Meeqqanut inuusuttunullu sammisassaqartitsisoq (atuagaatilerisoq)

Nunatta Atuagaateqarfia meeqqanik inuusuttunillu aallussinerulluni sammisassaqartitsisartussamik (Oplevelsesskaber) 1. oktobari 2025 sulilertussamik isumaqatigiissuteqarnikkuulluunniit sulilertussamik sulisussarsiorpoq.

Atuagaateqarfiit ineriartortupilussuummata neqeroorutaasinnaasunut assigiinngitsunut naleqqussartuartuupput, soorlu kulturikkut neqeroorutissanik assigiinngiiaartunik neqerooruteqartarlutik. 

Taamaammat isumassarsiullaqqissumik, sullisserusuttumik kiisalu ilinniartitserusuttumik siammartererusuttumillu atorfinittussarsiorpugut. Meeqqanut inuusuttunullu atuakkialerinermik paasissutissiillutit ingerlatitseqqiisassaatit aamma atuarusulersitsiniarnermut atuarnermillu ilisimasaqarnissamut tapertaassallutit.

Sammisassaqartitsisartuni (Team Oplevelser) suleqataanissaq pingaarnertut atorfigissavat. Tassani suliassaapput sammineqartussanik isumassarsiorneq, pilersaarusiorneq piviusunngortitsinerlu. Atuagaateqarfiup pisussaaffiinut tapertaallutik ilaapput isumassarsiortitsinerit, ilikkartitsiniarnerit, ukkassilluni suliaqartitsisinnaanerit kiisalu atuagaateqarfiup neqeroorutigisartagaanut sullississutigisartagaanullu tunngasunik attaveqaqatigiilluarnermik pilersitseqataanissaq.

Aaqqissuussanik kulturimut tunngasunik neqeroorutinik pilersaarusioqataasarnerup saniatigut atuagaateqarfiup ammanerata nalaani atuagaatilerisutut vagtiullutit sullissisassaatit. Atuagaatilerisutut sullissininni atuisutsinnik ilisarinninnerulersinnaavutit suullu ingerlateqqikkusunnerlugit takulluarsinnaalissavatit.

Pingaarnertut suliassarissavatit: 

• Kulturimut tunngasunik atuagaateqarfimmi sammisaqartitsinissamik isumassarsiorneq, meeqqanut inuusuttunullu sammineqarsinnaasunik aaqqissuussineq, pilersaarusiorneq piviusunngortitsinerlu

• Saqqummersitsinerit aaqqissuussinerillu pillugit oqaasertaliorneq aamma avammut nittarsaassinissamik suliaqarnerit 

• Atuagaateqarfiup atugassaataanik siammasissumik nutaaliortumillu atuisut assigiinngitsut eqqarsaatigalugit inuit attaveqatigiittarfii aqqutigalugit paasissutissiorneq 

• Atuagaateqarfiup ammanerata nalaani atuagaatilerisutut vagtiuneq 

• Aaqqissuussanut saqqummersitanullu atatillugu illoqarfeqatinik, nunatta sineriaaneersunik nunarsuarmioqatinillu attavissarsiorneq/suleqatissarsiorneq 

Naatsorsuutigaarput: 

• Atuagaatilerisutut DB/cand. scient. bibl., cand. mag imaluunniit tassunga naleqquttumik kulturimut tunngasumik ilinniagaqarsimasuussasutit 

• Suliniutinik aqutsinernut misilittagaqassasutit 

• Meeqqat inuusuttullu attaveqatigilluarsinnaanerannik pilersitsillaqqissasutit 

• Kulturimut tunngasunik neqeroorutinik assilianngortitsillutit misigisassanullu assigiinngitsunut nutaaliortuussasutit. Inip pisatsersorneranut atuagaateqarfiup iluani 4 rumsmodel atorlugu isumassarsiullaqqissuussasutit 

• Siammarterisinnaanermik tutsuiginartumillu siammarterisinnaanermik piginnaasaqassasutit, nutaaliortumik imaluunniit paasissutissiilluartunik imalinnik siammarterisinnaasutit 

• Atuakkialerinermik soqutiginnittuussasutit ilisimasaqartuullutillu 

• Namminiillaqqittuussasutit 

• Eqaatsumik suleriuseqassasutit, sullissilluarusuttuussasutit allanngortoqarsinnaaneranullu piareersimasinnaasutit 

• Atuagaateqarfiit bibliotekssystemiat CICERO misilittagaqarfigissagit, misilittagaqarfigigukku iluaqutaassaqaaq piumasaqaataanngilarli 

• Marlunnik oqaaseqartuussasutit (kalaallisut qallunaatullu) 

• Meeqqanut pinerliisimannginnermut pineqaatissinneqarsimannginnermullu uppernarsaateqassasutit

Neqeroorutigaagut: 

• Sammisassaqartitsisartussamik atorfik pissanganartoq unammillernartorlu

• Nunatsinni kulturikkut suliniartunut inerisaaqataassaatit 

• Suleqatit piginnaasaqarluartut, misilittagaqarluartut sulerusussuseqartullu suleqatigissavatit 

• Inuttut suliffimmilu ineriartornissamut kiisalu nammineq inuttut ineriartornissamut periarfissagissaartoq 

• Suliffik ataatsimoorfiusoq, ammasoq inussiarnersumillu oqaloqatigiissinnaanermik pingaartitsisoq

Uagut pilluta: 

Nunatta Atuagaateqarfia Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisuusoq. Illoqarfiup qeqqani inissisimanermini innuttaasunit atorluarneqartarpoq. 

Suliffeqarfik suleqatigiinnut sisamanut agguataarneqarpoq: Team Groenlandica, Team Nunarput, Team Oplevelser aamma Team Service. Atuagaateqarfik kulturikkut atuakkialerinikkullu paasissutissanik ingerlatitseqqiinikkut aaqqissuussarpassuaqarfiusarpoq, soorlu atuakkiortunik malunnartitsinerit ukiumullu ataasiarluni Unnuk Kulturisiortitsisarnerit. Illoqarfiullu kulturikkut pikialaartitsinerani peqataasarpugut, soorlu Nuummi Suialaa Arts Festivaleqaleraangat. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk