Majoriaq Nuuk aqqutissiuussisumik tamakkiisumik sulisussamik pissarsiorpoq
Majoriaq Nuuk aqqutissiuussisumik tamakkiisumik sulisussamik pissarsiorpoq.
Kommuneqarfik Sermersooq Nuummi Majoriami, augustip aallaqqaataani 2024 taassumaluunniit kingunitsianngua atorfinittussamik aqqutissiuussisumik tamakkiisumik sulisussamik pissarsiorpoq.
Majoriaq Nuuk suliffeqarfiuvoq ineriartortoq. Ukiuni kingullerni Majoriaq Nuuk pingaarnertut suliassat eqaannerulersinnissaannut suliniuteqarnikuuvoq, kisianni aamma innuttaasut pisariaqartitaasa naapigiarnissaat sulissutigalugu. Maani pingaarnertut suliassaraarput inuusuttut inersimasullu ilinniarnissaannut aamma imaluunniit sulilernissaannut siunnersuinissaq. Majoriaq siunnersuisarfiullunilu inersimasunut piginnaanngorsaqqiffiummat iluaqutaassaaq inersimasunut qulaajaanermik ingerlatsinernilu piginnaasaqarnissaq misilittagaqarnissarlu, aammattaaq qujanassaaq siunnersuinissamut tunngaviusumik ilinniagaqarsimanissaq.
Majoriami sulisut tamarmik pingaartitanik tunngaveqarlutik sulinertik ingerlappaat, taamaattumillu aamma sulilerumallutik qinnuteqarumaartussat tamarmik pingaartitat ukua peqataaffigiumallugit akuersaarsimassavaat:
∙Suliamut ilisimasaqarneq – tulluartumik qaffasissusilimmik suliaqarsinnaaneq
∙Inuiaqatigiinnut isiginnittaaseq – suliamik naammassinninniarnermi illoqarfimmi innuttaasunut paasinnissinnaaneq
∙Naammassinninneq – Pingaarnertut suliamut angusaqarluarneq
∙Ataatsimut isiginninneq – Majoriap ataatsimoortuunerata takusinnaannera
∙Iliuussissamik pilersaarusiorneq – Majoriamut tunaartanik sinaakkutinillu inissitsiterineq
∙Attaveqatigiinneq – ilutsinni avammullu oqaloqatigiittarneq
∙Ineriartorneq – inuit, ingerlariutsit aaqqissuussaanerlu nakussassarlugit
∙Siunnersuineq – Pingaarnertut suliassaq suliarilluarlugu.
Majoriami aqqutissiuisutut sulilissaatit, tassani suliassarissavat inuusuttut inersimasullu ilinnialernissamut piareersarlugit ilinniartinnissaat kajumissuseqalersinnaassaallu.
Majoriami atuartitseriaaseq FA-niveauvoq (meeqqat atuarfianni inaarutaassumik misilitsinneq). Iluaqutaassaaq ilisimasaqarfigigukku.
Naatsorsuutigaarput uku piginnaaneqarfigissagitit:
·Sulianik ilisimasaqarneq.
·Namminersorsinnaaneq.
·Aaqqissuussilluarsinnaaneq.
·Suleqatikkuminartuuneq.
·Nassaarsiorsinnaaneq.
·Inunnik immikkut pisariaqartitsisunik paasinnissinnaaneq.
·Inissaqartitsilluartoq.
Naatsorsuutigaarput:
·Allaffimmiutut, aqqutissiuisutut/siunnersortitut ilinniagaqarsimasuussasutit.
·Oqaluttariarsornermi allattariarsornermilu piginnaanneqarluassasutit.
·Atuarfiup ineriartorneranut sunneeqqataannissannut sapiissuseqarlutillu kajumissuseqassasutit.
·Sulianik assigiinngitsunik pilersaarusiorsinnaanermut inerisaaqataasinnaanermut ilisimasaqarnissat.
·IT-mik atuisinnaassasutit.
·Sulianik assigiinngitsunik ataqatigiissaarilluarsinnaassasutit.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Teamleder Nuka Nielsen Larsen, oqarasuaat +299 368075 imaluunniit e-mail: nklr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 658-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 10.-at, 2024