Kalaallit Nunaanni Nunatsinni Nakorsaaneqarfimmi nakorsaaneq

Kalaallit Nunaanni Nunatsinni Nakorsaaneqarfimmi nakorsaaneq

Kalaallit Nunaanni Naalakkersuisut sinnerlugit Peqqissutsimut Naalakkersuisorlu sinnerlugu Namminersorlutik Oqartussat Nunatsinni Nakorsaaneqarfimmi 1.september 2024-mi isumaqatigiissuteqarnikkulluunniit atorfinittussamik nunatsinni nakorsaanissarsiorput.

Nunatsinni Nakorsaaneqarfiup sulinera pillugu Namminersorlutik Oqartussat nalunaarutaat tunngavigalugu Nunatsinni nakorsaaneq inatsisitigut sulisussaatitaavoq.

Nunatsinni nakorsaanerup suliassai assigiinngisitaartuupput aamma suliai makkuupput nakkutilliineq, siunnersuineq ilitsersuusiorneq kiisalu nunap iluani nunallu avataani suleqatigisartakkanik suleqatiginninneq. Nunatsinni nakorsaaneq Nunatsinni Nakorsaaneqarfimmi aqutsisutut atuuffeqarpoq, taassuma saniatigut nunatsinni nakorsaaneq peqqissaasunik / peqqissaanermik ilinniarsimasunik sulisunik pingasunik, nakorsamik ilinniartitsisartumik, allaffimmiumik ilinniartutullu ikiortimik massakkut sulisoqarpoq.

Kalaallit Nunaanni peqqissutsimut suliassaqarfik inuiaqatigiinnut pingaaruteqartorujussuuvoq taamaattumillu naalakkersuinikkut assut eqqumaffigineqarluarluni, tamannalu suliatigut atorfiullu akisussaaffiani takuneqarsinnaasarpoq.

Nunatsinni Nakorsaanerup akisussaaffii ilaatigut makkuupput:

• Naalakkersuisunut aamma Peqqissutsimut Naalakkersuisumut peqqinnissaq pillugu siunnersuineq.
• peqqinnissaqarfimmik peqqissutsimillu sulialinnik nakkutiginninneq.
• peqqinnissamut tunngasunik oqartussanik allanik siunnersuineq.
• innuttaasut peqqissusaannik/nunatsinni peqqissutsimik nakkutiginninnermik qulakkeerinninneq kiisalu pissutsit tamatumunnga pingaarutillit ineriartornerannik malinnaaneq.
• peqqinnissamik suliaqartunik aamma peqqinnissaqarfiup iluani avataanilu sunniutaannik nakkutiginninneq.
• peqqinnissap tungaatigut immikkut pisoqartillugu pisariaqalerneratigut tamanut ilisimatitsisarneq.

Nunatsinni Nakorsaanerup suliassai ilaatigut makkuupput:

• peqqinnissamik sulialinnut suliatigut ilitsersuusiorneq.
• Danmarkimi Napparsimasut Maalaarutaannut Aqutsisoqarfik/Napparsimasut Maalaarutaannik Aalajangiisartut suleqatiginerisigut napparsimasut naammagittaalliuutaannik piareersaaneq kiisalu suliat saqqummiunneqarnissaannik suliaqarneq aalajangiinernillu oqaaseqaasiorneq.
• nappaatinik tuniluuttunik nakkutiginninneq aamma akiuinissamik qulakkeerinninneq.
• eqqartuussivinnik politiinillu ikiuunneq.
• kisitsisinik nakorsaatinut tunngasunik katersineq, pitsaassutsimik qulakkeerinninneq suliarinninnerlu - tamakku pillugit Naalakkersuisumut ilisimatitsisarneq kiisalu kisitsisit oqartussanit allanit kikkunnillu tamanit pissarsiarineqarsinnaanerinik isumaginninneq.
• nalunaarsuiffinnik arlalinnik ingerlaavartumik nutarterinissamut akisussaaffeqarneq kiisalu paasissutissat taakku oqartussanit allanit kikkunillu tamanit pissarsiarineqarsinnaanerannik isumaginninneq.
• sulisunik aqutsineq aaqqissuussaanermillu ineriartortitsineq.
• inatsisit malittarisassallu atuuttut naapertorlugit ingerlatsinissamut akisussaaffeqarneq.
• isumalioqatigiissitani ataatsimiititalianilu assigiinngitsuni ilaasortatut peqataaneq.

Nunatsinni Nakorsaaneqarfiup nakorsiat taarsiiffigitinnissaannut suliat pillugit piareersarluni suliaqarneq piffissami sivikitsumi akisussaaffigissagaa ilimagineqarpoq.

Qinnuteqartussap tunuliaqutaa:

Nunatsinni nakorsaanertut atorfik inummit imatut ilinniagalimmit inuttalerneqarusuppoq:

• Nakorsaq inuiaqatigiit peqqissusaannik nappaataannillu immikkut ilisimasalik imaluunniit allamik naleqquttumik immikkut ilisimasalik
• Ilinniagaq aallaavigalugu peqqissutsimik nakkutilliinermik misilittagalik, atortut sulisoqarnerlu ilanngullugit
• Peqqissutsimut tunngasunik naammagittaalliuutinik suliaqarnermik misilittagalik
• Nappaatinik tuniluuttunik nakkutilliinermik akiuiniarnermillu misilittagalik, tunillaassortunik nappaalanersuaqarnera ilanngullugu
• Tunillaassortunik nappaalanersuaqarnera pillugu paasissutissanik katersinermik, misissueqqissaarnermik paasisitsiniaanermillu misilittagalik peqqissuseq pillugu paasissutissat/ kisitsisit
• Avatangiisinut tunngasunik aamma erngup imerneqartartup nakkutigineqarneranik misilittagalik

Taakku saniatigut inuk makkuninnga piginnaasalik ujartorparput:

• aqutsinermik misilittagalik tunniusimasorlu
• nunani tamalaani suliaqarnermik ajornanngippat misilittagalik,
• aaqqissuussaasumik, misissueqqissaarnermik pisarialimmillu pingaarnersiuilluni suleriaasilik
• pitsaassulimmik ilisimaarinnittoq aamma namminersorluni sulisinnaasoq
• immikkoortortap malittarisassat nalunaarutigineqartut naalakkersuinermillu suliallit aningaasaqarnermut killiliussaattut piumasarineqartut naapertorlugit missingersuusiornissaanik missingersuutinillu aqutsinissaanik qulakkeerinninneq

Kalaallisut danskisullu oqaaseqaruit iluaqutaassaqaaq.

Qinnuteqarnissamut piffissaliussaq:

31. juuli 2024 nal. 12.00

Isumaqatigiissuteqarneq malillugu atorfinitsitsisoqassaaq. Atorfik atorfinitsitsinerluunniit pillugu apeqqutissaqaruit naalakkersuisoqarfimmi pisortaq Nike Berthelsen (+299) 346690 / nike@nanoq.gl imaluunniit Nakorsaaneq Henrik L. Hansen (+299) 345191 / henh@nanoq.gl attavigineqarsinnaapput.

Nunatsinni Nakorsaaneqarfik pillugu sukumiinerusumik paasisaqarusukkuit uunga alakkaagit www.nun.gl aamma Peqqissutsimut Naalakkersuisoqarfik kiisalu Kalaallit Nunaanni Namminersorlutik Oqartussat pillugit paasisaqarusukkuit uunga alakkaagit www.nanoq.gl

Akissarsiat atorfeqartitaanermilu atugassarititaasut:

Ukiumoortumik ukiuni 4-ni atorfinitsitsisoqassaaq, sivitsorneqarsinnaalluni.

Akissarsiat tassaapput akissarsiat tunngaviusut, soraarnerussutisiassaqartaqanngitsoq tapeq, sulisussarsiornermut atorfinitsitsinermullu tapeq kiisalu ukiuni killilinni atorfeqarnermi tapeq. Qaammammut akissarsiat tamakkerlugit 1. april 2024 aallaavigalugu kr. 121.866,40-nik annertussuseqarput soraarnerussutisiaq ilanngunnagu.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job