Nakkutilliinermut missingersuutinillu malitseqartitsisarfiup allaffia AC-fuldmægtigissarsiorpoq

Kalaallit Nunaata karsiata naatsorsuutaasa pitsaassusaannik qulakkeerinneqataarusuppit?

Naatsorsuutit, nakkutilliineq aamma aningaasanik aqutsineq soqutigisaraagit? Paasissutissanik misissueqqissaarineq, kukkusanik ujaasineq aamma naatsorsuutit eqqortuunerinik qulakkeerinninnerit suliarissallugit ilorrisimaarnarivigit? Qitiusumik Naatsorsuuserivimmi illit immaqa AC-fuldmægtiginngussaatit nutaaq.

Nakkutilliinermut missingersuutinillu malitseqartitsisarfiup allaffianut soqutiginnittumik sulisussarsiorpugut, tassani suleqatigiit suliatigut nukittuut ilagilissavatit, taakku Kalaallit Nunaanni Namminersorlutik Oqartussat naatsorsuutaannik nakkutilliinermut akisussaaffeqarput.

AC-fuldmægtigitut Nunatta Karsiata Naatsorsuutaasa eqqoqqissaartuuneri qaffasissumillu pitsaassuseqarneri uppernarsaasersorlugit sulinermut qitiusumik inissisimaffeqassaatit.
 

Illit suliassatit
Makku ilaatigut suliarisalissavatit:

• Nunatta karsiata naatsorsuutitaanik nakkutilliineq aamma pitsaassusaannik qulakkeerinninnerit

• aningaasat, akiligassat, akiligassaqarfiit naatsorsuutaannik oqimaaqatigiisitsinerit

• naatsorsuutit kontoinik uppernarsaasersuineq aamma naatsorsuutit paasissutissartaannik misissueqqissaarineq

• naatsorsuutini piffissalersukkat qaammatikkaartumik matoorneri

• akuerisaanngitsunik malitseqartitsineq aamma ilanngussanik IRIS-imut ilioqqaaneq

• ukiup naanerani peqataaneq aamma kukkunersiuisut avataaneersut suleqatigineri

• ilitsersuusiorneq aamma ilitsersuutinik suleriaatsinillu pitsanngorsaanerit

• naatsorsuuseriaatsinik inerisaaneq aamma eqaallisaaneq

• Namminersorlutik Oqartussani suleqatinik siunnersuineq aamma isumasioqateqarneq

• naatsorsuutit aamma nakkutilliinerup iluini  suliassanik takkussuuttunik suliaqarneq

Atorfik misilittagaqaleriartorneq piginnaasaqaleriartornerlu malillugit akisussaaffimmik annerusumik tunniussiartuaasssaaq suliatigullu ineriartortitsinissaminut periarfissaqartitsissaaq.

Naatsorsuutigaarput
Illit imaattuusutit takorloorparput:

• aningaasaqarnermik, pisortat aqutsinerinik, naatsorsuutinik assigisaannilluunniit sivisuumik ilinniaqqiffiusumi ilinniagaqartutit

• naatsorsuutit, nakkutilliineq aamma aningaasaqarnermik aqutsineq soqutigigitit

• aaqqissuussaasumik sulisartutit aamma immikkuualuttunik paasinnillaqqissuusutit

• misissueqqissaarinermut piginnaasaqarluartutit

• nammineerlutit inuit allallu suleqatigalugit sulineq nuannarigit

• qarasaasiamik atuinissamut piginnaasaqarluartutit aamma aaqqissuussanik nutaanik sukkasuumik ilikkartartutit

aaqqissuussaq ERP, soorlu Prisme, Dynamics 365 assigisaasaluunniit atornissaannik misilittagaqaruit iluaqutaassaq, piumasaqaataanngilarli.

Illit inuttut piginnaasatit

Suleqatissarsiorpugut:

• Akisussaaffimmik ilisimannittoq nammineerlunilu sulisinnaasoq

• Aaqqissuussaasumik sulisinnaasoq tamanillu takunnissinnaasoq

• Inuit assigiinngitsunik tunuliaqutallit suliaqarfiillu suleqatiginissaannut piumassuseqartoq

• Akuersaartoq aamma suliffiup iluani avataanilu attaveqarfissanik pilersitsillaqqissoq

Neqeroorutigaavut

Uagutsinnit makku pissarsiarissavatit:

• atorfik pissanganartoq suliatigut siammasissumik suliaqarfiusartoq

• Nunatta karsiata naatsorsuutaasa tamarmiusup suliarinissaanut periarfissaq

• suleqatit pikkorissut soqutiginnittullu qaffasissumik suliaqallaqqissut

• suliatigut inuttullu ineriartornissamut periarfissat pitsaasut

• namminersungaatsiarluni akisussaaffeqangaatsiarlunilu sulineq

• suliffik suleqatigiinnermik, ikioqatigiinnermik aamma sullivimmi avatangiissaarnermik sunnertisimasoq

Kalaallisut oqalussinnaaguit aamma/imaluunniit Namminersorlutik Oqartussat pillugit ilisimasaqaruit iluaqutaassapput piumasaqaataanatilli.

Ulloq atorfiniffissaq

1. september 2026 isumaqatigiissuteqarnikkulluunniit

Sukumiinerusumik paasissutissat
Atorfik pillugu apeqqutissaqaruit naatsorsuuserinermut pisortaq, Egon Skindhøjimut, +299 54 64 26-mut sianerlutit imaluunniit egsk@nanoq.gl-imut allallutit attaveqarsinnaavutit. 

Piukkussagut ingerlaavartumik oqaloqatiginiarlugit aggersartassavagut, taamaattumik sukkanerpaamik qinnuteqaammik nassiussisoqarnissaa kajumissaarutigaarput.

DcR pillugu
Qitiusumik naatsorsuuseriffik (DCR) Aningaasaqarnermut Sulisoqarnermullu Aqutsisoqarfimmut ilaavoq, aamma pingaarnertut Nunatta Karsiata naatsorsuutaanut akisussaaffeqarfeqarluni.

Immikkoortortaq 35-t missaannik sulisoqarpoq allaffinnut tallimanut agguarneqartunik.

• Akiligassalinnik naatsorsuuserivik

• Akiligassaqarfigisanik naatsorsuuserivik

• Aningaasaqarnermut naatsorsuuserivik

• Naatsorsuutinik ineriartortitsinermut allaffik

• Nakkutilliinermut missingersuutinillu malitseqartitsisarfiup allaffia

Namminersorlutik Oqartussat allaffeqarfiit tamaasa naatsorsuutit, nakkutilliineq, naatsorsuutinik ineriartortitsineq aamma aningaasaqarneq pillugu suleriaatsinik suliaqarnerini tapersersortarpagut.

ASA pillugu
Kalaallit Nunaanni Namminersorlutik Oqartussani Aningaasaqarnermut Sulisoqarnermullu Aqutsisoqarfik ataatsimoorussamik kiffartuussinermut sullissivigaat. ASA 110-t missaannik sulisoqarpoq ilaatigut naatsorsuutit saqqummiunneqartarnerannut, pisiortornermi, isumaqatiginninniarnernut tunngasunut, aningaasarsiaqarnermut sulisoqarnermullu politikimut, nutserisoqarnermut kiisalu illuutit ingerlanneqarnerannut akisussaaffeqarluni.

Aningaasaqarnermut Sulisoqarnermullu Aqutsisoqarfik pillugu aamma pingaartitavut pillugit uani atuarsinnaavatit: www.asa.gl.