Kalaallit Nunaanni sanaartornermut suliassat soqutiginartut siuttuuffigerusupppigit? Permagreen immikkoortortami Nuummiittumi misilittagalimmik tunniusimasumillu immikkoortortami pisortassarsiorpoq

Aqutsineq, suliniutinik aqutsineq, pitsaassuseq attaveqatigiinnerlu nuannaraagit – sanaartornermillu tunuliaqutaqarpit? Taava Kalaallit Nunaanni sannartortitsinermi suliffeqarfiit annersaanni suleqatitsinnut aqutsisuusinnaavutit.

Atorfik pillugu

Immikkoortortami pisortatut Nuummi nammineerluta sanaartukkatsinnut akisussaaffik tigumissavat. Sulisut 14-it, matumani aqutsisut, quersuarmi sannavimmilu sulisut pikkorissut aqutsisuuffigissavatit.

Nammineq sanaartukkagut makkuupput:

• Toqqavissalerineq betonilerinerlu
• Sanasutut qalipaasutullu sulineq Immikkoortortaq ukiumut 250 mio. koruunit missaannik kaaviaartitaqartarpoq. 

Suliassatit pingaarunerit makkuupput:

• Tunisassiornermi piffissaliussat aningaasatigullu sinaakkutissat naapertorlugit siuariartornissaq
• Pigisat atorneqarnissaannut pilersaarusiorneq
• Suliniutinut aningaasartuutinik inuttaqarnermillu ataavartumik malittareqqiineq
• Pitsaassutsimik qulakkeerinninneq taavalu KS isumannaallisaanermullu akisussaasunik allanik suleqateqarluni takussutissiorneq

Pisortaaneq qullersarissavat, aqutsisunullu suleqatigiinnermik, tatigeqatigiinnermik piginneqatigiinnermillu pingaartitsisunut ilanngutissallutit.

Permagreen Grønland A/S pillugu: Sanaartortitsinerit tamakkiisumik ingerlanneqartut akisussaaffigineqartullu Kalaallit Nunaanni illoqarfinni arlalinni ingerlattaratsigit nammineerluta toqqavissalerineq betonilerinerlu, qalipaaneq, qarmaaneq sanasuunerlu suliarisarpagut. Sanaartukkat 25-300 mio. koruunillit suliarisaratsigit suliffeqarfittut ineriartorpugut.

Nuummi sulisut akunnermusiallit atorfillillu 160-it missaanniippugut. Nuummi qullersaqarfeqaratta Kalaallit Nunaanni sanaartukkagut amerlanerpaat Nuummi sanaartorpagut, taamaalillunilu immikkoortortaq sanaartortitsinermik tamakkiisumik ingerlatsinermi akisussaasuunermilu annertuumik misilittagaqarpoq.

Illit kinaavit?

Bygningskontruktøritut ingeniøritulluunniit ilinniagaqarlutit teknikkeqarnikkut ilinniagaqarputit – sanasutullu sulisimaguit iluaqutaassaaq – sanaartornermillu suliaqarfimmi aqutsinermik misilittagaqarluarputit.

Ima piginnaasaqassasutit kissaatigaarput:

• Sanaartortitsinermik suliani annerusuni aqutsinermi ukiut 8-10 misilittagaqartutit
• Suliassani 100+ mio. koruuninik nalilinni suliniummik ingerlatsisutut aqutsisutulluunniit misilittagaqartutit
• Ersarissumik paasinnittumillu aqutseriaaseqarlutillu suleqatigiilluarnerup angusaqarfiusinnaanera ilisimaarigit
• Qajannaatsuullutillu ulluinnarni allanngorartuni tamakkiisumik isiginnissinnaasutit
• Iliuuseqallaqqissuullutillu pisariaqartillugu aalajangiisinnaasutit

Neqeroorutigaagut

• Suliffeqarfimmi aqutsisutut atorfik pissanganarlunilu pingaarutilittut inissisimasoq
• Suleqatit tunniusimasut peqatigalugit suleqatigiinneq
• Piginnaasat naapertorlugit aningaasarsiatigut atorfininnermilu atugassarititaasut pitsaasut
• Sulinermut atatillugu biilit, ineqarnermut nutsernermullu ikiuussinnaaneq
• Suliatigut inuttullu ineriartornissamut periarfissat

Pisortaqatigiit, aningaasaqarnermut, sulisoqarnermut sanaartortitsinermilu aqutsinermut immikkoortortameersut peqatigalugit qullersaqarfitsinni Nuummiittumi ulluinnarni sulisassaatit.

Suleqataarusuppit?

Qinnuteqaatit ”Immikkoortortami Nuummiittumi aqutsisoq” nalunaaqutserlugu oqaaseqaatillu ilanngullugit unnga nassiutikkit: vsi@permagreen.gl

Apeqqutissaqaruit Sulisoqarnermi ingerlatsisoq Vivian Mørch Simonsen oqarasuaammut +299 244 499 / +45 5431 8811-mut sianerlutit saaffigissallugu tikilluaqqusaavutit.

Danmarkimi Kalaallit Nunaannilu (Nuuk) nalunaaqutaq akunnernik pingasunik nikingavoq. Tassa imaappoq Danmarkimi assersuutigalugu ullaakkut qulingiluanngorpat Nuummi ullaakkut arfininngorsimassaaq. Saaffiginninninni tamanna eqqumaffigissallugu pitsaasuuvoq.

Permagreen Grønland A/S pillugu

Permagreen Kalaallit Nunaanni sanaartornermik suliaqartut annersaat ukiuni 70-ini misilittagaqarpoq. Kalaallit Nunaat tamakkerlugu sanaartugassanik suliarinnittuuvugut, toqqavissalerinermilu, betonilerinermi, sanasoqarnermi, qalipaasoqarnermi qarmaasoqarnermilu nammineq tunisassiortarpugut.

Ukiumut 400 millionit koruunit missaannik kaaviiaartitaqartarpugut 350-illu missaanni sulisoqarluta.

Nuummi qullersaqarfeqarpugut kiisalu Sisimiuni, Maniitsumi, Qaqortumi Narsamilu immikkoortortaqarfeqarluta.

Paasisaqarnerorusukkuit www.permagreen.gl alakkaruk.