Meeqqat Isumaginninnermi ikiortimik pissarsiorpoq

Meeqqat ukiumikkut akuleriinnut paaqqinnittarfiuvoq pinngortitamut, imarmullu qanittumi, illoqarfiullu qeqqakanniani pinnersunik avatangiiseqartuulluni. Meeqqanut 25-nut inissat amerlassuseqarput. Meeraaqqerivik meeqqanut 10- nik inissalik, meeqerivillu 15-inissalik.

Meeqqat nuummi meeqqeriviit nutaanngitsut ilagaat.

Paaqqinnittarfimmi sulisut qulinngiluaapput. Aqutsisoq, aqutsisup tullersortaa, perorsaasoq, isumaginninnermi ikiortit marluk, inimi ikiortit marluk, igaffimmioq ataaseq, illup iluani ikiorti ataaseq.

Nalunngilat meeqqat ineriartuinnaleraangata aamma meeqqap takoqqusaarutaanut naalaarluni qanoq ilungersunartigisartoq. Nalunngilat meeqqat peqqusaarnerminnut naleqqiullugu annertunerugaartumik piginnaassuseqartut, aammalu illit meeqaat imminut naleqartinnerisa, imminullu tatiginerisa allisarnissaanut suleqataarusuttuullutit. Silarsuarmut meeqqap alapernaatsuunerani ikorfartorniarpat, kiisalu illit tamakkiisumik isiginnittuuvutit, paasinnittuullutillu.

Ullut nalinginnaasut pilersinniarusuppagut ilisarnassuseq ulluinnarni aalajangersimasumik ingerlanermik/ piffissamik malussarissusermik tunngavilik, kiisalu siumut oqaatigineq ajornartoq tunngaviulluni meeqqat paaqqinnittarfiup kulturiata ineriartorneranut sunniuteqarsinnaanissaat. Pingaaruteqarpoq suleqatigiilluta Meeqqat-ni atuisunut tamanut paaqqinnittarfiup peqqinnartumik, ineriartornartumillu pilersitsinissarput. Taamaattumik sullivimmi tamatta suliffigissaasuulluarnissarput pingaatinneqarpoq.

Uku pingaartippavut:

·Akuersaartumik perorsaariaaseq

·Pinngortitaq atorlugu perorsaaneq

·Meeqqat inuit asseqanngitsuunitsinnik, ataqqinninnissamillu ilinniartillugit

·Meeqqat toqqissisimasumik perorsaataasumillu avatangiiseqartinnisai

Neqeroorutigisinnaavarput:

·Suliffeqarfik akisussaaffimmik, suliffimmilu sunneeqataanissannut periarfissiisoq

·Suliffik pilersaarusiorluagaq, avatangiisinillu atorluaasinnaasoq

·Init sulianut naleqqussakkat, suleqatillu pitsaasut

·Pikkorissarnissamut ilinniaqqinnissamullu periarfissalik

·Angajoqqaat suleqataalluartut, meeqqallu peqataallaqqissut

Naatsorsuutigaarput:

·Meeqanik inersimasunillu suleqateqareersimanissaq

·Eqeersimaartoq akisussaaffiillu tigummiarsinnaanissat

·Suleqatit perorsaanilerinermut eqqartueqatigisinnaagitit

·Ilakkuminartuusutit meeqqanut, suleqatinut, angajoqqaanullu

·Suliffimmi patajaatsuuninnik/ alajaatsuunermik takutitsisinnaasutit

·Kalaallisut qallunaatullu oqalussinnaaneq iluaqutaasinnaavoq, kisianni piumasaqaataanani

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik una meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommuunip uppernarsaatit naammaginartutut isigineqartut, meeqqanut pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqanik pinerliisimannginnermut uppernarsaat kommuunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersornerullutik Oqartussani isumaqatigiissut atuuttoq, imaluunnit Kalaallit Nunaannilu kattuffiup allap isumaqatigiinninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinittitsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasunik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Peter Johansen, oqarasuaat +299 36 68 51 imaluunniit e-mail: pjoh@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1274-25-mik ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaatit nassiutissavat nittartagarput aqqutigalugu. Atorfimmut qinnuteqarfiginiakkannut link-i atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 25.-at, 2025

Atorfik una qinnuteqarfigiuk