Kunde Teknikkimut teknikeri

Teknikeriuit pikkorissoq paasissutissanillu allanut oqaatigeqqusaanngitsunik akisussaassuseqarluarlutit sulisinnaallutit?

Suliffeqarfimmi ineriartornermik siunissamilu periarfissagissaarnermik aallussiffiusumi sulilerusuppit?

Taava illiuvoq Attaveqaatinut Pingaarutilinnut Teknikimi suleqatigisassarput.

Tusass namminersorsinnaasumik, akisussaassuseqarluartumik teknikkikkullu pikkorissumik Nuummi Attaveqaatinut Pingaarutilinnut Teknikimi Teknikkeqarfimmi immikkoortortaqarfimmut teknikerissarsiorpoq.

Teknikerit arfinillit immikkoortortaqarfimmilu aqutsisoq ataaseq immikkoortortaqarfimmi sulipput, aqutsisup Kunde Teknikkimi pisortaq qullersaraa.

Immikkoortortaqarfik suliffeqarfiup teknikkikkut immikkoortortaata ataani ’OPERATE’-mut ilaavoq, taassumalu suliassarai nalunaarasuartaaserivinni kiisalu nuna tamakkerlugu illoqarfinni nunaqarfinnilu telemut teknikkikkut atortunik iluarsaassineq/ajoqutinik aaqqiineq.

Tusassip ineriartortuarneq malinnaavigaa, telemullu tunngatillugu annertusiartuinnartunik piumasaqaateqartoqartarpoq. T&I-mik immikkoortortaqarfik ineriartortitsinermut angusaqarusussusilimmik siunertaqartumillu periusissiorpoq, periusissiarlu suliniutinik arlalinnik naammassinninnissamut piumasaqaateqarpoq.

Atorfik pillugu

Suleqatitaarigutsigit ilaatigut, radiomik aallakaatitsissutit, DVB-T—mik nassiussissutinik, Sinerissami radiomut timmisartullu radioinut HF- aamma VHF-attaveqatigiinnermi atortunik suliaqarnikkut kiisalu Naviairimut teknikkikkut ikiuunnikkut piginnaasavit ineriartortinnissaannut periarfissaqarluassaatit.

Sulinermut atatillugu angalasoqartassaaq – pingaartumik qulimiguulimmik, umiarsuarmik attartukkamik, timmisartumik umiarsuarmilluunniit nalinginnaasumik angalasoqartassaaq.

Suliassaqarfiup iluani sanaartortoqarneranut atatillugu suliniutini peqataasassaatit.

Illit pillutit

Teknikimut tunngasumik, atortorissaarutinut innaallagiartortunut sammisumik ilinniagaqarputit ass. Elektronikfagteknikeri, elektronikteknologi imaluunniit ingerlatsinermi ajoqutinillu ujartuinermi suliaqarfitsigut assingusunik suliaqarsimatillutit misilittagaqarnerulersimanermik piginnaasaqarlualersimasutit.

Tamatuma saniatigut pingaartipparput:

• Namminersorsinnaallutit sulisinnaassuseqartutit

• Akisussaassusermik pingaartitsisoq

• Sapinngisannik peqqiissaarlutit suliassatillu iluamik naammassisinnaagitit

• Suleqatiginnillaqqissoq – aamma oqarasuaatikkut

• Piffissaq eqqorlugu takkussinnaasoq ulluinnarnilu ulapaarfiusinnaasuni sulinissat nuannarigit

• Atortunik ilisimasaqartutit (qaammataasat, imaatigut kabeli, radio, oqarasuaat) taakkulu akornanni ataqatigiinnerinik misissuisinnaasutit

• Serverit routerit switchillu pillugit ataatsimut isigalugu ilisimasaqassallutit

• Qallunaatut tuluttullu allallutillu oqalussinnaassaatit – Kalaallisut pikkoriffigigukku pitsaaqutigissavat

• Pinerlussimannginnermik uppernarsaammik takutitsisinnaasutit

Neqeroorutigaavut

Suliffik pissanganartoq unammilligassaqarluartoq ulluinnarnilu suleqatit piginnaasallit, suliassaminnut piumassuseqartut akornanniilissallutit.

Sulianut inuttullu ineriartornissamut periarfissaqarluarpoq.

Sulilersussaq piginnaasat naapertorlugit akissarsiaqartinneqassaaq.

Paasissutissat pingaarutillit

Suliffiup Tusassip qullersaqarfia adressia tassaavoq Farip Aqq. 8, 3900 Nuuk. 

Atorfiup nassatarai ukiup ilaannaatigut atortorissaarutinik ikkussuussineq – annerusumik qulimiguulimmik, timmisartumik attartukkamik, timmisartumik umiarsuarmilluunniit naliginnaasunit ilaalluni angalanertaqartassaaq.

Qinnuteqarneq oqaloqatiginninnerillu

Talerpiata tungaani tuugassaq toorlugu qinnuteqaat, CV uppernarsaatillu attuumassuteqartut nassiutikkit.

Qinnuteqaatinik e-mailikkut tigusaqarneq ajorpugut.

Oqaloqatiginninnerit ingerlaavartumik ingerlanneqarumaarput, taamaammat qinnuteqaatit sapinngisamik piaartumik nassiutiguk.

Piukkunnartumik nassaarutta atorfik piaartumik inuttalerneqarumaarpoq.

Atorfik pillugu paasisaqarnerorusukkuit Attaveqaatinut Pingaarutilinnut Teknikimi immikkoortortaqarfimmi aqutsisup Vilhelm Egede oqarasuaammut +299 38 93 97-imut attaveqarnissamut tikilluaqqusaavutit.