Kalaallit Nunaanni Namminersorlutik Oqartussat suliamut tunngasunik piginnaasaqarluartumik takorluuisinnaasumillu kukkunersiuinermut pisortassasiorpoq.

Kalaallit Nunaanni Namminersorlutik Oqartussat suliamut tunngasunik piginnaasaqarluartumik takorluuisinnaasumillu kukkunersiuinermut pisortassasiorpoq, suliffeqarfimmi namminermi kukkunersiuisoqarfiup inerisarneranut siuttuusussamik. Qiusumi Naalakkersuisut Kukkunersiuisoqarfianik nutaaliorneranik, suliassanik pikkoriffiusumi naleqalersitsilerfimmillu inerisaaqqinnissamut akissaaffilimmik pisortatut atorfiuvoq.

Atorfik Nuummi inissisimasumi Aningaasaqarnermut Sulisoqarnermullu Aqutsisoqarfimmi aqutsisoqarfiup pisortaanut toqqaannartumik attaveqarpoq. Kukkunersiuinermi pisortap kukkunersiuinermi suliat pitsaalluinnartuunissaat qularnaassavaa kiisalu aningaasaqarnermik aqutsinermik pitsaasumik ingerlatseqataalluni, naalakkersuisunut kukkunersiuisuulluni, aarlerinarsinnaasunik aqutsineq Namminersorlutillu Oqartussani ingerlatsinermik ileqqorissaarnissamut suleqataalluni. 

Naalakkersuisut Kukkunersiuisui sisamanik sulisoqarput aaqqissuussaanikkullu Aningaasaqarnermut Sulisoqarnermullu Aqutsisoqarfimmi inissisimallutik, suliatilli namminneq Namminersorlutik Oqartussani naalakkersuisoqarfinni, aqutsisoqarfinni, suliffeqarfinni aningaasaateqarfinnilu suliarisarpaat.  Kukkunersiuinermi pisortartaassaq aaqqissuussami tamarmi sulianut piginnaasanik qaffassaanermi tatiginnilersitsinissamut suleqatigiinnermullu suliaqarnermi qitiusumik inissisimassaaq – ilaatigut qitiusumik naatsorsuuserinermik immikkoortortami avataaniillu kukkunersiuinerit eqqarsaatigalugit. 

Atorfimmi ilaapput sulianik aqutsineq kiisalu Naalakkersuisut Kukkunersiuisuinik inerisaaneq. Kukkunersiuinermi pisortap aaqqissuussami sammivimmik tikkuussissaaq, kukkunersiuinermik sulianik ingerlatsilluni kiisalu kukkunersiuinermi sulianik pitsanngorsaataasinnaasunik aallartitsisassalluni.  Suliassat pingaarnerpaat tassaassapput:

• Naalakkersuisut Kukkunersiuisoqarfiata nutaaliatut aamma immikkoortortatut nalilinnik pilersitsivittut aqussallugu ineriartortillugulu

• Suliatigut suleqatit inerisarlugit kiisalu piginnaasanik ineriartortitsinissamik qulakkeerinnilluni, immikkoortumi toqqissisimatitsilluni kiisalu sulianut tunngasunik isumasiortitsisarluni

• Kukkunersiuinernit avataaniillu nalilersuinernit innersuussinerit atuutsilernissaannut ikiuunneq

• Kukkunersiuisut avataaneersut allallu qitiusumik ingerlatsiviit suleqatiginerinik inerisaaneq

• Suliffeqarfimmi  nakkutiginninneq, aarlerinarsinnaasunik aqutsineq pitsaasumillu ingerlatsineq pillugit aqutsisunik aaqqissuussaanermillu siunnersuineq

• Qaffasissumik pitsaassutsimik nunallu tamalaat pitsaassutsikkut assigiissagaannik eqquutsitsillunilu qulakkeerinninneq kiisalu aarlerinaatit tunngavigalugit kukkunersiuinermik nakkutilliinermillu sulianik pilersaarusiornerit ingerlatsinerillu. 

