Kujataani suliffeqarfinni soqutigineqarnerpaami aatsitassarsiornermik samminniffiusumi naatsorsuuserinermut pisortassarsiorneq

Suliffeqarfimmi najukkami ingerlasumi aalajangiinissamut aqqutit naatsut atorlugit aatsitassarsiornermilu suliniutinik angisuunik ingerlatsiviusumi, aningaasaqarnermut suliassaqarfik nukittuunngorlugu nutaaliaasunngortillugu ineriartortitseqataaffigerusuppiuk?

60° North Greenland ApS ineriartortitserusussusilimmik aaqqissukkamillu suleriusilimmik naatsorsuuserinermut pisortassarsiorpoq. Suliffeqarfiup naatsorsuutai, aningaasaqarnermut aqutsinera, akissarsianut tunngasut aammalu nalunaarusiortarnerit suliassaqarfiup iluani akisussaaffigilissavatit, taavalu allaffimmi pisortarput qanimut suleqatigalugu ulluinnarni allaffissornikkut ingerlatsineq suleqatigiiffigissallugit. Atorfik ulluinnarni aningaasaqarnermut tunngatillugu ingerlatsinermik aammalu aningaasaqarnermut akissarsianullu aqutsissummik nutaamik atuisoqalernissaanut qitiusumik akisussaaffigineqarluni suliaqarfiuvoq, kiisalu sakkussanik digitaliusunik allaffissornikkut ingerlaatsitsinnut sunniuteqarluarnerusunik akisussaaffeqarfiussalluni.

Uagut pilluta suliarisartakkavullu

60° North Greenland ApS suliffeqarfiuvoq kujataani najukkamit ingerlanneqartoq. Kalaallit Nunaanni inuussutissarsiorfinni annertuumik ineriartorfiusoq qitiusumik ingerlatsisuuffigaarput aammalu suliassanik angisuunik pisariusunillu suliaqartarluta, pingaartumik aatsitassarsiorfinnut tunngatillugu. Piffimmi matumani suliffeqarfiup 145-t missaanniittut sulisorai, taakkunani 80 %-ii sinnerlugit aatsitassarsiorfinnut tunngatillugu suliaqartuupput.

Qitiusumik suliassaqarfipput ukunaniipput:

• Suliakkinneqartartunit suliassat (entreprenørarbejde), qillerinerit aammalu aatsitassalerinermik suliassaqarfinnut sullissinerit.

• Imaatigut suliaqarnerit

• Assartuinerit suliaqarfinnillu (base) sullissinerit

Tunngaviusumik naleqartitavut qitiutillugit sulivugut, tungaviusumillu naleqartitat tassaapput akisussaassuseqarneq, suliamut pikkorissuseqarneq, tatitussuseq, aaqqissugaasumik sulineq kiisalu suleqatigiinneq. Kalaallit Nunaanni pissutsit ilisimavagut, suliassallu tiguneraniit inaarutaasumik tunniunneqarnissaanut akisussaaffimmik tigusisarluta. Allat uniffianni uagut aallartittarpugut – pissutigalugu aqqutaat tamaat akisussaaffimmik tigusisaratta.

Suliassatit pingaarnerpaat

Naatsorsuuserinermut pisortatut aqutsisoqatigiit ataanni sulissaatit, allaffimmi pisortaq, immikkoortoqarfinni aqutsisut kiisalu suliniutini akisussaasut qanimut suleqatigissallugit. Atorfik aamma aningaasaqarnermut suliassaqarfiup ataani sulisunik aqutsinermik imaqarpoq. Ilaatigut suliassaraatit:

• Aningaasaqarnermut suliaqarfiup pilersaarfiginissaa ulluinnarnilu ingerlatsinerup qulakkeernissaa.

• Eqqortumik piffissamillu eqquisumik naatsorsuuserisarnermik qulakkeerinninneq aammalu akiligassaqarfinnik, akiligassalinnik naligiissaarinermillu suliaqarneq.

• Eqqortumik akissarsialerinerup qulakkeernissaa, allaffimmilu pisortaq suleqatigalugu piffissaq eqqorlugu nalunaarutiginnittarnerit.

• Aningaasaqarnermut takussutissat suliarineri, suliffeqarfiup aningaasat tigoriaannaat pigisai malittaralugit aqutsisunullu nalunaarutigisarlugit.

