FAKTA
Atorfiup suussusaa: KNR-mi akissarsialerinermut aamma naatsorsuuserinermut siunnersorti
Suliffeqarfik: KNR
Qinnuteqarfissamut killigititaq: 14. juli
Attavissaq: Bjørk Lange Olsen, oqarasuaat +299 22 43 47 imaluunniit mail blo@knr.gl aqqutigalugu saaffiginnittoqarsinnaavoq.
Akissarsialerineq, allaffissorneq aamma naatsorsuutilerineq pikkoriffigaagit minnerunngitsumillu ulluinnarni assigiinngisitaartunik suliaqarneq nuannaraajuk? Taamaappat KNR-mi aningaasaqarnermut immikkoortortaqarfimmi suleqatitaarisinnaavatsigit.
Suleqatigiit amerlanngikkaluartugut ulluinnarni ikioqatigiittuvugut, ilisimasatsinnik avitseqatigiittuulluta suliassanillu kivitseqatigiittuusugut, akissarsialerinermut naatsorsuuserisumillu siunnersortimik suleqatissarsiorpugut.
Atorfik siammasissumik suliassaqarfiuvoq akissarsialerinermik, allaffissornermik naatsorsuuserinermillu nassataqartoq. Uatsinni akisussaaffilerneqassaatit, sunniuteqartinneqarlutit suliassarnilu annertuumik ilusilersueqataallutit. Suliassat paarlakaajaaffigisinnaasarpavut taamaasilluta immikkoortortaqarfitsinni ilisimasat ataatsimut ineriartorfigisinnaallugit eqaatsumillu sulisinnaaneq angusarlugu.
Suliassaraatit
· Qaammammusialinnut akunnermusialinnullu akissarsiarlerineqdarbejdelse
· ProMark piffissamut nalunaarsuut atorlugu suliaqarneq
· Aningaasaqarneq pillugu allaffissorneq
· Akiligasssalerineq isertitassalerinerlu
· Angalasimanernit naatsorsuuserinerit aamma ajunngitsorsiassat pillugit naatsorsuuserineq
· Aningaasaqarnermut naatsorsuuserinermullu suliassat allat
· Suliassat takkussuuttartut assigiinngissinnaasut piffissallu ilaatigut tuniniaanermut tunngasut suliassat nittarsaassinermi suliaqarnermut tunngasut
Neqeroorutigaarput
KNR-mi aningaasaqarnermut immikkoortortaqarfimmi anginngikkaluartumi suliassat siammasissut suliarineqarfiini sulinerit ulluinnarni malunnaateqarluartoq tunniussinnaavarput. Akisussaaffilerneqassaatit suliassanik allanngorartunik suleqatitillu peqatigalugit qanimut suleqatigiinneq, ikioqatigiinneq ilisimasatigullu avitseqatigiiffiusoq tunniussinnaavarput.
Oqitsumik akornatsinni periuseqarpugut suliassaqarfitsinnik ataqqinnilluta isummanut pitsaasunut apeqqutinullu inissaqartitsilluta. Suliffik ineriartornissamut periarfissiivoq aningaasaqarnikkullu ingerlatsinermi arlariitsigut ilisimasaqalernissamut periarfissinneqassallutit.
Ujartorpatsigit makku pillugit
· Aningaasaqarnermut , naatsorsuuserinermut niuernermillu tulluartumik ilinniagaqaruit
· Akissarsialerinermut misilittagaqaruit isumaqatigiissutilerinermullu ilisimasaqaruit
· Allaffissornikkut, akiligassalerinikkut isertitassalerinikkullu patajaatsumik pikkoriffeqaruit
· Akiligassalerinermik isertitassalerinermilu aqutsinikkut misilittagaqaruit
· Excel-mik atuilluarsinnaaguit
· Microsoft Dynamics NAV/Dynamics 365 Business Central aamma Promark pillugit ilisimasaqaruit
· Kalaallisut danskillu oqaasii atorluarsinnagukkit
Kinaavit?
Suliassarnik tulleriaarillaqqissuuvutit aamma suliassat arlariit ataatsikkut takkusimaaraluarfiini annikitsunnguit maluginiarsinnaalluarlugit sulisinnaassuseqarputit.
Suliassatit pillugit akisussaassuseqarluarputit aammalu akissarsiat, allaffissorneq naatsorsuuserinerlu torersumik suliassaasut ilisimaarilluarpatit siammasissumik ataqqinnittumillu piffissaq killiussaasut iluani sulisinnaassuseqarlutit.
Namminersortumik sullaripputit taamaattorli suleqatitsialaallutit, apeqquteqarsinnaasoq ikiuussinnaasorlu aammalu ilisimasarnik avitseqateqarsinnaallutit. Suliassanut nutaanut alapernaatsuuvutit ataatsimoorlutalu aningaasaqarnermut immikkoortortaqarfimmi ulluinnarni ingerlalluartumik suleqatigiinnissamut tunniussaqarumallutit.
Akissarsiat atorfillu pillugu atugassarititaasut
Akissarsiat atorfillu pillugu atugassarititaasut, atorfimmut atatillugu atorfininnermi atorfimmiillu soraarnermi pigisat nutserneri ilanngullugit atorfininnermit isumaqatigiissuteqarnermit atuutilissapput, Namminersorlutik Oqartussat kattuffiullu isumaqatigiinninniarsinaatitaasut ataanni pissutsit atuuttut aallaavigineqassallutik.
Inissaq
Atorfimmut atatillugu inissaqartitsisoqanngilaq.
Attavissaq aamma qinnuteqarneq
Atorfik pillugu annertunerusumik paasisaqarusukkuit, Aningaasaqarnermut Tuniniaanermullu pisortaq Bjørk Lange Olsen, oqarasuaat +299 22 43 47 imaluunniit mail blo@knr.gl aqqutigalugu saaffiginnittoqarsinnaavoq.
Qinnuteqaat CV-lu kingusinnerpaamik 14. Juli 2026 nassiunneqarsimassaaq.
Atorfik 1. august 2026 imaluunniit isumaqatigiissuteqarnikkut inuttalerneqassaaq.
Tusarfiginissaq qilanaaraarput.
