Kollegie pisortaq

Campus Kujalleq kollegieinspektørimik pisortassassiorpoq.

Campus Kujalleq, kollegieinspektøritut pisortamik pissarsiorpoq 1. februar 2026, imaluuniit isumaqatigiisiornikkut atorfinittussamik.

Kolligieinspetøritut pisortamik ujaasivugut, inuusuttuaqqat inissisimanerannut aamma ilinniarnianerisa inissisimanerannut ataqqinnittumi pissusilimmik, kolligieqarnermut allaffeqarfimmi sulisunut, Campus Kujallermilu sulisuusut allat peqatigalugit allaffissormi suliassat aaqqissuunnissaanut ilusilersueqataasinnaasumik, ilinniatullu sunngiffimmi sammisassaanut ilusilersueqataasumik, ilinniakkanullu ataqatigiissumik ilusilersueqataasinnaasumik ujaasivugut.

Campus Kujalleq assigiinngitsunik sammivilinnik ilinniarfiuvoq, taammaattumillu ilianniartut assigiinngitsut ilinniatuullutik. TNI-mi ilinniartuuteqarpugut, GUX-mi kiisalu ilinniakkanut nangitsivinnik assigiinngitsunik ingerlatsiviuvugut, Inuusuttuaqqallu kolligieni najugallit siniariassaamiit aggersuupput, taammattumillu ilaquttatik ikinngutitillu ungasissumiittut qimassimallugit atuarnerat nalinginnaasuuvoq. Tamaattumik kipisaneq angerlarsernerlu taakkununnga ulluinnarsiutaavoq.

Kolligieinspektøri kolligieqarfinni pisortatut inissisimasaatit.Tassaniippullu Kolligieinspektøritut atorfik ataaseq, kolligiemi perorsaasut pingasut, kollegiemi igasut, kollegiemi pedeli , eqqiaasut allaffimmiullu.

Kollegieqarfimmi 300-it missaani ineeraateqarpugut, taakkua avataani 15-20 kolligieqarfiup avataani inissisimasuullutik. Taakkualu kollegieqarfinnut 35-it missaaniittunu agguataasimapput, 10-15-it missaani illoqarfimmi inissiani, illuinnarnilu inissimasuullutik. Kollegieatitta ilaat 40, inissiatut ilusillit, tallimanik arfinilinnillu inissallit pigineqarput, kisiannili aamma arlalinni ilagutaariinnuinnaq inissiateqarluta. Ukiut ingerlaneranni kolligiet amerlassusaat nikerarpoq, tamanna nikerartumik ilinniartaaneq pissutaavoq, kisiannili tamakkiisumik ineqartoqaraangat 320-it missaaniittarput. Tamatumallu sanniatigut ilinniartut ilaquttatik nassarlugit tikittarlutik.

Kolligieinspektøritut pisortatut sulininni ilinniartitaanermut pisortarput, GUX-mi rektori, taasumallu ilinniataanermut allaffeqarfiani sulisui qanimut suleqatigissavatit. Taamatullu Campus Kujallermi qitiusumik allaffeqarfinni sulisuusut suleqatigissavatit.

Kollegieinspetøritut pisortatut immikkut oqaatigeqqusaanngitunik kollegieni sullisisut allat peqatigalugit suliaqartaaffigalugillu pisortanullu nalunaaatigisassavatit.

Kollegieinspektøritut atorfimmut Campus Kujallermi forstanderi pisortaaneruvoq.

Qulaani pineqartut soqutiginartissagukkit, kajumissusilimmik qinnuteqartussamik perusuppugut, tassani iliniarsimasatit pisinnaasatillu, suliffiligassannut nassasinnaasatit erseqqissasavatit. Aammattaaq qinnuteqarninni sulilernissanni eqqarsaatigisannik imaqassaaq, suliassamik qanoq kivitisiniarnerlutit, aammalu inuusuttuaqqat ineriartornerannut kiffaanngissuseqarneranullu ineriartornerannut - inuusuttuaraanermut ikaarsaarnermut - kiisalu qulakkiissallugu inuusuttuaqqap ilinniarni nakkutigilluassagaa, peqqinnarumillu inuuneqarneq illoqarfimmilu inooqataanermut peqataalluanissaat qulakkeerinnissallutit.

Qinnuteqartumut kissaatit:

• Piumasaraarput pinerluuteqarsimannginermut, meeqqanullu atornerluisimannginnermut uppernarsaateqarnissat

• Ammasuunissat maligassiuvilluartuunissallu

• Ilinnniakkat tullluartuussasoq, perorsaanermut illuutillu aserfatsaalinissaanut ilisimasalik

• Suliassanut suugaluartunulluunniit tunniusimanissaq, allaffissornermi piginnaasaqarnissaq, nikerarsinnaanissaq, sullisilluartoq nammineerlunilu sulisinnaasoq, kiisalu suleqatinik suleqateqarluarsinnaasoq aammalu ulapaarfinni sulianut tigumminnissinnaasoq

• Biilernermut allagartalik

• Aalajaatsoq, akisussaasuseqartoq ulluinnarnilu inuusuttuaqqat inuusaasiannut takunnisinnaasoq

• Suleqatikkuminartoq inuusuttuaqqallu suliassaanut aallartitsisinnaasoq

• Aqutsinermut kollegiellu aaqqissuussaaneranut ilisimasalik

• Marlunnik oqaasilik kalaallillu inooriaasiannut ilisimasalik

• Missingersuinermi aammalu missingersuutinik malinnaaneq

Tigussaasumik suliassat:

• Kollegieqarfinni ulluinnarni aqutsineq

• Nuuttussat anisussallu pilersaarusiorneri, ukiut arlalinnut siumut aserfallatsaaliinermut pilersaarusiorneq

• Kollegieqarfinnut tamanut pilersaarusiorneq aqutsinerlu

• Ulluinnarni najugaqarfinni qullersartut inisisimaneq, pisortat suleqatigalugit

• Angajoqqaanut / aqqutissiuisunut/ kollegiene ilinniartunut attaveqaataasunut suleqateqarneq, atuartunut 18 inorlugit ukiulinnut tunngatillugu.

• Ilinniartunut inuunermik pitsaasumik ingerlatsisunut aammalu sunngiffimmi peqqinnartumik ingerlatsisunut tapersersuinissaq

• Kollegieni ajornartorsiutinik kollegieni sulisut peqatigalugit aaqqiissuuteqartarneq

• Kollegiene nakkutilliinermut pilersaarusioqataaneq- atuarfiullu matoqqanerata nalaani bagvagtiusarnermut peqataaneq.

• Kollegiemi najugalinnut sammisassaannik aallartitsineq

• Ilinniartut tikinnerini inissiinerit aninerinilu suliaqarnermi akisussaasuseqartumik aqutsineq aammalu ineqarfinniit nuutaarnernut aqutsineq (tak. Maleruagassat, tassunga tunngasut)

• Silaataani illullu iluani aserfattaaliinermut eqqiaanermullu akisussaaqataaneq.

• Kollegiep allaffeqarfiini qarasaasinillu aqutsineq

• Faturanik akuersinerit

• Pequtinut pisiortornermi pequtinullu toqqortaatinut aqutsineq

• Ilinniartunik oqaloqateqarneq pisariaqartitsineq naapertorlugu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Atorfimmut paasisaqarusukkuit uunga aaneqarsinnaapput, pisortaagallartumut NI Henrik Ebbe Nielsen, hn@cak.gl imalt +299 647887

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqarfissaq kingulleq 30. December 2025

Qinnuteqaat nassiuguk