Kalaallit Nunaanni attaveqaasersuineq tapertaaqqataaffigerusuppiuk? Ineqarnermut Attaveqaqatigiinnermullu Naalakkersuisoqarfik AC-fuldmægtig-imik imaluunniit immikkut siunnersortimik pissarsiorpoq
Nunatsinni attaveqaatersuutinut sulianut pitsaasumik allanngueqataallutillu tapertaarusuppit?
Ulluinnarni ulapaarfiusumi tamakkiisumik takunnissinnaassuseqarpit isumassarsianillu piviusunngortitsisinnaallutit? Taamaappat immaqa illit pisariaqartippatsigit. Attaveqaqatigiinnermut Immikkoortortaqarfimmi ulapaarpugut, taamaammallu ulluinnarni suleqatissatsinnik marlunnik pissarsiorpugut.
Silaannakkut angallannermut suliassaqarfimmi inatsisitigut arlalinnik suliaqarsinnaasoq
Mittarfeqarfiit 13-t, qulimiiguulinnut mittarfiit 46-t silaannakkullu inatsisinut tunngasut suliassaapput. Soqutigisaqaqatigiippassuit oqartussallu allat, ilaatigut Danmarkimi Trafikstyrelsen, qanimut suleqatigalugit silaannakkut angallannermut suliassaqarfik atorfeqarfigissagit naatsorsuutigineqarpoq.
Ilulissani, Nuummi Qaqortumilu mittarfiliortoqartillugu sumiiffinni taakkunani angallannikkut ineriartortoqarlunilu allanngortoqassaaq. Suliassaqarfik politikikkut malinnaaffigineqartorujussuuvoq, taamaammallu allaffimmioqatitit peqatigalugit ilisimatitsissuteqartarlusilu aaqqiissutissarsiortassaasi.
Taamatullu angallannermut kiffartuussinissamut isumaqatigiissut nutaamillu angallannermut periusissiamik suleqataassaatit.
Suliassanut tunngatillugu avitseqatigiinneq suliassanillu aaqqiissuteqarneq ataavartumik ingerlanneqartassaaq.
Suliassat ilaatigut tassaapput:
• Qinikkanik sullissineq
• Soqutigisaqartunik suleqatigisartakkanillu ataatsimiinnernullu peqataaneq
• Innuttaasut saaffiginnissutaanik akissutit
• Tusarniutinik akissuteqartarnerit
• Unammilligassanut suliassanullu ilisarinninneq
• Misissueqqissaarnernik, allakkianik aaqqiissutissatullu siunnersuutinik suliaqarneq
Naatsorsuutigaarput
Pingaartipparput:
• Ilinniagartuutut naleqquttumik ilinniagaqarsimassaatit
• Teknikikkut inatsisitigullu ajornartorsiutit paasisinnaassagitit
• Misissoqqissaakkavit inernerinik oqaatsit paasiuminartut atorlugit nassuiaasinnaasutit
• Tulleriiaakkamik aaqqissuussaanikkullu sulisinnaasutit
• Danskisut kalaallisullu politiki inatsisillu oqimaaqatigiissinnissaannik paasinnissinnaasutit
• Ajornartorsiutinik misissueqqissaarneq, taamatullu naleqquttunik aaqqiissuteqarsinnaasutit • Immikkoortortami suleqatinut taamatullu nunatsinni Danmarkimilu suleqatinut suleqateqarsinnaasutit
• Nammineerluni sulisinnaaneq, taamaattorli immikkoortortaqarfimmi suleqatinut qaqugukkut avitseqateqarsinnaanermik ilisimaarinnissinnaasutit
• Suliffeqarfimmi politikikkut aqunneqartumi sulisinnaaneq
Inuiaqatigiinnik kalaallinik oqaasiinillu ilisimasaqarneq iluaqutaassaqaaq taamaattorli piumasaqaataanngilaq.
Politikikkut aqunneqartumi sulinermik misilittagaqarneq taamaattorli piumasaqaataanngilaq. Ilinniakkamik naammasserlaajuguit sulininni tapersersussavassi. Taamaattorli nunatsinni inuiaqatigiinni pisunut politikimullu ilisimasaqarnissat naatsorsuutigaarput.
Tamatuma saniatigut naapeqatigiisitsillaqqissasutit, ilakkuminarlutit sulinerullu nalaani illaqataasinnaaneq inissaqartissagit naatsorsuutigaarput.
Uagut pilluta
Attaveqaasersuutinut Immikkoortortaqarfik qulinik sulisoqarpoq allaffinnut marlunnik immikkoortortaqarluni. Immikkoortortaqarfik timmisartumik angallannermut, mittarfeqarfinnut, imarsiornermut, umiarsualivimmi angallannermut, angallannermut, allakkanut nalunaarasuartaatitigullu attaveqaatinut pilersaarusiorneq, ataqatigiissaarineq assigiinngitsunillu suliaqartarpoq. Aalajangiinernut tunngavissat tunniuttarnissaannut politikikkullu aalajangikkat piviusunngortinnissaannut politikerit pisariaqartitaannik naalakkersuisoqarfimmi piviusunngortitsinissaq siunertaavoq.
Suliffik ulapaarfiuvoq, suliamik nuannarinninneq ilisimasaqarluarnerlu ataqatigiipput, tulluusimaarutigisinnaasatsinnillu pitsaasumik angusaqartarluta. Ulluinnarni ulapaarfiusumi qiimasumik sulisoqartarpoq. Suliffeqarfiuvugut kiffaanngissuseqarfiuvoq, suleqatitigut ataatsimoorussilluarfiusoq aamma sulinerup ilaqutariinnerullu ataqatigiinnerannik ataqqinniffiusoq.
Isumannaallisaanermi akuerineqarsimanissaq
Atorfimmut naleqquttutut ilanngunneqarnissamut tunngatillugu piumasaqaataavoq malittarisassat atuuttut naapertorlugit isumannaallisaanermi akuerineqarsimanissaq. Taamaattumik aallaqqaasiullugu pinerlussimasut nalunaarsuisarfianit pinerliisimannginnermut uppernarsaatip assilineqarnera annillatsinneqarsimasoq ilannguguk. Taanna najukkami politiitut oqartussaasunut aaneqarsinnaavoq imaluunniit ugguuna: www.politi.gl/bestil-straffeattest/privat-straffeattest.
Akissarsianut atorfeqarnermilu atugassarititaasut
Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.
Qinnuteqartunut piginnaasanik eqqortunik uppernarsarneqarsinnaasunillu pigisalinnik isumaqatigiissutit atuuttut malillugit immikkut siunnersortitut atorfinitsitsisoqarsinnaavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job