Nukissiorfiit Ilulissat Innaallagissamik siammarterivimmut sulisunut aqutsisussarsiorpoq

Sulisunut aqutsisutut suliassat, pisortatullu tunngasutut suliassat ajugaaffigisassartallit isumagilissavatit, kiisalu sulianut tunngasutut assut piginnaanilittut persuarsiortitsinngitsutullu suleqatigiinni ilaalissaatit. Ilulissani immikkoortortaqarfimmi aqutsisumut innersuussissaatit.

Ilulissat tassaavoq Kalaallit Nunaanni illoqarfinni anginerpaat pingajuat, tamaaniippullu pinngortitami illoqarfimmilu misigisassarpassuit. Tassaavoq illoqarfik nutaaliaq uummaarissorlu, tamaani neriniartarfiliarnissamut cafénullu aqqusaagaqarnissamut periarfissarpassuaqarluni, aammali nunatta pinngortitaanik kultureqassusianillu qanimut misigisassartaqarpoq. Illoqarfik UNESCO-mit eqqissisimatitatut Ilulissani kangerlussuarmut Kangianut, iluliarsuarnik millionilikkaanik pinnguisumut pisuinnaq takornariarfeqarpoq. Tamatuma saniatigut tamanna arfernut angalaartunut piaqqiorfinnaajuvoq, illoqarfillu qimussertarnikkut angisuumik kultureqassutsimik neqeroorfiuvoq.

Suliassaqarfik

Suliassatit pingaarnerit tassaassapput Ilulissani, tassungalu atasutut inoqarfinni innaallagissamik siammarterineq.

Suliassatit tassaassapput makku:

Sarfamik sakkortuumik sakkukitsumillu ingerlatsivinni ingerlatsinermik, aserfallatsaaliuinermik ineriartortitsinermillu suliassat. Ilulissat tassaavoq illoqarfik allanngoriartortoq, taamaattumillu innaallagissap aqqutaata ineriartortinneranik Nukissiorfiit angisuumik suliaqarfiuvoq.

• Akisussaaffigisatut suliassaqarfimmut missingersuusiorlunilu tamatuminnga malitsitseqartitsineq.
• Immikkoortoqarfimmut pilersaarutaasumut, periusissialittut anguniakkanut, kiisalu niuernermi angusassanut naleqqiullugit Innaallagissamik siammarterisarfinnut sanaartornissamut suliniutinut Business Casesinik suliaqarnerit.
• Suliniutinik piareersaallunilu uppernarsaanermik suliani peqataanerit.
• Akisussaaffittut suliassaqarfiup iluani toqqorsivimmiititatut sillimmatinik, atugassatullu nioqqutinik pisiortornerit, nalunaarsuinerit, naleerutsitsinerillu pilersaarusiorneri naammassinerilu.
• Periusissialikkatut pilersaarutit, ingerlattagassat, najoqqutassiat ilitsersuutillu suliarinerini peqataanerit.
• Illoqarfimmi inoqarfinnilu innaallagissap aqqutaanik pitsaanerpaanngorsaanerit, malitseqartitsinerit, nakkutilliinerillu.
• Nunap immikkoortuani KLS-imik aaqqiissutip aserfallatsaaliugarinerani peqataaneq.
• Sumiiffimmi isumannaallisaanermut, kiisalu isumannaallisaanermik najoqqutanut atuuttunut attuumassutilinnik suliassanik isumaginninnerit.
• Illoqarfimmi inoqarfinnilu innaallagissiornermut oqartussaaffimmi sumiiffiusumi sinniisuussuseq.

Sulisunut aqutsisutut linjep immikkoortoqarfiani sulisunut akisussaaffeqassaatit, taamaattumillu sulisunik aqutsinermut attuumassutilittut suliassat isumagissavatit.

El-installatøritut, maskinmesteritut, assingusutulluunniit teknikkikkut nangitatut ilinniagaqarsimanissat, sivikinnerpaatullu ukiuni marlunni inuussutissarsiorfimmi pisortatullu misilittagaqarnissat naatsorsuutigineqarpoq. Tamakku saniatigut innaallagisserinermut akuerisaanissamut pisinnaatitaaffeqassaatit.

Makku pigisarigitit pingaartippavut:

• Missingersuusiornermik, tamatuminnga malitseqartitsinermik, ingerlatariuakkatullu naleqqussaasarnermik misilittagaqarneq.
• Suliniutinik aqutsinermik misilittagaqarneq.
• Pitsaassutsimik sianiginnittuuneq.
• Business Casesinik suliaqarnermik ilisimasaqarneq, tamannali piumasaqaataanani.
• Suliffiup iluani avataanilu suleqatigiinnikkut attaveqaqatigiinnikkullu piginnaasaqarluarneq.
• Sarfamik sakkortuumik sakkukitsumillu siammarterivittut ingerlatsivinni ajoqutinik nassaarinnillaqqinneq.
• Scadamik PLC-millu aaqqiissutinik ilisimasaqarneq.
• Qarasaasiatigut tunngavilittut ingerlatsinermik aserfallatsaaliuinermillu aaqqiissutinik ilisimasaqarlunilu misilittagaqarneq.
• Biilersinnaanermut allagartaqarneq.
• Sungiussiasoq, pitsaassutsimillu sianiginnittuusoq.

Akissaatitigut atorfeqartitaanermilu atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfininneq qaammatini pingasuni misiliutitaqarpoq.

Atorfimmut atatillugu inissamik innersuussisoqarsinnaavoq, malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.

Atorfimmut atatillugu angalaneq aammalu pequttat akiliunneqarsinnaavoq, ukiullu pingasut ataannartumik atorfeqarnermi soraanermi angalaneq aammalu pisattat akilerneqarsinnaapput, illoqutigiit aammalu meeqqat 18-ninik ukiullit ataallugit.

Atorfimmut tunngasunik paasisaqarnerorusukkuit una attavigineqarsinnaavoq:

Suliassat akisussaaffigisassarlu atorfik pillugit annerusumik paasisaqarusukkaanni Distriktschef Niels Pedersen attavigineqarsinnaavoq emailikkut: NPEDE@nukissiorfiit.gl imaluunniit oqarasuaammut: (+299) 946766.

Paasissutissat allat:

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: juulip 18.-at, 2025

Atorfik una qinnuteqarfigiuk