Meeqqanut Inuusuttunullu Naalakkersuisoqarfimmi AC-fuldmægtigi, Immikkut imaluunniit pisortanut siunnersorti
Kalaallit Nunaanni meeqqanut inuusuttunullu isumaginninnikkut atugarliortunut pissutsinik pitsaanerulersitseqataarusukkuit, taava Meeqqanut Inuusuttunullu Naalakkersuisoqarfimmi AC- Fuldmægtigitut, Immikkut imaluunniit pisortanut siunnersortitut atorfik ilinnut piukkunnarpoq.
Ukiuni kingullerni Kalaallit Nunaanni isumaginninnermut suliassaqarfiup kivinneqarnissaa annertuumik ukkatarineqarsimavoq. Pineqartut ilaatigut tassaapput meeqqanut kinguaassiutitigut kannguttaatsuliornerit, inuuniarnikkut atugaliornerit pitsaaliornissaat, inuit innarluutillit pisinnaatitaaffiisa pitsaanerunissaannut qulakkeerinninneq kiisalu meeqqanut inersimasunullu inuuniarnermikkut atugaliortunut katsorsaanissanut ilisimasalinnik neqerooruteqarnerit.
Suliaq suli ingerlavoq. Suliaq suli ingerlavoq. Aaqqitassanik pingaarutilinnik suliassarpassuaqarpugut tassungalu sulisut amerlanerusut atorfissaqartippavut. Meeqqanut Inuusuttunullu Naalakkersuisoqarfimmi AC-Fuldmægtigitut, Immikkut imaluunniit pisortanut siunnersortitut soqutiginnikkuit atorfik immaqa ilinnoortuuvoq.
Meeqqanut Inuusuttunullu Naalakkersuisoqarfimmi suliassaqarfimmut tunngasut politikikkut anguniakkat piviusunngortinnissaat suliarisarpavut, tassani ilaapput suli atualinngitsut (meeqqat 0-6 ukiullit), meeqqat inuusuttullu atugarliortut, pitsaaliuineq aamma innarluuteqarneq. Suliassaqarfimmi politikikkut anguniakkat pingaarnerit ilaatigut tassaapput meeqqanut inuusuttunullu atugarliortunut aamma inunnut innarluutilinnut pissutsit patajaallisaaffiginissaat.
Atorfik pillugu
Suliassat ilaatigut ilaqarput:
Naalakkersuisunut isummernissamut tunngavissianik, ajornartorsiutit pillugit allakkianik, § 37 naapertorlugu apeqqutit akineqartarnissaannik allanillu suliaqarneq
Politikikkut aqutsisut aalajangiussassaannut tunngavissat suliarineqarnerisa pitsaassusaannik qulakkeerinninneq kiisalu politikikkut aalajangiussanik atuutilersitsineq
Naalakkersuisoqarfiup suliassaqarfiani suliassat assigiinngiiaartut akimorlugit suliassanik suliaqarnermi peqataaneq isumaginninnerlu
Pingaarnertut meeqqat pillugit politikikkut aalajangikkanik suliniutinik, periusissianik, suliniutinik misissukkanillu ineriartortitsineq aqutsinerlu
Naalakkersuisoqarfiup suliassaqarfiani suliniaqatigiissitanut atatillugu suliassanik ataqatigiissaariffiusuni peqataaneq isumaginninnerlu
Isumaginninnermut politikikkut suliniutinik, periusissianik, suliniutinik misissukkanillu ineriartortitsineq aqutsinerlu
Naalakkersuisoqarfiup suliassaqarfiani suliniutinut suleqatigiissitaanut atatillugu suliassanut peqataaneq ataqatigiissaarinermillu isumaginninneq
Suliassat tamatigoortuupput aammalu suliassaqarfiit assigiinngitsut ataatsimoorlutik suleqatigiinnermi ilaasinnaanissaq, kiisalu nammineq suliassanut suliniutinullu namminersorluni akisussaaffeqarsinnaaneq piumasaqaataapput. Suliassanut nutaanut sukkasuumik paasinnissinnaanermik tamatigoortuunissamillu atorfik piumasaqaatitaqarpoq kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.
Taamaattumik suleqatigiinnissamik soqutiginninnissat iluaqutaassaaq. Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik. Iluaqutaassaaq allattariarsornikkut oqalunnikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuullutit.
Illit pillutit
Kandidatitut qaffasissusilimmik naleqquttumik ilisimatusarsimassaatit
Isumaginninnermut tunngasunik atuagarsornikkut sulinikkullu ilisimasaqarnissaq kissaatiginarpoq, piumasaqaataanngilarli
Suliniummik suliamillu ingerlatsinermut suliaqarnermik misilittagalik suliniutinik aqutsinermik aamma misilittagaqarneq
Namminersorluni aaqqissuulluakkamik anguniakkamillu sulisinnaasoq ineriartortitserusuttorlu
Allattariarsornikkut oqaatsitigullu atassuteqallaqqissoq
Paasissutissiissutinut ajornakusoortunut amerlaqisunullu tamakkiisumik isiginnissinnaasoq
Suleqatinik avataanilu soqutigisalinnik suleqateqallaqqissoq
Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq
Ajornanngippat marluinnik oqaasilik, kisianni piumasaqaataanngilaq.
Meeqqanut Inuusuttullunullu Naalakkersuisoqarfik pillugu
Meeqqanut Inuusuttunullu Naalakkersuisoqarfimmi suleqatigiit 15-it missaaniippugut. Tamatuma saniatigut naalakkersuisoqarfiup ataani immikkoortortaqarpoq, Isumaginninnermut Aqutsisoqarfik.
Qinnuteqaat
Qinnuteqarnissamut ulloq killiliussaq tassaavoq 5. juuni 2024.
Ulloq atorfiniffissaq tassaavoq 1.august 2024 isumaqatigiissuteqarnikkulluunniit.
Paasissutissat sukumiinerusut
Atorfik pillugu paasissutissat sukumiinerusut pissarsiarerusukkikkit Immikkoortortaqarfimmi pisortap Kista Isaksen-ip emailianut kisa@nanoq.gl imaluunniit oqarasuaataanut +299 34 65 82-imut attaveqarnissannut tikilluaqqusaavutit
Meeqqanut Inuusuttunullu Naalakkersuisoqarfik pillugu paasisaqarnerorusukkuit uagut pilluta paasissutissat amerlanerusut ugguuna pissarsiarisinnaavatit www.naalakkersuisut.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Inuttut ilinniarsimanikkullu piginnaasatit, uppernarsaatitit misilittakkatillu aallaavigalugit AC-fuldmægtigitut, Immikkut, imal. pisortanut siunnersortitut atorfinittoqassaaq.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job