Kollegie ineqarfianni nakkutilliisoq

Atorfik ilinniartut 18-it inorlugit ukiullit ineqarfigisaanni nutaarsuarmi najugaqaatigaluni nakkutilliisutut atorfiuvoq.

Atorfininnermut isumaqatigiissut najoqqutarineqartussaq tassaavoq Naalakkersuisut aamma nunatsinni perorsaasut Kattuffata ulloq unnuarlu nunatsinni perorsaasut pillugit isumaqatigiissut.

Atorfimmi pingaarnertut suliassat piumasaqaatillu:

Ulluinnarni ilinniartunut attaveqaataajutigaluni attaveqartartoq,

ineqarfimmi ilinniartut atuareernerisa kingorna inuttut inissisimanerat aallaavigalugu susassareqatigiisitsinermik suliniuteqartarneq, eqqiluisaarnermik malittarisassanik ilinniartut malinninnissaannik suliniuteqarneq.

Inuttut eqqiluisaarnermik peqqinnartunillu nerisaqarnissamik siunnersuineq.

Najugaqarfimmi malittarisassat malinneqarnissaannik qulakkeerinninneq.

Ilinniartut najukkaminni ataatsimiititaliaqarnissaannik isumaginninneq taakkulu ataatsimeeqatigisarnissaat.

Suleqatit allat peqatigalugit unnuakkut sapaatillu akunnerata naanerani pigaartuusarneq.

Ineqarfimmi aserfallatsaaliinerup qulakkeerniarlugu pisiortortarneq.

Ilinniarfiup sulisuinik allanik suleqatiginnissinnaaneq.

Ineqartut angajoqqaavinik ataavartumik nalunaaruteqartarneq paasititsiniaasarnerlu.

Ineqartut ilinniarnerminni ingerlanerannik malinnaaneq tapersuinerlu.

Ineqartunut inuttut siunnersuisarneq.

Tarnip pissusaanik ilisimasalinnik pisortanillu ilinniartut pillugit suleqateqarneq.

Ilinniartut pillugit pinartunik suliaqartarneq.

Ilinniartut ineqarfiini aqutsisoq peqatigalugu ilinniartut toqqissisimasumik ineqarnissaanni inuuneqarnissaannik akisussaaneq.

Ilinniarsimanermut piumasaqaatit

Ilinniarsimanermut piumasaqaatit minnerpaamik inulerisutut ilinniarsimasuunissaq kiisalu inuusuttunik sullissinermik misilittaqarneq.

Saniatigut pikkorissarnerit makku piumasaqaataapput:

Ikiueqqaarnermut pikkorissarsimanissaq,

Siunnersuisinnaanermut aqqutissiusinnaanermullluunniit pikkorissarsimanissaq.

Oqallorissuuneq allakkiornermilu oqaatsinik atuilluarsinnaaneq.

Aalajaatsuunissaq piumasaqaataavoq.

Pinerlussimannginnermut kiisalu meeqqanik pinerlussimannginnermut uppernarsaateqarnissaq piumasaqaataavoq.

Kalaallisut qallunaatullu oqaatsinik atuisinnaaneq piumasaqaataavoq.

Sukumiinerusumik paasiniaasoqarsinnaavoq: Pisortaagallartumut Henrik Ebbe Nielsen oqarasuaat 49 38 12, e-mail: hn(@.cak.gl Qinnuteqarfissaq kingulleq 28 januar 2026, nal. 12.00. Qinnuteqaat mailikkut uunga nassiunneqassaaq: cak@cak.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk