Neriuffiit Kattuffiat ulluinnarni allaffimmi pisortassamik sulisussarsiorpoq

Kræftimik eqqugaasunut suliaqarnermut sunniuteqarluarusuppit? Nuannariviuk suliffimmi nammineq ingerlatsineq, pilersitsineq, isumassarsiullaqqippit, piviusunngortitsinermillu nuannarisaqarpit? Taava immaqa sulisussarivatsigit Nuummi qullersaqarfitsinni.

Ilisaritinneq

Neriuffiit Kattuffiat kræftimut tunngassuteqartuni suliniarfinni nunatsinni annersaavoq. Suliniutitta ilagivaat siunissami annerusumik paasisitsiniaanerit nappaat pillugu, ikioqatigiissinnaanerit annertusakkat ulluinnarni soorlu peqqinnissaqarfik, Naalakkersuisut Kommunit suleqaitigalugit.

Sunniuteqarfigerusupparput nunatsinni kræfteqalersartut ikiliartornissaat, qaangiinikut kingunipiluutaat peqqinnissaqarfimmiit eqqummaariffigineqarnissat.

Immikkoortortaqarfigut 17-it aqqutigalugit eqqugaasimasut oqaloqatiginnittartut ingerlappavut, ataasiak-kaarluni ilaqutariikkaarluniluunnit oqaloqatigiittarnerit ingerlanneqartarput. Oqaloqatigiinnittartut uagut-sinnit attuumassutillit ukiut tamaasa pikkorisartitarpavut.

Ullumikkut allaffeqarfitsinni pisortaq suliunnaarnissaa peqqutigalugu paarlatsissaanik sulisussarsiorpugut. 

Atorfiup ilisaritinnera

Neriuffiit Kattuffiani sulineq piorsarneqarluni ingerlarsuleruttorpoq, pisortatut suliatta piorsarneqarnera nangillugu ingerlatissavat, aasamut illutaassarput naammassippat sulisut ilaneqassapput, taakkua sunniuteqaqataaffigissavatit aqutarissallugillu illutaassattalu ammarnissaannut suliat piareersarneqarlutik aallartereersut nangissavatit.

Pisortatut kræftimut akiuiniarnermi qitiusumik inissisimassaatit, suleqatinut assigiinngitsut suleqateqal-laqqissuussatit, sorlu peqqinnissaqarfinnut, pisortanut allanut immikkoortortaqarfitsinnullu, suleqatigiin-nerup pingaaruteqarnera nalussanngilat sullitagut pillugit.

Suliatta pingaarnersaraat kræftimik eqqugaasut nappaatertik kisimiillutik pigissanngikkaat, taamaattumik sullissinerput sineriatsinni immikkoortortaqarfitsinni piumassusertik naapertorlugu oqaloqatigiinnittartut qanimut suleqatigalugit ingerlanneqartarnissaa.

Uagutsinnut pingaarpoq piginnaasat assigiinngitsut pigissagitit:

· sulilsunik aqutsinnermik misilittagaqarnissat, suliffimmik kajuminnartitsisuunissat

· suliassanik aqutsinikkut naammasisaqartitsisinnaaneq pigissagit

· suleqatigiit assigiinngitsunik suliallit ataqatigiissaartarnerat pigissagit

· illutaasatsinni sulisunik atuisunik piumassutsikkullu sulisunik ataqatigiissarisinnaaneq

· ullunnarni suleqatsitsinnik suleqatigiinnermi siuttuusinnaaneq, Neriuffeqarfiit illullu avataani suleqatitsinnik

· sungiusimassavat ulluinnarni inulerisinnaaneq

· ulluinnarni allaffeqarfiup ingerlanneqarnerata pitsaanerpaaffianiinnissanik ingerlatsineq

· ukiumoortumik katersiniartarnitsinnik ataqatigiissaarisutut inissisisimassaat, taamaattumik suliat assigiinngitsut ataatsikkoortissinnaaneri immikkoortissinnaanerilu piarersimaffigissavatsit

· ulluinnarni allaffissornermi suliat tulluussartuarnerinut piginnaaneqassaatit

Neqoorutigaarput suliffik assigiinngitsunik piumasaqaatilik, nunatsinni piumassutsikkut peqatigiiffi-lerinermi ataatsimoorfiit annersaata ilaat. Suliffiup ingerlanneqarneranut annertummik sunniuteqa-taaffiussamik, Neriuffiit Kattuffiata suliaanut suliassaanut siuarsaaqataaffimmik.

Illutaassatta atulernissaata tungaanut suliffik HJ Rinksvej 20, Blok 6-003 inissisimavoq.

Piareersimaffigissavat piffissat ilaanni suliffik ulapiffiungaatsiartarnissaa.

Paasissutissat allat

Akissarsiat tungaatigut piginnaasannut tulluuttunik akissarsiaqasaatit, tamanna sulinermut kattuffimmut ilaasortaaffigisavit isumaqatigiissutai malinneqarsinnaapput.

Atorfimmut annertuneriusumk paasisaqarniaruit Neriuffiit Kattuffiata siulittaasua Inger Eriksen paasi-niaavigisinnaavat oqarasuaat 527114 imaluunniit mail neriuffik-formand@gnet.gl aqqutigalugit.

Qinnuteqarnissat qinnuteqaat kingusinnerpaamik 26. januar 2026 tigoreersimassavarput. 

Sukkanerpaamik sulilernissaq kissaatigaarput kingusinnerpaamillu 1. marts 2026

Qinnuteqaaammut ilanngunneqassapput sulisitsisorisimasanik oqaaseqaatit.