IT-supperterimi ilaqqiineq

Teknikkimi ajutoortoqartillugu sianerfigineqartarpit? Taava una atuaruk!

Aaqqiinissannut piareersimajuaannarpit qiimasuullutillu?

Allanut ikiuineq nuannaraajuk, systemi ilisimasaqarfigalugu aaqqiinissallu qiimmaallaatigisarlugu?

Taava illit Namminersorlutik Oqartussani Qitiusumik Allattoqarfimmi IT-supporterini sulisussatut ujartorpatsigit.

Ilaatigut suliarisartagassatit:

• IT-supportimi 1st aamma 2nd linemi suliassat remotemik allaffiannilu ikiuunneq
• Atuisunik iserfigisinnaasaannillu aaqqissuussineq
• Softwarenik nutarterineq atuutilersitsinerlu
• Teknikkitigut ajornartorsiutinik suussusersineq aaqqiinerlu
• VIP-nut kiffartuussinitsinni pitsaalluinnartuusussami peqataaneq!

Pingaarnertut Microsoft 365-imi Windowsimilu suliaqarpugut, ilaatigulli pisariaqartillugu aamma Applenik suliaqartarluta.

Kinaavit?

• IT-supporteritut assigisaattulluunniit ilinniarsimasuuvutit ajornanngimmallu misilittagaqarlutit – piumasaqataanngitsumilli
• Kiffartuusserusuttuuvutit, eqqissisimasuuvutit ulapaarfinnilu paatsiveerusimaarneq ajorlutit
• Aaqqiissutinik isiginnissinnaassuseqarputit atuisullu assigiinngitsut oqaloqatigilluarsinnaallugit
• ITIL-imut certifikateqarputit (perusulluguluunniit)
• Pinerlussimannginnermut uppernarsaateqarputit

Iluaqutaassagaluarpoq:

• AD, Intune, Teams allallu assingusut ilisimasaqarfigigukkit
• Suliffeqarfinni angisuuni pisortaqarfinniluunniit qarasaasiaqarnermut tunngasunik misilittagaqaruit

Illit suna pissarsiarissaviuk?

Suliffeqarfimmi ineriartortumi inuusuttumilu sulilissaatit, pilertortumik iliuuseqartarpugut isumassarsiallu piviusunngortinnissaannut piffissaq sukkasarluni.

Neqeroorutigisinnaasagut:

• Atorfik ullut tamaasa allannguiffiusinnaasoq
• Nutaanik ilinniarnissamut ineriartornissamullu periarfissaqarluartoq
• Suliffik pikkorissunik inussiarnersunillu sulisulik
• Avatangiisit qeratanngitsut, illakusuttarpugut, isumasioqatigiittarpugut ikioqatigiittarlutalu
• IIlisimasagut qaffasipput, taamaakkaluartoq qeratanngilagut atorfittalu taaguutaat aallaavigineq ajorlutigit

Kikkuuvugut?

Digitalinngortitsinermut Aqutsisoqarfimmi Kalaallit Nunaata digitaliunerunissaa, pitsaanerunissaa ataqatigiinnerulernissaalu sulissutigaarput. Sulisut 32-t missaanniippugut, Digitalinngortitsinermullu Aqutsisoqarfimmi suliarisartakkagut qarasaasiat atorneqarnissaannut, kiffartuussinermut, digitalimik isaaffinnut, Cyberip paasissutissallu isumannaatsuunissaannut kiisalu nuna tamakkerlugu aaqqiissutinik ineriartortitsinernut tunngassuteqarput, taakkualu tamarmik Kalaallit Nunaanni inuiaqatigiinni aaqqissuussanut pingaarnernut atorneqarsinnaassapput.

Upperisaraarput:

• Naammassisaqarsinnaassuseq
• Suleqatigiinneq
• Akisussaassuseqarneq
• Ilisimasanik avitsineq

Pingaarnerpaarlu – illit upperaatsigit.

Suleqatigilernissatsinnut piareersimavit?

Ullup killigititap nallinnginnerani qinnuteqaatit nassiuguk.

Ingerlaavartumik qinnuteqaatit atuartarpagut, nangaavallaarniaqinak.

Apeqqutissaqarpit?

Taava immikkoortortaqarfimmi pisortarput, Aputsiaq Gudbrand Petersen, attavigiuk.

Mail apu@nanoq.gl

Oqarasuaat +299 345887

PS: Uagut suliagullu pillugit uani paasisaqarnerusinnaavutit digitalimik.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk