KNR-imut HR-konsulent (Atorfik nutaaq)
Atorfimmut nutaamut
KNR HR-konsulentissarsiorpoq KNR-ip sulisunut immikkoortortaqarfianut augustip
aallaqqaataaniit 2024 aallartittussamik imaluunniit isumaqatigiissuteqarnikkut.
KNR-ip sulinermi avatangiisiinut sunniuteqarusuppit, atugarissaartitsinermut aamma saniatigut KNR-ip aqutsisui sulisuilu KNR akimorlugu siunnersioqatigisassavatit, taamaattumik pikkorissumik misilittagartuumillu suleqatissarsiorpugut.
Pitsaasumik suleqateqarsinnaassuseqassaatit aamma peqataalluarlutit, aammalu suliassat assigiinngitsut merserinagit suliarisarlugit tamatumami ilagaa KNR-imi HR-konsulentitut suliniaraanni.
Immikkoortortami atorfimmik neqeroorfigaatsigit tassani ammaneq suleqatigiinnerlu pingaartillugit. KNR suliffeqarfiuvoq ineriartortoq. Suleqataasunut piginnaassutsikkut piumasaqaatit annertusiartorput taamaattumik angusassamik toraagalimmik pisariaqartitsivugut, aamma uummaarissumik pilersaarusiorneq ingerlanneqassaaq aamma suliffeqarfimmi piginnaaneqarneq naleqqussarlugu.
Taamaatumik
- Sulisunut immikkoortortaqarfimmi pisortaq taavalu HR-partneri suleqatigalugu aqutsisut sulisullu siunnersioqatigisassavatit
- Suliffeqarfimmi kulturimik ineriartortitsinermi peqataassaatit
- Isumaqatigiissutinik sulisoqarnermullu ingerlatsinermik ilisimasaqassaatit
- Akerleriittunik suliaqarsinnaassaatit
- Suliffeqarfimmi tamani piginnaaninngorsaanerup ineriartortinneqarnera ataqatigiissaarnerani peqataassaatit
- Sinaakkutaasut iluanni nammineerlutit suliaqartarsinnaasaatit
- Sulisunut immikkoortortami pisortaq ulluinnarni suleqatigisassavat
Pisinnaasat:
- Naleqquttumik ilinniagaqarneq
- Inunnut tunngasunut suliaqarnermut pikkorissoq
- Inunnik assigiinngiiaartunik oqaloqateqallaqqinneq
- Suleqateqallaqqissoq aamma ilakkuminartoq
- Kalaallisut qallunaatullu qaffasissumik atuisinnaaneq allattariarsornikkut oqalussinnaanikkullu, kiisalu tuluit oqaasiinik atuisinnaassusilik.
Suliffeqarfimmi 98-inik sulisoqartumi, amerlanerillu Nuummi suliffigisaanni, siammasissumik suliaqarnissaq neqeroorutigisinnaavarput. HR-imi immikkoortortaqarfimmi, pisortap HR-partnerillu saniatigut, IT-administratorit marluk servicemearbejderilu ataaseq suleqatigissavatit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu inissaqartitsisoqanngilaq. Qinnuteqartorli Namminersorlutik Oqartussani atorfeqarnermini sulisutut ineqartinneqareeruni sulisutut ineqarsinnaatitaanini attatiinnassavaa.
Attaveqarfissaq paasissutissallu allat
Paasissutissanik amerlanerusunik pissarserusukkuit Immikkoortortaqarfimmi pisortaq René Andersen oqarasuaatikkut 36 15 36-mut sianerfigisinnaavat imaluunniit ran@knr.gl -imut allagaqarlutit atorfimmut atorfinitsikkusutamullu paasissutissanik piniarsinnaavutit.
Oqaloqateqarnerit ingerlaavartumik ingerlanneqassapput.