Kalaallit Nunaanni Teknikkimik Ilinniarfik Sisimiuni inuussutissarsiutinut ilinniartitaanerni inspektørimik sulisussarsiorpoq.

Inspektøri pikkorissoq aallussilluartorlu, aqutsisutut piginnaasaqartoq sapiutinngitsoq aamma pingaartillugu sammisami ilinniartitaanernut ilisimasaqartoq, taamattaaq allanngortoqartarneranut sungiussiasuusoq atorfissaqartipparput. Akerlianik uagut neqeroorutigaarput atorfik annertuumik nammineerfiusoq tassani illit periarfissaqassaatit isumassarsiorsinnaassutsivit atornissaanut aamma nutaanik pisoqartarnerani imminut misiligarsinnaallutit. Atuarfimmi ilinniartitaanerit ilaapput Sanasoq – VVS – Qalipaasoq aamma atuarfimmi praktikkerneq.
 
Suliassatit aamma akisussaaffigisassatit pingaarnerit tassaassapput:

• Immikkoortortaqarfinni ataasiakkaani ataqatigiissaarineq aamma skemaliorneq

• Ilinniartitsineq ingerlanneqarpoq maleruaqqusat atuuttut, ilinniartitsinermut aamma pikkorissartitsinermut pilersaarutit malillugit

• Ilinniartitsinermut aamma pikkorissartitsinermut pilersaarutinik nalilersuineq aamma nutarterineq

• Ilinniartitsisut ilinniaqqittarnerat

• Ilinnigaqartut atuarneranni aamma peqanngittarnerannik nakkutilliineq

• Qulakkiissallugu ilinniartitsisut peqannginneranni aammattaaq suliat annertusinerisigut taartaasartunik peqarnissaa

• Misilitsinnerit aamma soraarummeernerit ingerlanneqartarnerannut akisussaaqataaneq 

Uagut naatsorsuutigaarput illit:

• Assassornermik ilinniagaqartuusutit - teknikeritut imaluunniit assigisaanik ingerlaqqissimaguit pitsaassaaq.

• Ilinniartitaanermi pilersaarutinik ineriartortitsinermik aamma nassuiaateqarnermik misilittagaqartuusutit, pioreersunik taamatullu nutaanik.

• Pædagogikumimik tulluartumik ingerlatsisimaneq imaluunniit assigisaanik piginnaasaqartuusutit.

• Allaffissornermi aqutsinermi suliassanik ilisimasaqartutit aamma soqutiginnittuusutit.

• Atorfimmi assingusumik misilittagaqaruit tamanna iluaqutaassaaq.

Uagut neqeroorutigaavut:

• Atorfik pissanganartoq aamma unamminartulik nammineq atorfimmi sulianik sunniuteqarfiusinnaasoq

• Atuarfik ineriartorfiulluartoq

• Suleqatit aamma sulisut pikkorissut ilinniakkaminut piginnaanillit.

Teknikimut Ilinniarfimmut ilaapput EUD (Saviminilerinermut Ilinniarfik) Nuummi aammattaaq Sisimiuni EUD (Sanaartornermut Ilinniarfik) Nuuk, Aatsitassalerinermut Ilinniarfik kiisalu Ilinniarnertuunngorniarfik. Taakku saniatigut Sisimiuni atuarfimmi ingeniørinngorniarluni ilinniartitaaneq angerlarsimaffeqarpoq, taanna DTU-mit (Artek) ingerlanneqartuuvoq. Taakkulu saniatigut atuarfimmit akisussaaffigineqarpoq kollegiatut inissiat 360 miss. Sisimiuniittut. Ilinniartitaanerni taamatuttaaq ukiup ingerlanerani pikkorissartitsinerit 50-it pallillugit ingerlanneqartarput.

Annertunersumik paasissutissat
Annertunerusumik paasissutissat pissarsiarineqarsinnaavoq John Plambek og Marianne Mølgaard på telefon +299 86 16 14.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.