Neriuffiit Kattuffiat allaffimmi pisortassarsiorpoq

Kræftimik eqqugaasunut suliaqarnermut sunniuteqaqataarusuppit? Sullivimmiknammineq ingerlatsineq nuannariviuk, pilersitsisinnaassuseqarpit, isumassarsiullaqqissuuit, piviusunngortitsinermillu nuannarisaqarlutit? Taava immaqa Nuummi qullersaqarfitsinni sulilersinnaassaatit.

Tassaavugut 

Neriuffiit Kattuffiat kræftimut tunngasuni suliniartuni nunatsinni annersaavoq. Nappaat pillugu paasititsiniaanerit, ikioqatigiissinnaanerit annertusakkat soorlu peqqinnissaqarfik, Naalakkersuisut Kommunillu suleqatigalugit siunissami annerusumik suliniutiginiakkatta ilagaat.

Nunatsinni kræfteqalersartut ikiliartornissaat aamma nappaammik qaangiisimasunut kingunipiluutaasut peqqinnissaqarfimmit eqqummaffigineqarnerunissatsunniuteqaqataaffigerusuppavut.

Immikkoortortaqarfivut 17-it aqqutigalugit eqqugaasimasunut oqaloqatiginnittarnerit ingerlappavut, ataasiakkaarluni ilaqutariikkaarluniluunniit oqaloqatiginnittarnerit pisarput. Oqaloqatiginnittartut uatsinnut attuumassutillit, ukiut tamaasa pikkorissartitarpavut.

Allaffeqarfitsinni pisortap suliunnaarnissaa pissutigalugu pisortassarsiorpugut. 

Atorfimmut tunngasut 

Neriuffiit Kattuffianni sulineq piorsarneqaleruttorpoq, suliaq tamanna nangillugu pisortatut ingerlatissavat. Illutaassarput aasaru naammassippat sulisut ilaneqassapput, taakkualu sunniuteqaqataaffigissavatit aqutarissallugillu. Illutaassatta ammarnissaanut suliat piareersarneqarlutik aallartereersut nangissavatit.

Kræftimut akiuiniarnermi, pisortatut qitiusumik inissisimassaatit, suleqatinut assigiinngitsunut suleqateqallaqqissuussallutit, soorlu peqqinnissaqarfinnut, pisortanut allanut immikkoortortaqarfitsinnullu. Sullitavut pillugit suleqatigiinnerup pingaaruteqarnera eqqumaffigissavat.

Kræftimik eqqugaasut nappaatertik kisimiillutik pigissanngikkaat, taamaattumillusullissinerput sinerissami immikkoortortaqarfitsinni piumassusertik naapertorlugu oqaloqatiginnittartut qanimut suleqatigalugit ingerlanneqartarnissaa, suliatta pingaarnersaraat.

Assigiinngitsunik piginnaasaqarnissat uatsinnut pingaaruteqarpoq:

· sulisunik aqutsinnermik misilittagaqarnissat, sullivimmik kajuminnartitsinissat

· suliassanik aqutsinikkut naammassisaqartitsisinnaassasutit 

· suleqatigiit assigiinngitsunik suliallit ataqatigiissaarsinnaassagitit

· illutaasatsinni sulisunik piumassutsiminnillu sulisunik ataqatigiissarisinnaaneq

· Immikkoortortaqarfinnik illullu avataani suleqatitsinnik suleqateqarnermi siuttuusinnaaneq

· inulerisinnaaneq sungiusimassavat

· allaffeqarfimmik pitsaanerpaamik ingerlatsineq

· ukiumoortumik aningaasanik katersiniartarnitsinnik ataqatigiissaarisutut inissisimassaatit, taamaattumik suliat assigiinngitsut ataatsikkoortissinnaaneratimmikkoortissinnaanissaallu piareersimaffigissavatit

· allaffissornermi suliat tulluussartuarnissaannut piginnaaneqassaatit

Suliffik assigiinngitsunik piumasaqaatitalik, nunatsinni kajumissuseq naapertorlugu peqatigiiffilerinermi ataatsimoorfiit annersaasa ilaat neqeroorutigaarput. Suliffiup ingerlanneqarneranut angisuumik sunniuteqaqataaffiusussamik, Neriuffiit Kattuffiata suliassaannut siuarsaaqataaffiusussamik.

Illutaassatta atulernissaata tungaanut suliffiusussaq H.J. Rinksvej 20, Blok 6-003-miinissisimavoq.

Suliffiup piffissat ilaanni ulapiffiungaatsiartarnissaa piareersimaffigissavat.

Paasissutissat allat

Piginnaasannut tulluartunik akissarsiaqassaatit, tamatumani kattuffiup ilaasortaaffigisavit isumaqatigiissutai malinneqarsinnaapput.

Atorfimmut annerusumik paasisaqarusukkuit Neriuffiit Kattuffiata siulittaasua Inger Eriksen paasiniaavigisinnaavat oqarasuaat 527114 imaluunniit mailikkut neriuffik-formand@gnet.gl aqqutigalugu.

Qinnuteqaat kingusinnerpaamik januaarip 26-anni 2026-mi tigoreersimassavarput. 

Sukkanerpaamik sulilernissat kissaatigaarput kingusinnerpaamillu marsip aallaqqaataanni 2026-mi sulilissallutit.

Sulisitsisorisimasannit oqaaseqaatit qinnuteqaammut ilanngunneqassapput.