Qinnuteqartuni qinigassaq eqqortoq kukkunersiuinermik suliaqarnermik misilittagaqarluarsimassaaq kiisalu sulianut pikkorilluni aqutsinermik, ineriartortitsinermik ersarissumillu attaveqarsinnaanermik piginnaaneqassalluni. Tamatuma saniatigut:

• Cand,Merc.aud. – ajornanngippat SR (statsautoriseret revisor)

• Qallunaatut tuluttullu qaffasissumik - kalaallisut iluaqutaassaaq

• Kukkunersiuinermik naatsorsuuserinermillu misilittagaqarluarneq – ajornanngippat naalakkersuisunut kukkunersiuinermik misilittagalik

• Aarlerinaatinik tunngaveqarluni kukkunersiuinermi nunallu tamalaat kukkunersiuinermik periusaannik misilittagalik

• Piumasaqaatinik eqquutsitsiniarnermit, naalakkersuisunut kukkunersiuinermik aarlerinaatinillu aqutsinermik misilittagalik 

• Aqutsinermik misilittagalik soqutigisalilluunniit, matumanilu suleqatinik inerisaaneq ilinniarsimasunillu avatangiiseqarneq 

• Aqutsisoqatigiinnut siunnersuisinnaallunilu attaveqaqatigiissinnaasoq kiisalu kukkunersiukkanut aarlerinaatinillu tunngasunik pisariusunik isummernissamut tunngasut immikkut ilisimasaqanngitsunut paasinartunik ingerlatitseqqissinnaasoq.

• Pisortani sullissivinni politikkikkulluunniit aqunneqartuni misilittagaqarneq iluaqutaassaaq, soorluttaaq aaqqissuussanit annerusunit misilittagaqarneq piumaneqarnerussalluni 

Kukkunersiuinermi pisortartaap suliatigut periusissianillu ersarissumik sammiviliinissaa, malitseqartitsinissaa kiisalu suliatigut namminersortuunissaa innarlitsagaanissamillu attassinissaa pingaaruteqarluinnarpoq - aamma naammassisa iluaakkaluaraangataluunniit.  Taakku saniatigut politikkikkut aqunneqartumik aaqqissuussami isumannaatsumik ingerlatsisinnaaneq, aqutsisoqatigiinnut suleqatinullu tatiginartumik attaveqarsinnaaneq kiisalu kalaallit inuiaqatigiivinut kulturiannillu paasisimasaqarneq. 

Aqutsisutut atorfik pissanganartoq Kalaallit Nunaanni Namminersorlutik Oqartussani ingerlatsinermi aningaasaqarnermilu aqutsinermi pitsaasumik ineriartornermut  annertuumik sunniutilik. Suleqatigiinnut tunniusimasunut aaqqissuussaanerup aqunneqarneranut nakkutilliinermilu avatangiisunut ataavartumik ilusiliinissamut periarfissalimmut kukkunersiuinermik pisortaq ilaassaaq. Artorfimmi sulinermi sunngiffimmilu inuunermut oqimaaqatigiissumik periarfissaqarluassaaq kiisalu piginnaasanik nutarsaanissamut ilinniakkamillu pikkorissaqqinnissamut periarfissaqarluassalluni.  Qinnuteqartup akuersissutini unitsikkallarsimappagu suliaminik pikkorissaqqinnissaminut suli periarfissaqassaaq.  Atorfininnermut atatillugu maanna kukkunersiuisut pisortaannit sulianik ingerlatsinermik tunniussisoqassaaq.

Aningaasarsiatigut atorfinitsitaanermilu atugassarititaasut

Atorfik akissaateqarfimmi LR 38-mi maanna inissisimavoq.  1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut  Kr. 64.048 ukiumullu Kr. 768.576.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Atorfininnissaq 1. januari 2027, imaluunniit isumaqatigiissuteqarneq malillugu.

Ineqarneq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

Nuuk innuttaqarpoq 19.500-it missaanniittunik nunatsinnilu illoqarfiit annersaralugu illoqarfiit pingaarnersaattut nutaaliaalluni kulturikkut illorsuaqarpoq, timersortarfiit arlallit, naluttarfeqarluni, sisorartarfeqarluni nunat tamalaat uuttuutaannut naammattumik, sisoraatinik ujakkaartarfeqarluni kiisalu meeqqanut inersimasunullu sunngiffimmi allanik sammisassaqartitsilluni.  Nuup ilummut kangerlua Kalaallit Nunaanni annerit ilagaat – tamaani aasakkut naggoqqeqaaq kusanarlunilu, ukiukkullu tupinnartaqaaq qaqqarsuit apummik issusuumik qallerneqarsimaleraangata. 

 Tassunga atorfimmut inuttassarsiornissaq pillugu Namminersorlutik Oqartussat Pointer A/S suleqatigivaat. Taamaattumik Pointer A/S-imi pisortaaneq Inger Ingvardsen +45 29 36 86 36 aqqutigalugu attaviginninnissannut tikilluaqqusaavutit. Saaffiginnissutit tamarmik nipangiussisussaatitaanerup aqqani suliarineqassapput.