Meeqqerivik Tikiusaaq-mi Pædagog-issarsiorneq
Perorsaasoq soqutiginnittoq tunniusimasorlu Meeqqerivik Tikiusaaq-mi sulilersinnaasoq pissarsiariumaneqarpoq
Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput.Taava suliffissaqartippatsigit.
Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.
Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:
Pilersitseqataaffigerusupparput meeraq nammineerluarsinnaasoq, kinaasutsiminik ilisimaarinnittoq inuiaqatitsialanngornissaminut piginnaaneqarluartoq, sumulluunniit ikaarnissaminut piareersimasorlu. Pingaartipparput Meeqqap pisariaqartitaanik eqqummaarittoq, takunnittaaseqartorli; ”Meeqqat assigiimmik pissagutsigit, tamarmik assigiinngitsumik pissavagut”. Taammattumik meeqqat ataasiakkaatut immikkuullarinneranik tunngaveqarluta meeqqerivimmi isumassueriaaseqarpugut anguniartuarlugulu pingaarnertut isumassuisui qanimut suleqatigalugilluarlugit. Taammaaliornitsigut meeraq nammineq naleqartittoq pilersitseqartaaffiginiartuarlugu.
Ilinnut naatsorsuutigaarput:
·Pædagog-itut ilinniarsimasutit
·Inoqatinut akuersaartuusutit, kinaluunniit naappinneqarluartutut misiginissaa aallaavigalugu
·Ulapaarfiusumi eqqummaarillutit suleriuseqartutit
·Nutaaliornissamik isumassarsiullaqqissutit
·Qanilaartuusutit
Meeqqerivik Tikiusaaq-miit neqeroorutigaarput:
·Iserninniit tikilluaqqusaasutut misigitinneqarneq
·Suleqatit inussiarnersut ammasut nuannaartullu
·periarfissaqartinneqarlutit Sulisutut inuttullu inerisarnissanik
·isummannik anitsinissannut inissaqartinneqarrlutit
Ulluinnarni ammasarpoq nal. 7:00- 17:00 akornanni.
Akuleriinni Meeqqerivik Tikiusaaq meeqqanut 96-nut inissaqarpoq, immikkoortortnut marlunnut avissimalluni. Meeraaqqerivittaani meeqqat 36-t, ininut pingasunut agguataarnikut. Meeqqerivittaani meeqqat 60-t, ininut pingasunut agguataarnikuullutik.
Sulisut 22-put, agguataarnikuullutillu: Aqqutissiuisoq/pisortaq, tullersorti, immikkoortortami pisortaq, Pædagogit 4-t, barne/socialhjælperit 6-t, ikiortit 6-t, igasoq, eqqiaasoq, igaffimmi/eqqiaasumullu ikiorti.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Elisabeth Sikemsen, oqarasuaat +299 36 67 20 imaluunniit e-mail: elsi@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1119-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 19.-at, 2024