Meeqqanut Atuarfeqarnermullu Ingerlatsivik - Ulluunerani neqeroorutinut immikkoortortaq

Nunaqarfinni angerlarsimaffinni paarsisartuutitta ineriartortinnerat pitsaassusissaatalu qulakkeernerat peqataaffigerusukkukkit, matumuuna periarfissaqalerputit. Immikkoortortami aqutsisumik angerlarsimaffimmi paarsisartunut akisussaasoq kiisalu perorsaanermut siunnersortitsinnik pingasunik Nuummi, Paamiuni, Tasiilami Ittoqqortoormiinilu kommunip ulluunerani paaqqinnittarfiinut 25-nut ulluinnarni attaveqartartunik sulisoqarnikkut aqutsisussamik pissarsiorpugut.

Angerlarsimaffimmi paarsisartunik siunnersuineq aqqutissiuinerlu kiisalu nunaqarfinni angerlarsimaffimmi paarsisartoqarnermi sulinerup pitsaassusaanik qulakkeerinninneq pingaarnertut suliassarissavatit. Tamatuma saniatigut angerlarsimaffimmi paarsisartut kiisalu perorsaanermut siunnersortit pingasut sulisoqarnikkut aqutsisuuffiginissaat akisussaaffigissavatit. Atorfik una kiffaanngissuseqarluarluni suliffiuvoq akisussaaffimmillu nassataqarpoq, illit ulluinnarni sulisarnerpit qanoq isikkoqarnissaat nammineq sunniuteqarfigisinnaalluarpatit.

Uagut meeqqat tamaasa ineriartornissamut pitsaanerpaanik periarfissaqarnissaat qulakkiissallugu anguniagaraarput. Tamanna pissaaq angerlarsimaffimmi paarsisut, atuarfiit, attaveqaatit aamma angajoqqaat imaluunniit isumassuisut allat qanimut suleqatigalugit. Peqatigiilluta meeqqat tamaasa nalerisimanissaat ineriartornissaallu qulakkiissavarput.

Meeqqanut pitsaasumik akuersaartumillu isiginnittaaseqarneq suleriaaseraarput, meeqqat tamaasa immikkuullarissutut piginnaaneqartullu, nukissaqartut aamma ineriartornissaminnut ilippanaateqartut isigalugit.

Illit suliassatit

∙Nunaqarfinni angerlarsimaffinni paarsisartut siunnersorlugit aqqutissiuullugillu makku eqqarsaatigalugit:

∙Ulluinnarni suliarisartakkat

∙Angajoqqaanik suleqateqarneq

∙Suleqatigiinni suleqatigiinneq

∙Perorsaanermut ukiumut pilersaarutit pitsaassusaasa qulakkeernerat kiisalu qaammatit allortarlugit malitseqartitsineq

∙Tulliuttut suliarineqarnerannik qulakkeerineq:

∙Meeqqat mappii

∙Ukiumut marloriarluni ineriartornermut allaaserisanik suliaqarneq

∙MIIM 3 aamma 5

∙Meeqqat immikkut pisariaqartitsisut eqqarsaatigalugit assigiinngitsunik suliaqartut akimorlugit suleqatigiinnerisa qulakkeernerat

∙Angerlarsimaffimmi paarsisartut sulisoqarnikkut aqunneqarneri

∙Perorsaanermut siunnersortit pingasut sulisoqarnikkut aqunneqarneri

Makkua naatsorsuutigaagut:

∙Suliassaqarfimmi ilisimasanik nutaanik pissarsiniartartuusutit kiisalu atuagarsornikkut ilisimasat assassornikkullu misilittakkat ataqatigiinneri saqqummiullugit ingerlateqqissinnaagitit – allakkatigut oqaatsitigullu

∙Suliassaqarfik pillugu paasisanik attuumassuteqartunik saqqummiisinnaasutit kiisalu suliassanik aallartitsisinnaallutillu aqutsisinnaasutit

∙Suliffimmi politikikkut suliniuteqarfiusumi ulluinnarnilu sulinermik ataqatigiissitsiffiusumi sulisinnaassuseqarluartutit, kiisalu politikikkut inatsisitigullu piumasaqaatinik timitaliisinnaasutit, aammalu suliniutissatut kissaatinut piviusunngortitsisinnaasutit

Sulianut tunngasutigut piginnaasat:

∙Naleqquttumik ilinniagaqaqqinnermik/ingerlariaqqiffiusumik ilinniagaqarnermik perorsaasutut ilinniagaqartuusutit

∙Qarasaasiamik atuilluarsinnaasutit sulinermilu atorluarsinnaallugu

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchefi Marianne Schmidt Lund, oqarasuaat +299 36 73 09 imaluunniit e-mail: mslu@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1068-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: novembarip 4.-at, 2025

Atorfik una qinnuteqarfigiuk