Naalakkersuisup Siulittaasuata Naalakkersuisoqarfiani suleqatitaarilerpatsigit?
Ingerlatseqatigiiffinnut allattoqarfik
Namminersorlutik Oqartussat ingerlatseqatigiiffinnik 13-inik inuussutissarsiornermi assigiinngitsunik siunertaqartunik suliaqarfiusunillu piginnittuuvoq. . Ingerlatseqatigiiffiit ukiumut ataatsimut 12,5 mia. koruunit sinnerlugit kaaviiaartittarpaat. Naalakkersuisut Ingerlatseqatigiiffinnut Allattorfik, aaqqissuusaanikkut Naalakkersuisut Siulittaasuata Naalakkersuisoqarfiani inissisimasoq, suleqatigalugu piginnittuunerminik ingerlatsisarpoq. Annertunerusumik paasisaqarnerorusukkuit Naalakkersuisut.gl iserfigalugu Naalakkersuisut Siulittaasuata Naalakkersuisoqarfiata ataani Ingerlatseqatigiiffinnut Allattoqarfik pillugu sukumiinerusumik paasisaqarsinnaavutit.
Ingerlatseqatigiiffinnut Allattoqarfiup ukioq manna 2023-mut Piginnittuunermut politikki pillugu isumaqatigiissutit tunngavigalugit Namminersorlutik Oqartussat ingerlatseqatigiiffiutaani aqutsinermut allagaatinik atulersitsiniarpoq. Immikkoortortaqarfik piffissami aggersumi ineriartortinneqassaaq.
Ingerlatseqatigiiffinnut Allattoqarfimmi suleqataasutut suliassatit ilaatigut makkuusapput:
• Namminersorlutik Oqartussat ingerlatseqatigiiffiutaani aqutsinermut allagaatissaanik atuutitsilernissaq ataavartumillu nutarteriuarnissaq.
• Ingerlaavartumik paasissutissanik katersisarneq aammalu ingerlatseqatigiiffiit aqutsisuinik oqaloqateqartarnerit kiisalu ingerlatseqatigiiffiit naatsorsuutaannik, ilioriusissaannik, ingerlatsinermut pilersaarutaannik assigisaannillu misissueqqissaarnerit.
• Ingerlatseqatigiiffiit tamakkiisumik ilaannakuusumilluunniit pigineqartut 13-it ataatsimeersuarnissaannik piareersaasarnerit aamma ingerlatseqatigiiffiit naatsorsuutaannik, ilioriusissaannik, ingerlatsinissamut pilersaarutaannik il.il. naliliisarluni misissuinerit oqaaseqarfiginnittarnerillu taamatuttaaq tamakku pillugit Naalakkersuisunut nalunaarusiortarnerit. Tamakkununnga atatillugu ingerlatseqatigiiffiit siulersuisuisa/pisortaqarfiisa, Namminersorlutik Oqartussani atorfillit aamma Naalakkersuisut Siulittaasuata akornanni annertuunik ataqatigiissaarisoqartassaaq. Naalakkersuisut 2023-mut Piginnittuunermut politikki pillugu isumaqatigiissummi aalajangersakkat aallaavigalugit siulersuisunut ilaasortanik toqqaanerini katiterineranillu tapersissallugit.
• Naalakkersuisut Namminersorlutik Oqartussallu ingerlatseqatigiiffiutaasalu akornanni pissutsit pillugit Naalakkersuisunut siunnersuinissamik akisussaaqataaneq.
• Oqalugiaatissanik, saqqummiussissutissanik, ilisimatitsissutinik taamatullu aalajangiinissamut tunngavissianik suliaqartarneq.
• Ingerlatseqatigiiffinnut Allattoqarfimmi suleqataasutut Namminersorlutik Oqartussat ingerlatseqatigiiffiutai pillugit nalunaarusioqataaneq.
• Aqutsisut siulersuisunilu ilaasortat kiisalu Naalakkersuisut attuumassuteqartut ukiumoortumik ataatsimiinnissaat isumasioqatigiinnissaallu ataqatigiissarlugit. Kingornalu peqataasimasunut malitseqartitsineq.
Piginnaasat
Kandidatitut qaffasissusilimmik naleqquttumik ilisimatusarsimasutit assingusumillu atorfeqarnikkut misilittagaqarlutit. Kalaallit Nunaanni pissutsinik ilisimasaqarluaruit iluaqutaasaaq.
Makkuninnga piginnaaneqassasutit naatsorsuutigaarput:
• Inuussutissarsiornikkut misilittakkat.
• Suliassanik assigiinngiiaartumik amerlasuunik nammineerlutit suliaqartarsinnaassasutit.
• Naalakkersuinermut tunngatillugu aaqqissuussaanermi tusagassiorfinnit sammineqakkajoqisumi sulerusussuseqartutit.
• Allattariarsornermi pitsaasunik piginnaaneqartutit taamatullu naatsunik erseqqissunillu oqaasertalersuisinnaassuseqartutit.
• Nalilersuilluni misissuisarnermut misikkarissuusutit paasisimannittuullutillu.
• Allaffissornikkut aqutsinermi taamatullu aktiaateqarluni ingerlatseqatigiiffinni Namminersorlutik Oqartussanit pigineqartuni sutigut tamatigut sulisunik pisortallu sinniisaannik pitsaasumik suleqatiginnissinnaasutit.
• Immikkoortoqarfiup ineriartortinneqartuarnissaanut suliumassuseqartutit ikiuukkusullutillu.
Neqeroorutigisinnaavagut: Naalakkersuisut Siulittaasuata Naalakkersuisoqarfiani sulisunut pimoorussillutik suleqatigiinnut ilanngutissaatit, ulluinnarni suleqatigiillutik suliatigut pitsaasumik naammassisaqarnissaminnut akuersaarnissamut piumassuseqartunut. Uagut neqeroorutigaavut:
• Inatsisilerinermi assigiinngitsorpassuartigut, inuussutissarsiornermi aningaasaqarnikkut naalakkersueqatigiinnikkullu suliassat.
• Nammineq sulianut suliniutinullu akisussaassuseqarneq.
• Suliatigut inuttullu ineriartornissamut periarfissat pitsaasut.
• Pisariaqartitsineq namminerlu kissaatigisat malillugit ilinniaqqinneq.
Atorfimmut tulluuttunik piukkunnaatilimmut immikkut ilisimasalittut siunnersortitut atugassarititaasut malillugit atorfinitsitsisoqarsinnaavoq.
Qinnuteqarneq
Atorfik pillugu apeqqutissaqaruit Lars Balslev mail laba@nanoq.gl imaluunniit oqarasuaat + 299 34 51 15 / + 299 52 27 77 atorlugit attaveqarfigiinnassavat.
Qinnuteqaatit Naalakkersuisut Siulittaasuata Naalakkersuisoqarfianeeriissaaq kingusinnerpaamik ulloq 20. august. Inuiaqatigiinni katitigaaneq naapertorlugu sulisut katitigaanissaat eqqarsaatigalugu Naalakkersuisoqarfiup kissaatigaa kikkulluunniit sumiuugaluarunik, ukiui, arnaanersoq angutaanersorluunniit apeqqutaatinnagit qinnuteqaqqullugit. Aningaasarsiat atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Inissiaq atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni. Qinnuteqaat, imminut ilisaritinneq, ilinniarsimanermut aamma pikkorissarsimanermut uppernarsaatit aammattaaq pappiaqqat attuumassutillit "Qinnuteqaat nassiuguk" toorlugu nassiutikkit. E-mail aqqutigalugu qinnuteqaatit nassiussat tiguneq ajorpagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.