Kontorfuldmægtig

Campus Kujalleq fuldmægtigitut allaffimmiumik pissarsiorpoq

Allaffimmiumik inussiarnersuusumik, sullarissumik aalajaatsumillu 15. december 2025 aallarnerfigalugu imaluunniit isumaqatigiissuteqarnikkut atorfinittussamik Campus Kujalleq ineqartut allaffeqarfiani sulisussamik inuttassarsiuivoq. 

Campus Kujallermi ilinniartut ineqarfiini najugaqartuusut inissisimaffii aallaavigalugit allaffissornikkut ataqqinnittumik sullissilluarsinnaasumik sulisussarsiorpoq.

Ilinniartut ineqarfiini najugallit sineriak tamakkerlugu aggerfeqarput, taakkulu ilaquttatik ikinngutitillu qimallugit Qaqortumut ilinniariartarput. Taamaattumik maqaasineq angerlarsernerlu ulluinnarni naammattuugassaasarpoq.

Allaffimmiutut nutaatut ilinniartut ineqarfiini pisortaasoq qullersarissavat. Saniatigut allaffimmi sulisut allat, pedellet, ilinniartut 18-it inorlugit ineqarfianni sulisut, eqqiaasut CAK-milu sulisut allat suleqatigissavatit.

Atorfik inuttassarsiorneqartoq soqutigigukku qinnuteqarnissannik kaammattorpatsigit. Ilinniarsimasat misilittakkatit qanoq atorfimmut atassusersinnaanerlugit qinnuteqaatinni tunngavilersuinissat qilanaaraarput. Tamatigoortumik suliaqarnissat naatsorsuutigissavat, suliassallu suliarisinnaasariaqarpatit: 

• Ineqartut isumaqatigiissutinik sullinnissaat, isertertut anisullu.

• Ineqartut allattorsimaffiannik ataavartumik malinnaasumillu nakkutiginninneq.

• Ineqarfiit amerlassusaannik ineqarfinnillu atorneqanngitsunik nakkutiginniitigaluni suleqatigisanut malinnaatitsineq.

• Ineqartut matuersaataannik (Iloq & Salto) passussineq nakkutiginninnerlu.

• Ineqartut 18-it inorlugit ukiullit angajoqqaavinut sulisunullu allanut suleqatigisat peqatigalugit ilisimatitsisarneq.

• Ineqartussat tikinnissaannut inississorlugit piareersaasiorneq, aallalernerinilu iniminnik qimatsilersut allaffissornikkut sullinneqarneri nakkutigineqarnerilu.

• Oqarasuaatikkut, allakkasuartaatikkut saaffiginnittunillu qanimut sullitanik suleqatinillu pitsaasumik sullissineq.

• Ineqartut pisariaqartitsineri kissaataallu aallaavigalugit oqaloqatiginninnerit.

• Ineqarfinni pisariaqartitat allaavigalugit pisiortorneq, pequtit pequusivimmilu uninngasuutinik nakkutiginninneq.

• Akissarsiassanik nalunaarutiginninneq.

• Allaffissornermi suliassanik ineqarfinnut tunngassutilinnik allanik suliaqarsinnaaneq.

Naatsorsuutigaarput piginnaasatit makkuusut:

• Allaffimmiutut ilinniarsimasuusutit allaffissornermillu misilittagaqartuusutit.

• Kalaallisut danskisullu oqaluttariarsornermi allattariarsornermilu piginnaasaqarluartutit.

• Allaffissornermi qarasaasiaq atorlugu programminik assigiinngitsunik atuilluarsinnaasutit.

• Biilinik ingerlatsinermut allagartaqartutit.

Inuttut piginnaasat pingaartinneqartut:

• Sullissinermik kiffartuussinermillu sungiussisimasuusutit.

• Sullitannit suleqatinniillu saaffikkuminartuusutit, akuersaartumillu isiginnittariaaseqartuusutit.

• Namminersorsinnaassuseqarlutit akisussaassuseqartumillu sulisinnaasutit.

• Suliassanik peqqissaartumik torersumillu suleriuseqartutit.

• Aalajaatsuullutillu tatiginartuusutit.

• Akisussaaffimmik tigusisinnaassuseqartuusutit.

• Qiimasumik, pitsaasumik inussiarnersumillu kiffartuussisinnaasutit.

• Suliassanut ilisimaarinnittuullutillu ilisimasaqalernerulernissannullu pimoorussisuusutit.

• Suleqatinut assigiinngiiaartunik suliaqartunik suleqatikkuminartuusutit.

• Allaffissornikkut suliassanik allanik soqutiginnittuusutit suleqativillu suliassaannik oqilisaaqataasinnaanissamut ammasuusutit.

Sapaatip akunneranut akunnerit 40-it sulineq pissaaq.

Atorfik pillugu sukumiinerusumik paasisaqarusukkuit ilinniartut ineqarfiinik pisortaq Jeanette Olsen attaveqarfigisinnaavat oqarasuaat 64 78 56 aqqutigalugu imaluunniit e-mail aqqutigalugu: jo@cak.gl.

Qinnuteqaat ilinniagaqarsimanermut uppernarsaatit, suliffigisimasat pillugit paasissutissiissutitalik oqaaseqaatillu nassiunneqassapput. Qinnuteqaatit nassiutilerukku meeqqanik pinerliisimannginnermut uppernarsaat kiisalu pillagaasimannginnermut uppernarsaat ilanngutissavatit.

Qinnuteqaatit kingusinnerpaamik 12. december 2025 Campus Kujallermut apuunneqariissaaq, cak@cak.gl. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk