Kalaallit Nunaanni cyberimi aamma paasissutissanik isumannaallisaanermi paasissutissanut isumannaallisaanermut ataqatigiissaarisoq
Kalaallit Nunaanni paasissutissanik isumannaallisaaneq qaffassaaffigeqataaffigerusuppiuk? Paasissutissanik isumannaallisaanerup iluani suliassaqarfik ukkatarineqaleraluttuinnarpoq, tassanilu sulilissagaluaruit Digitalinngortitsinermut Aqutsisoqarfimmi cyberimi aamma paasissutissanik isumannaallisaanerup iluani suliassaqarfimmi suleqataalissaatit.
Cyberimi aamma paasissutissanik isumannaallisaanermik immikkoortortaqarfik pillugu
Cyberimi aamma paasissutissanik isumannaallisaanermik immikkoortortaqarfimmi ulluinnarni qanimut suleqatigiippugut, piginnaasattalu atornissaat ineriartortinnissaallu pingaartitaralutigu. Immikkoortortaqarfimmi sulisut aqutsisoq ilanngullugu tallimanut naatsorsorneqarsimapput. Immikkoortortaqarfimmi pingaarnertut suliassaq tassaavoq Kalaallit Nunaanni pisortaqarfinni, suliffeqarfinni innuttaasunilu cyberimi aamma paasissutissanik isumannaallisaaneq.
Immikkoortortaqarfimmiittut suleqatigalugit Kalaallit Nunaanni cyberimi aamma paasissutissanik isumannaallisaanermi suleriusissatsinnut ilusilersueqataasinnaavutit aammalu cyberimi aamma paasissutissanik isumannaallisaanerup iluani isumassarsiat piviusunngortinneqarnissaat tamatumalu kingorna ingerlanneqarnissaat ataavartinnissaallu qulakkeerinneqataaffigisinnaallugu.
Suliassatit
Immikkoortortaqarfimmi sulisut suleqatigalugit cyberimi aamma paasissutissanik isumannaallisaanerup iluani suliffeqarfiup iluani politikkissanut malittarisassanullu, aammalu periusissanik ilitsersuutinillu suliaqassaatit, atuutilersitsissaatit ataavartitsissallutillu.
Suliassaqarfitit ukuussapput:
Qitiusumik allattoqarfimmi sulisunut paasissutissanik isumannaallisaaneq pillugu ilinniartitsineq ilitsersuinerlu
Isumannaallisaanerup iluani ilitsersuutinik nutaanik pisariaqartitsisoqarnersoq nalilersortassavat aallartitsisassallutillu
Navianaataasinnaasut pillugit nalilersuineq pillugu ilinniartitsineq
Pisortanik sulisunillu cyberimi aamma paasissutissanik isumannaallisaanerup iluani siunnersuineq
Sillimaniarnikkut ajutoortoqarsimappat allatigulluunniit sillimaniarnikkut pisoqarsimappat nalunaaruteqarneq
Paasissutissat mianerisassat pillugit suliaqarnermi sillimaniarnermi officeritut suliassanik suliaqarneq
Piginnaanitit:
Suliassat ataatsimut isigisinnaavatit aaqqiisinnaassuseqarlutillu
Ataqatigiissaakkamik naammassisaqarusunnermillu isiginnittaaseqarputit
Suliassat ukkatassat naalagaaffiullu iluani suliarineqartussat nuannaraatit
Suliassatit aalajangiiffissallu akisussaaffimmik tigusiffigisinnaavatit
Suleqateqarsinnaavutit suliassaqarfiullu iluani suliaqartut assigiinngitsut akornanni attaveqaataasinnaallutit
Ilisimasatigut inissisimalluarputit pitsaassusermillu ilisimasaqarluarlutit
Oqaatsitigut allakkatigullu attaveqallaqqipputit
Sulinermi piginnaasat
Qaffasissumik naapertuuttumik ilinniarsimassaatit
Suliffeqarfiup iluani paasissutissanik isumannaallisaanermik misilittagaqarneq iluaqutaasinnaavoq
Atorfininnermut atatillugu ilinniartitsisoqassaaq. Atorfininnermi piginnaasat aallaavigalugit ilinniartitsinissaq ataqatigiissarneqassaaq.
Atorfininnermut atugassarititaasut
Atorfininnissamut naatsorsuutaavoq sillimaniarneq pillugu akuerineqarnissat atorfeqarnerillu tamakkerlugu isumannaallisaaneq pillugu akuersissutip attanneqarnissaa.
Digitalinngortitsinermik Aqutsisoqarfik pillugu
Digitalinngortitsinermut Aqutsisoqarfimmi siunissami digitalimik atuineq isumannaatsoq
anguniarneqarpoq, aqutsisoqarfimmiillu inuiaqatigiit digitalimik aaqqissuussanik isumannaatsumik assigiissakkanillu atuisinnaanissaat qulakkeerniarneqarluni.
Digitalinngortitsinermik Aqutsisoqarfimmi Kalaallit Nunaanni aammalu Namminersorlutik
Oqartussaqarfimmi IT-qarnermi atortunik digitalinngortitsinermik suliaqartarpugut. Aqutsisoqarfimmi suliassaqarfiit assigiinngillat, aqutsisoqarfiullu suliassaannut naatsorsuutit aamma assigiinngitsuullutik.
Kalaallit Nunaanni digitalinngortitsinermik suliaqarnerput tulluusimaarutigeqaarput, suliarlu maniguulluta suliaralutigu. Suliassat suliarinissaannut ilisimasaqartariaqarlutalu piginnaaneqartariaqarpugut, tamannalu ulluinnatsinnik ulapaartitsillunilu allanngorartitsivoq. Ulluinnarni sulisut naammagisimaarinninnissaat anguniarlugu suliat pillugit inuttullu assigiinngissutsit ataqqillugit suleqatigiinneq qitiutillugu sulivugut – sulianillu pitsaasumik naammassinninnissaq ukkataralutigu.
Aqutsisoqarfik nunalu tamakkerlugu digitalinngortitsinermut periusissiaq digitalimik.gl aqqutigalugu paasisaqarnerusinnaavutit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.