Kalaallit Nunaanni Naatsorsueqqissaartarfik kisitsisitigut paasissutissiortussamik pissarsiorpoq
Kalaallit inuiaqatigiit pillugit kisitsisitigut paasissutissanik suliaqartussanik aamma inerisaasussanik suleqatissarsiorpugut.
Kisitsisitigut paasissutissat tamangajammik pisortaqarfinni allaffissornermit nalunaarsuiffinnit pissarsiarineqartarput. Taamaattumik sulilersussaq ulluinnarni annerusumik programmit SAS, R, SQL aamma Excel atorlugit nalunaarsuutinik suliaqarluni, misissueqqissaarluni saqqummiussilluni suliaqassaaq.
Naatsorsueqqissaartarfimmi sulisut nittartagaq www.stat.gl, Kalaallit Nunaanni qitiusumik kisitsisitigut paasissutissiorfiusoq, ataatsimoorullugu ingerlappaat. Nittartagaq innuttaasunit soqutiginnittunit atorfilinniillu soorlu tusagassiortunit, politikerinit, ilinniartunit, allaffissornermi sulialinnit ilisimatusartuniillu atorneqarpoq. 2024-mi tabelit 450-init amerlanerusut 100-niillu amerlanerusunik saqqummersitanik tunngavillit nittartakkami saqqummersinneqassapput.
Nittartakkami paasissutissat saqqummersitassat saqqummertussanut pilersaarummi ullulersorneqarsimapput. Ingerlatsinermilu suliat taakku ulluinnarni initunerpaasarput, taamaattoq aamma sulianik inniminnikkanik ilisimatusartunillu misissueqqissaarnernik immikkut ittunik sullissilluni suliaqartoqarsinnaavoq. Taamaatuttaaq kisitsisitigut paasissiorfissanik sammisanik nutaanik ineriartortitsinissamut pilersaarummik Naatsorsueqqissaartarfik ingerlataqarpoq.
Suleqatigiit 16-iinnaavugut, tamattalu ulluinnarni sulianik naliginnaasunik ineriartortitanillu ingerlatseqatigiittarpugut. Naatsorsuutaavoq illit suliaqarfinni ineriartortitsineq nammineq ingerlassinnaassagit. Suliat assigiinngitsuusarmata pinerit tamaasa suleqativit qanoq iliortoqartarneranik nassuiaassisinnaasanngilaq, namminerli pitsaasunik isumassarsiaqaruit iliuuseqarfiginissaanut ingerlaannaq periarfissaqarputit.
Ataatsimoorussamik suleriaatsit saqqummersittakkat pitsaasuunerannik qulakkeerinnittarput. Pingaartumik atorfininnermit ukioq siulleq suleriaatsinik pingaarutilinnik ilinniarnissamut tunniusimalluarnissaq piumasaqaataavoq. Kisitsisinik paasissutissalerisut tamarmik kisitsisitigut paasissutissiorfimmik arlalinnilluunniit immikkut piginnaasaqarfigilertakkaminnik ineriartortitsisarput. Kisitsisinik paasissutissiornermi suliassat soqutigisat pisinnaasallu malillugit isumaqatigiissuteqarfigineqassapput.
Allaffiup nuannersuunissaa pingaartipparput, pisariaqarfianilu immitsinnut tapersersoqatigiittarluta. Allaffimmi suleqatigiinnut ataqatigiinnermik pingaartitsisunut naleqartitsisunullu ilanngutissaatit.
Piginnaasat
Nalunaarsuutinik kisitsisinillu paasissutissanik suliaqarnermi piginnaasalimmik, ilinniakkap ingerlanerani imaluunniit siuliani suliffiusumasunit uppernarsarneqarsinnaasumik, ujaasivugut.
Taamatuttaaq iluaqutaassaaq, illit:
- Ingerlariaqqiffiusumik ilinniagaqaruit
- Naleqquttumik sulinermi misilittagaqaruit
- Naatsorsuuserinermik imaluunniit nuna tamakkerlugu aningaasaqarnermik ilisimasaqaruit, ajornanngippallu misilittagaqaruit
- Kalaallit Nunaanni inuiaqatigiit pillugit ilisimasaqarluaruit kalaallisullu paasisinnaallutit.
Naatsorsueqqissaartarfik pillugu
Kalaallit Nunaanni kisitsisitigut paasissutissiornerneq Naatsorsueqqissaartarfimmi qitiusumik ingerlanneqartoq politikkikkut sulianut, allaffissornikkut ingerlatsinermi aalajangiinernut, misissueqqissaarnernut kiisalu inuiaqatigiilerinermi ilisimatusarnikkut tatiginartumik nalunaarsuutinik tunngaveqarnissamik siuneqartarpoq.
Naatsorsueqqisssaartarfimmik ingerlatsinermi akisussaaffik annerpaaq siulersuisuni inissisimavoq.
Inissaqartitsineq
Atorfimmut atatillugu malittarisassat qaqugukkulluunniit atuuttut naapertorlugit sulisumut inissiamik pequsersorneqanngitsumik innersuussisoqarsinnaavoq. Tamannali pisinaanngilaq qinnuteqartoq kommunip imaluunniit Namminersorlutik Oqartussat inaataanik ineqareersuuppat. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliut qularnaveeqqutillu akilerneqassapput. Ini atorfimmut atatillugu tunniussaq, atorfiup unitsinneqarnerani qimanneqassaaq.
Paasissutissat allat
Atorfik pillugu annertunerusumik paasisaqarusukkuit Naatsorsueqqissaartarfiup pisortaa Anders Blaabjerg oqarasuaat 34 57 81 imaluunniit e-mail abla@stat.gl atorlugu attavigisinnaavat.
Qinnuteqarneq
Ulloq qinnuteqarfissaq kingulleq 20.aggusti 2024-mut killeqarpoq. Atorfinitsitsinissamut oqaloqatiginninnerit qinnuteqarfissap naanerata kinguninngua ingerlanneqarnissaat naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartunut kandidatitut ilinniarsimasunut ukiunilu arlalinni tulluartumik suliffimmi misilittagalinnut specialkonsulentitut imaluunniit chefkonsulentitut atorfininnissaq isumaqatigiissutaasinnaavoq.
Sulineq sapaatip akunneranut akunnernik 40-nik sivisussuseqarpoq.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job