MIO ilinniarnerup saniatigut sulisinnaasumik ujartuivoq
Meeqqanut allanngueqataarusuppit? Suliniutinik soqutiginartunik suleqatigiinnik ineriartortunik suleqateqarlutik ingerlatserusuppit? Taava maanna MIO-mi ilinniarnerup saniatigut sulisinnaanissannut periarfissaqarputit!
Naalagaaffiit Peqatigiivisa Meeqqat pillugit isumaqatigiissusiaata Kalaallit Nunaanni ilisimaneqarnerata siammarterneqarnissaa aammalu meeqqat atugarisaasa pitsanngorsarneqarnissaat MIO-p suliniutigaa. MIO-p ulluinnarni allaffissornikkut ikiuulluni ilinniarnerup saniatigut sulisinnaasoq ujartorpaa.
2025-mi MIO-mut suliniut ”Kalaallit Nunaanni meeqqat nipaat: Kinguaariinnik ukkataqarneq” aallartittussaavaa. Suliniut ingerlanneqartussaq Kalaallit Nunaanni meeqqat inuunerannik ulluinnaanillu misissuinerni annerpaajuvoq. Suliniummi meeqqat isiginnittaasii qitiutinneqassapput, ulluinnarnilu meeqqat misigisartagaat – angerlarsimaffimmi, atuarfimmi digitalimilu ataatsimoorfinni – itisilerneqassallutik. Ilinniarnerup saniatigut sulisussaq ilaatigut suliniummi ulluinnarni ingerlatsinermi suleqataasinnaasoq Kalaallit Nunaannilu meeqqanut allanngueqataasinnaasoq ujartorparput.
Suliassatit
MIO-mi suliniutigineqartuni assigiinngitsuni allaffissornikkut suliniummullu tunngatillugu suleqataaneq
Paasissutissanik katersinermi ikiuunneq
Ataatsiniinnermik, workshoppertitsinernik sammisaqartitsinernilu aaqqissuussinerni peqataaneq
Suliassanik nalinginnaasunik suliaqarneq ulluinnarnilu suleqatigiit suliaannik ikiuunneq
Illit pillutit
Ilinniaatigaluni sulisorisassarput:
Meeqqat pisinnaatitaaffii pillugit sulerusussuseqassaaq
Kalaallisut qallunaatullu oqalussinnaallunilu allassinnaassaaq
Namminersorluni sulisinnaassaaq, suliassallu assigiinngitsut ataatsikkut ingerlassinnaassallugit
Attaveqallaqqissuuvoq, allakkatigut oqalunnikkullu
Suliassaqarfimmi assigiinngitsunik suliaqarfiusumi ineriartortumilu nuannaarluni sulisinnaavoq
Atorfik pillugu
Ilinniarninni misilitsiffissatit ingerlatassallu allat malillugit suliassat naleqqussarneqassapput. Atorfeqarnermut angalasoqarsinnaaneq naatsorsuutigineqassaaq.
Aallartiffissaq: Piaartumik
Ulloq qinnuteqarfissaq kingulleq 15. januaari 2025, nal. 12:00. Oqaloqatiginninnerit ingerlaavartumik ingerlanneqassapput.
Assigiinngisitaarneq
MIO-mi assigiinngisitaarneq nukittut isigineqarpoq, taamaattumik piukkunnartut qanorluunniit suaassuseqaraluarunik, ukioqaraluarunik, innarluuteqaraluarunik, upperisaqaraluarunik, atoqatigeeriaaseqaraluarunik inuiaassuseqaraluarunilluunniit atorfimmut qinnuteqarnissaat kaammattuutigaarput.
Atorfik pillugu apeqqutissaqaruit siunnersortit pisortaat, Ditte Enemark Sølbeck, ditte@mio.gl -mut imaluunniit 264995 -mut saaffigineqarsinnaavoq.