Najugaqarfik Elisibannguamut Pædagog-sarsiorpugut
Najugaqarfik Elisibannguaq Namminersornerullutik oqartussat isumaginninnermut aqutsisoqarfiup ataani inissisimasoq. Pædagog -itut ilinniarsimasumik, immikkoortortanut tamanut pissarsiorpugut.
Najugaqarfik Elisibannguaq tassaavoq inersimasunut eqqarsartaatsikkut innarluutilinnut najugaqarfiusoq. Najugaqarfiit katillugit 21-nik najugaqarfigineqarsinnaasut. Najugaqartut 42-78-llu akornganni ukioqartuupput.
Immikkoortortat, Najugaqarfik Elisibannguaq ilanngullugu Pingasuupput: ukuusut Ukaliusaq Sisamanik najugaqarfigineqarpoq, Sikkerneq tallimanik najugaqarfigineqarpoq, Elisibannguaq arfineq marlunnik najugaqarfigineqarpoq.
Pædagog-itut ilinniarsimasunut qinnuteqartussanut piumasaqaatigaarput:
- Piareersimaffigisassagitit sulisooreersut peqatigalugit ulluinnarni perorsaanermut sungiusaanermullu tunngasut suliarisassallugit.
- Aalajaatsuusutit piffissamillu eqquisuusutit.
- Kalaallisut qallunaatullu atuisinnaassallutit.
- Soqutigisaqarfigissagit misilittagaqarfingalugulu eqqarsartaatsimikkut kinguarsimasunik sullitaqarsimanissat.
- Pinerluuteqarsimassanngitsutit.
- Piareersimaffigissagit najugaqartunmik illoqarfiup avataanut angallassisinnaanissat.
Sulineq sapaatip akunneranut 40 tiimi-nik sivisussuseqarpoq, kisiannili nikerartumik suliffiungami akunnerup naanerani aamma sulisarsinnaanissat naatsorsuutigissavat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job