Katsorsaasoq - Klinik Killiliisa

Inulerivik-up Immikkoortortaqarfia Klinik Killiliisa katsorsaasumik pissarsiorpoq

Inulerivik katsorsaasumik sulisussarsiorpoq. Pinaveersaartitsilluni sulinerup iluani nuannersumik allannguinissaminut uummateqartumik katsorsaasumik ujaasivugut. Inuit meeqqat inuusuttullu kinguaassiuutaannik atornerluiniartutut pissusilersortartut katsorsaaviani pilersinneqarsimasumi atorfik inissisimavoq. Suleqatigiit sinneri suleqatigalugit katsorsaanissamik neqeroorummut suleqataassaatit, suliallu inerisaanertaqartarlutik aamma. 

Atorfik pillugu

Ulluinnarni qanimut suleqatigiligassatit amerlanngilagut. Suleqatigiinnitsinni suleqatigiilluarsinnaaneq, ilinniagaq aallaavigalugu ileqqorissaarnissaq, periusissallu piviusunut tulluuttumik atornissai pingaartippagut. Inuit kinguaassiutikkut atornerluisimasut sullinnerinik misilittagaqarsimanissaq piumasaqaataanngilaq. Naatsorsuutigaarput kajumissuseqarlutit namminersorlutillu suliami nutaatut misinnarsinnaasumi sulisinnaassasutit. Tassanilu suliassat ineriartortitseqataanermut tunngasut aammali katsorsaanerinnarmik suliaqanngikkaluarluni allanut aamma tunngasinnaasut tigoorarsinnaanissai. Ass. Ataatsimiinnermi aqutsineq, allaffissorluni sulineq, atuartitsineq paasissutissanillu katersineq. Katsorsaasuni tarnip pissusaanik ilisimasalimmik sulisoqarpoq, marlunnillu tarnikkut katsorsaasoqarluni. 

Katsorsaanermi periutsip sexologi toqqammavigivaa, taamatullu sulineq misilittagaqarfiginngikkukku ilinniagaqarfiginngikkukkuluunniit, sexologi-mut tunngasunik qaffassaqqinnissat periarfissaassaaq. Neqeroorutip atuutilernera Danmark-imi Sexologisk Klinik-ip suleqatiginerani pisimavoq. Sulilu taakkunannga piffissami sivikitsumik ilinniarsinnaaneq, sapaatip akunnikkaartumik supervision-ernerit siunnersortinnerillu pisarput. 

Illit suliassatit ilaatigut makkuussapput:

• Innersuussanik saaffiginnittunillu tigooraaneq

• Ataqatigiissaarinernik suliaqarneq, soorlu ataatsimiinnernik aaqqissuineq. 

• Inuit kinguaassiuutinik atornerluiniartutut pissusilersortartut tapersersorneqarnissaannik katsorsartinnissaminnullu neqeroorfigineqartarnissaannik inerisaallunilu atuutilersitseqataaneq.

• Sexologi aallaavigalugu katsorsaalluni sulinermi peqataaneq.

• Ilisimasanik katersineq peqataaffigalugu.

• Ilisimalikkat toqqammavigalugit periusissiamik inerisaaqataaneq.

• Avammut nittarsaassinissamut paasissutissanik taperseeqataaneq.

• Inuiaqatigiinnut ilaaleqqinnissaq pillugu siunnersuineq misissuinerlu.

• Allaffissorluni suliassat assiginngitsut aamma attaveqaatinik suleqateqarneq.

• Sullitatta qanigisaannik oqaloqateqarneq

Katsorsaasoq ima ittoq ujarparput

• Katsorsaanermik misilittagaqarneq

• Pinaveersaartitsinermik suliaqarnissamut soqutigisalik.

• Katsorsaanermik suliaqarnerup saniatigut ineriartortitsinermik suliaqarusuttoq.

• Sexologi aallaavigalugu katsorsaasinnaasoq imaluunniit sexologi-p iluani ilinniaqqinnissaminut piareersimasoq.

• Sammisami piginnaanermut soqutigisaqarneq

• Aaqqissuussaasumik suleriaaseqarsinnaasoq aamma paasissutissanik katersinermi periaatsimik aallaaveqarluni suleqataasinnaasoq.

• Inuttut sullissisutullu alapernaatsuuneq

• Suliffeqarfiup iluani aamma suliaqarfiit assigiinngitsut immikkoortortaqarfiillu assigiinngitsut akimorlugit suleqatigiuminartoq.

• Inoqatinut attaveqariaatsimigut nukittuffilik.

• Nunatsinni inuiaqatigiinnik kultur-itsinnillu ilisimasalik.

• Kalaallisut oqalussinnaasoq.

Ukua uagut tunniussinnaavagut

• Suliffeqarfik sapinngisamik ilinniagaq aallaavigalugu qaffasissumik inissisimarusuttoq, suleqatillu naleqartitagissaarlutillu ataqatigiilluartut.

• Ulluinnarni suliassat aaliageeqataaffigisinnaaneri, taamatuttaarlu suliap sumut ingerlaneranut sunniuteqaqataasinnaaneq.

• Suliffeqarfiup iluani avataanilu supervision-ertinnissamut periarfissat pitsaasut – autorisation-imut ingerlaguit periarfissat pitsaasut.

• Ilinniaqqinnissamut periarfissat pitsaasut.

Inulerivik pillugu

Inulerivik ulloq 1. oktobari 2025 ammarneqarpoq, immikkoortortaqarfiillu tallimat uku ataaniillutik: Tusaannga, Meeqqanut Inuusuttuaqqanullu Katsorsaavik Siunnersuisarfillu, Inersimasunut Katsorsaavik Siunnersuisarfillu, Klinik Killiliisa aamma Qinngorneq. Tusaannga tassaavoq nuna tamakkerlugu kinaassutsimik isertuussilluni oqarasuaatikkut siunnersuisarfik. Meeqqanut inuusuttunullu immikkoortortaqarfik pingaarnertut kingunerlutsitsinernik katsorsaanermik suliaqarpoq, kommunillu tamaasa qanimut suleqatigalugit. Inersimasunut immikkoortortaqarfik katsorsartinnissamut saaffiginnissutinik amerlanerpaanik tigusisarpoq. Klinik Killiliisa inersimasunut meeqqanut kinguaassiutitigut killissamik qaangiisumik pissusilersortartunut imaluunniit taamaaliorsinnaanermut eqqarsaatersortartunut katsorsaanermik siunnersuinermillu neqerooruteqartarpoq. Tamatuma saniatigut Inulerivik aqutsisoqatigiinnik, allaffimmik sullissisartut (forkontor) aamma allattoqarfimmik (sekretariat) peqarpoq, taakkulu qitiusumik sullissiviup ulluinnarni ingerlanneqarneranut tapersiisarput, kiisalu sullissivik iluani avataanilu sullissillutik.

Akissarsiat aamma atorfeqarnermi atugassarititaasut

Akissarsiat atorfeqarnermilu atugassarititaasut, atorfininnermi suliunnaarnermilu angalanieq aamma pisattat nuunneqarneri suliffigilikkamit akilerneqarneri Kalaallit Nunaanni Namminersorlutik Oqartussat kattuffiullu isumaqatiginninniartitaasup akornanni piffissap atorfiniffiup nalaani isumaqatigiissut atuuttoq naapertorlugu akilerneqassapput. 

Sapaatip-akunneranut nalunaaquttap akunneri suliffiusut tassaapput 40 tiimit.

Paasissutissat amerlanerit

Atorfik pillugu itinerusumik paasisaqarusukkuit attavigisinnaavatit Inulerivik-mi pisortaq Naja Lund Kielsen, mail: nalk@nanoq.gl, arbejdstelefon 34 60 54

 Qinnuteqarfissaq kingulleq: 05. November 2026 (Kalaallit Nunaata nalunaaqutaa malillugu) nal. 12.00

Qinnuteqaat, siusinnerusukkut suliffigisimasavit allattorsimaffiat, ilinniakkavit pikkorissarnivillu uppernarsaatai kiisalu uppernarsaatit attuumassuteqartut una “qinnuteqaat nassiuguk” toorlugu nassiutikkit. Maili atorlugu qinnuteqaatinik tigusineq ajorpugut.