq atorfiniffissaq:
01.10.2024 imaluunniit isumaqatigiinnikkut.
Isumaginninnermut Aqutsisoqarfik pillugu
Isumaginninnermut Aqutsisoqarfik arfineq-pingasunik immikkoortortaqarpoq: Innarluutilinnut immikkoortortaqarfik, Pitsaaliuinermut immikkoortortaqarfik Paarisa, Meeqqat Ineriartornerannut Immikkoortortaqarfik, Aningaasaqarnermut immikkoortortaqarfik, Ulloq Unnuarlu Inissitsiterinermullu immikkoortortaqarfik, Sullissisunut Siunnersuisarfik, Innuttaasunik toqqaannartumik sullissivik aamma Allattoqarfik.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Sukumiisumik paasissutissat:
Atorfik pillugu sukumiinerusumik paasisaqarusukkuit, Meeqqat Ineriartornerannut Immikkoortortaqarfimmi pisortaq Maliina Junge Jørgensen uunga allaffigalugu; maju@nanoq.gl imaluunniit oqarasuaammut uunga sianerlutit attavigisinnaavat: 523286
Imaluunniit suliatigut pisortaq Aviaaja Pedersen Lynge; Avpl@nanoq.gl tlf.
346873
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.