Kommuneqarfik Sermersuumut attaveqaqatigiinnermut suleqatissarsiorpugut
Kommuneqarfik Sermersuumi attaveqaqatigiinnermut immikkoortortami suliassanik nutaanik pissanganartunillu suliaqalernissamut piareersimavit? Attaveqaqatigiinnermut immikkoortortami suliassarsiullaqqissumik pikkorissumillu attaveqaqatigiinnermut immikkoortortami suleqatissarsiorpugut, sapinngisamik piaartumik sulilersussamik.
Attaveqaqatigiinnermut immikkoortortaq Sulisoqarnermut Kiffartuussivimmut ilaavoq aammalu attaveqaqatigiinnermut tunngasunik assigiinngitsorpassuarnik suliaqarfiusarluni, nunarsuarmi kommunit anginersaanni innuttaasunut assigiinngitsunut tunngasunik suliaqarfiusartoq, aammali politikkimut aaqqissuussaanermullu tunngasunik suliaqarfiusarluni.
Atorfik pillugu
Kommunimi iliuuseriniakkat aammalu innuttaasunik sullissinermut tunngasunik ingerlatitseqqiisassaatit aammalu kommunimi nutaatut ukkatarineqartoq kommunip iluani attaveqaqatigiinneq pillugu suleqataassaatit.
Attaveqaqatigiinnermut suleqataasutut illit suliassatit siammasissapput, aammalu ullormi ataatsimi aqqusinerni sulineq pillugu nalunaarutit suliarineriniit illoqarfiup ineriartortinneqarnissaanut pilersaarutit pillugit innutaasunik ataatsimiititsinissami ataqatigiissaarisuussaatit, kommunimi inunnut internetsikkut attaveqatigiittarfiit maannakkorpiaq nutaarsiassanik nutarterlugit, atuarfinnut paasissutissiissutinik suliaqarlutit imaluunniit periusissiamik suliaqarlutit, kommunimi innuttaasunut tamanut attuumassuteqartumik.
Kisianni illit suliassatit ima eqikkarneqarsinnaapput:
·Tusagassiorfinnut nalunaarutinik suliaqarneq, allakkatigut nutaarsiassanik suliaqarneq aamma tusagassiorfinnut kommunip iluanut avataanullu tusagassiorfinnut allaaserinninneq
·Kommunip nittartagaanik inuillu internetsikkut attaveqartarfiinik pitsaasumik torrallatamik nutarterineq iluarsaassisarnerlu
·Paasititsiniutissanik aaqqissuussinissanillu pilersaarusiorneq suliaqarnerlu, peqataanissamut kajumissaarutaasumik alapernaalersitsisumillu
·Attaveqaqatigiiffinni tamani assigiissaakkamik ersarissumillu nalunaartarneq
·Pitsaanerpaamik qanoq ililluta oqariartuutiginiarneqartunik ingerlatitseqqiinissatsinnik suleqatinik aqutsisunillu siunnersuineq
Ilinnut tunngasut
Naatsorsuutigaarput:
·Attaveqatigiinnerup, tusagassiutilerinerup assigisaanilluunniit tunngasumik ilinniarsimanissat
·Qarasaasiaq atorlugu attaveqaqatigiinnermi misilittagalik aammalu inuit internetsikkut attaveqatigiittarfiinik atuinerni ilisimasalik
·Ingerlatitseqqiinermi aamma allattariarsorluni piginnaasaqarluartoq
·Pinngorartitsisinnaasoq, aallartitsinissamut kajumissusilik aammalu nammineerluni sulisinnaasoq aamma suleqatit allat suleqatigalugit
·Politikkikkut suliallit aqutaanni suliffeqarfimmi suliaqarnermik misilittagaqartutit
·Pisortani allaffissornermi ilisimasaqartutit
Kalaallisut danskisullu allassinnaanikkut oqalussinnaanikkullu piginnaasaqarluarnissat iluaqutaassaaq, piumasaqaataananili
Neqeroorutigaavut:
·Suliffik aaqqissuussami annertuumi ineriartortoq pissanganarlunilu unammillernartoq
·Suliatigut inuttullu ineriartornissamut periarfissat pitsaasut
·Tunniusimasunik aammalu sullivimmi ilinniarsimasunik suleqateqarluni sulisinnaasoq
·Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Rasmus Christiansen, oqarasuaat +299 36 75 10 imaluunniit +299 55 04 94 imaluunniit e-mail: rach@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1035-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 29.-at, 2024