Malitseqartitsinermi inuusuttunut siunnersortimik barselsvikarimik pissarsiorpoq
Kommuneqarfik Sermersooq Nuummi Inuusuttunik Sullissiviup malitseqartitsinermik immikkoortortaqarfia ilinniakkatigut pikkorissumik erninermi taartaasussamik pissarsiorpoq. Inuussuttunut 18-iniit 23-nut ukiulinnut inersimasunngornermi tapersersorneqarnissamik pisariaqartitsisunut aamma inuusuttunut siunnersorti peqatigalugu suleqatiginnissinnaanermik piginnaasaqartunut, suliniuteqareernermi malitseqartitsinissamut neqeroorutigineqartarpoq. Inuusuttumut ataasiakkaamut ingerlarngata sivisussusaa tulluarsarneqassaaq kisianni inuusuttoq 24-nik ukioqalinnginnerani inaarneqareersimassaaq.
Atorfiup imaa:
Erninermi taartaasutut meeqqap ingerlalluarnissaa ineriartornissaalu akisussaaqataaffigissavat. Taamaammat suliassat assigiinngiiaartut arlalippassuit ataani allassimasut tigummisarissavatit:
·Inuusuttunik 18-23-nik ukiulinnik Inuusuttunut Sullissivimmi malitseqartitsereernerup kingorna innersuunneqarsimasunik sullissineq.
·Inuusuttoq peqatigalugu suliat piviusut pilersaarusiorneri, iliuusissatut pilersaarutit angunissaannut.
·Malitseqartitsinermut inuusuttut eqimattat sammisassaat attuumassutillit pilersaarusiorneri
·Inuusuttumik, taassuma ilaqutaanik attaveqaataanillu suleqateqarneq
·Isumaginninnermi siunnersortinik, inuusuttunik innersuussisartunik, suleqateqarneq
·Inuusuttoq peqatigalugu ilinniarfinnik, suliffeqarfinnik allanillu attuumassuteqartunik suleqatiginninneq
·Angalanissanik suliniutissanik pilersaarusiorneq aammalu immikkut ittunik sammisassaqartitsinernut aningaasaliisussarsiornerit
·Immikkoortortaqarfimmi suleriaatsinik pitsaanerpaanik suleqatit peqatigalugit ineriartortitsineq
·Sapaatip akunneranut ataasiarluni unnukkut sulineq.
·Inuusuttut ineeraanni sulineq.
Naatsorsuutigaarput:
∙Illit inuusuttunik sumiginnagaasimasunik imaluunniit unammilligassaqartunik aamma ilungersuutigisaqartunik sullissinermik ilisimasaqartutit misilittagaqartutillu.
∙Assigisaatut pikkorissarsimassaatit aamma ilinniagaqarlutilluunniit soorlu ass. siunnersuisartunut ikiortitut perorsaasutut imaluunniit inunnik isumaginninnerup iluani allamik ilinniagaqarsimasutit.
Taakkua saniatigut pingaartipparput, illit:
∙Aalajaatsuusutit, timersornermik nuannarisaqartutit, tatituujusutit, eqeersimaartuusutit, tamanut inissaqartitsisutit iliuuseqarusussuseqartutit inussiarnersuullutillu.
∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq
∙Namminersorluni, akisussaassuseqarluni kiffartuussisinnaallunilu sulisinnaasoq
∙Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit
∙Eqeersimaartumik aamma aaqqissuussaasumik sulisinnaassuseqartutit.
∙Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
∙Arlalissuarnik suleqateqallaqqissoq.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Uagut neqeroorutigaavut:
Suliffik unamminartulik ulluinnarnilu nammineerluni imarisassaanik sunniivigineqarsinnaasoq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluarnissaq kiisalu aallartitsinissamut nutaaliornissamullu inissaqartitsinissaq anguniartuarparput.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fungerende Centerleder Mikael-Erik Larsen, oqarasuaat +299 58 40 63 imaluunniit e-mail: mirl@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 744-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 7.-at, 2024