• Suliffeqarfissuarnut aatsitassarsiorfinnullu suliniutit pisariusut pillugit missingersuutit suliniutinullu aningaasaqarnerit malitseqartitsiffigalugit

• Avataaniit kukkunersuisumik oqartussanillu suleqateqarluni ukiumut naatsorsuutinut atugassat piareersarneri

• Aningaasaqarnermut, akissarsianut allaffissornikkullu atortorissaarutitaatta atulerneranik ineriartortinneqarneranillu ingerlatsineq

• Aningaasaqarnikkut allaffissornikkullu suleriutsit aalaakkaasut ineriartortillugillu attanneri

Illit pillutit

Takorloorparput illit:

• Naatsorsuutit, naatsorsuuserineq, akissarsianik aqutsineq pillugit aammalu aningaasaqarnikkut malitseqartitsinermik pitsaasumik misilittagaqartuusutit

• Ulluinnaat suliffeqarfissuarni suliaqarfiusuni suliniutitigut aqutsiffiusumik tamakkiisumik isiginnittaaseqarlutit aaqqissugaasumik sulisinnaasutit

• Namminersorlutit, tulleriiaakkamik aammalu annertuumik akisussaassueqarlutit ataqqinassuseqarlutillu suleriuseqartutit

• Aningaasaqarnermut paasissutissat aqutsisunut nalunaarutigineqarnissaannut piareerlugit atugassanngorlugillu suliarisinnaagitit

• Piffissatigut nalunaarsuinerit, nukinnik atuinerit aammalu suliniutinut aningaasaqarnerit ataqatigiinnerannut paasinnissuseqartuusutit

• Aqutsissutsinut (system) paasisimasaqarluartuusutit ulluinnarnilu ulapaarfinni digitalinik allannguinerit ingerlassinnaagitit

Oqaatsit aqutsissutinillu ilisimanninnerit

• Oqaatsit Kalaallisut danskisullu allassinnaanissat oqalussinnaanissallu piumasaqaataapput aningaasaqarnermut nalunaarusiornerit oqaatsini taakkunani marluinni suliarisassagakkit. Tamatuma saniatigut suliatigut pikkorissuseqarluni tuluttut oqaaseqarneq aamma piumasaqaataavoq.

• Aqutsissutit Massakkut Visma e-conomic aamma MDC Løn atugaraagut. Aqutsissutinut taakkununnga ilisimannittuuguit iluaqutaassaaq, kisianni aqutsissutinik atuinissamut ilisimasaqarfeqarneq pingaarneruvoq.

Neqeroorutigaavut

• Aqutsisoqatigiit qullersallu qanimut suleqatigalugit qitiusumik pingaarutilittut akisussaassusilimmillu atorfeqarneq

• Aningaasaqarnikkut suliaqarfiup, aqutsissutit suleriutsillu ineriartortinneqarnerisa sunniuteqarfiginissaannut periarfissaq annertooq

• Aqutsisut, suliniutit annertuut immikkoortoqarfiillu suliaqarfiusut akimorlugit attaveqarfissat siammasissut

• Suliffeqarfik najukkami atuutsitsisoq, aalajangiisussanut aqqut naatsoq suleqatigiillu pitsaasumik ataqatigiissusillit

• Atorfininnermi atugassarititaasut orniginartut, atorfininnermi angalaneq pigisanillu assartuinissamik kiisalu atorfimmut atatillugu ineqarnissamik neqeroorfigineqarneq.

Paasissutissat allat

• Atorfiup sumiiffia: Atorfik aalajangersimasumik pingaarnertullu 60° North Greenland ApS, Havnevej B-1132, 3920 Qaqortumi inissisimavoq.

• Utaqqiisaasumik alimmasissumik sulinissamut aaqqiissuteqarneq: Atorfininnermi atorfimmut atatillugu inissaq suli piareersimanngippat aallaqqaammut immikkut ittumik isumaqatigiissuteqarnikkut alimmasissumik sulinissamut aaqqissusiortoqarsinnaavoq. Taama aaqqiissusiortoqarnerani suliffeqarfiup pisariaqartitai sukumiinerusumillu isumaqatigiissuteqarnikkut Qaqortumut suliartorluni aallartarnerit pisarsinnaapput. Alimmasissumik sulinissamut aaqqiissuteqarneq atorfimmut atatillugu inissaq piareerpat taamaatinneqassaaq, allakkatigut allatut isumaqatigiittoqarsimanngippat.

• Inissaq: Atorfimmut atatillugu inissaqartitsisoqarpoq, tamatumunnga malittarisassat atuuttut malillugit attartornermut akiliutit qularnaveeqqusiissutitut akiliutit pissapput.

•  Atorfinilluni angalaneq pigisallu assartorneqarneri: Atorfininnermut atatillugu angalaneq pigisanillu assartuineq ilinnut sukumiinerusumillu isumaqatigiissuteqarnikkut ilaqutariinnut inoqutigiiusunut aningaasartuutaasussat suliffeqarfimmit akilerneqassapput.

• Atorfininnermut isumaqatigiissut Atorfik immikkut pisussaaffigiligaavoq.

• Atorfininneq: Oktobarip aallaqqaataa 2026 imalunniit isumaqatigiissuteqarnikkut.

• Qinnuteqarnissamut killigititaq: Septembarip 15-iat 2026.

Qinnuteqarneq aamma apeqqutissat:
Attaveqaatitigut qinnuteqaatit nassiuguk uunga: Bjarke@60north.gl

Atorfimmut apeqqutissaqaruit attaviginninnissamut tikilluaqqusaavutit uunga:
Bjarke Fuglsang, COO
Oqarasuaat: +299 583323
E-mail: Bjarke@60north.gl

Qinnuteqaativit tigunissaanut qilanaarpugut!