Fakta
Atorfiup suussusaa: AC-fuldmægtig
Suliffeqarfik: Nukissiorfiit
Qinnuteqarfissamut killigititaq: 24. septembari 2025
Attavissaq: Henriette Nolsøe Rosing ugguuna heros@nukissiorfiit.gl
Periusissianik piviusunngortitseqataarusuppit?
Nukissiorfiit aqutsisoqarnermi allattoqarfiat suliaminut tunniusimasumik AC-fuldmægtigissarsiorpoq, Kalaallit Nunaanni innaallagassiornermik suliaqarfimmik ilusileeqataarusuttumik innaallagissiorneq isumannaallunilu sunniuteqarluarniassammat nukiillu atuuttuartut qitiutillugit siammarterneqarniassammat. Suleqatigiit sulilluartut piginnaasaqarluartullu arfinillit suleqatigerusuppigit?
Uagut aqutsisoqarnermi allattoqarfimmiittugut pilluta
Aqutsisoqarnermi allattoqarfimmiipput suleqatigiilluareersut arfinillit aqutsisorlu ataaseq, taakkulu pisortaqarfimmik ingerlatsivimmillu tamarmik – qullersaqarfimmi nunattalu sineriaa tamakkerlugu – qanimut suleqateqartarput. Uagut Nukissiorfinni periusissiornikkut attaveqatigiinnikkullu qitiuvugut, misissueqqissaarnerit ataqatigiissaarinerillu aammalu suliffeqarfiup iluani avataanilu attaveqatigiinnermut tunngasut tamaasa malinnaavigeqqissaartarlugit.
Suliatsinnut atatillugu piginnaasaqarluarnerput, suleqataaffigisartakkatta siammasissusiat piviusunngortitsisinnaassuserpullu ilisimaneqaatigaarput. Maani suliaminnik aamma ingerlatsivimmut inuiaqatigiinnullu kalaallinut iluaqutaasunik suliaqarnermik nuannarinnilluartunik suleqateqalissaatit.
Atorfik pillugu:
Qiimaasumik nuannaartumillu aammalu eqinnaatsuuffiusunik siunertaqarluarfiusunillu suliffimmi avatangiiseqarusuttumik suleqatissarsiorpugut. Allattoqarfimmi qitiusumik inissisimaffeqassaatit suliassanillu Nukissiorfiit periusissiukkamik ingerlavissaannut ullormilu ingerlatsineranut toqqaannartumik sunniuteqartartunik suliaqarnissamut periarfissaqassallutit.
Suliassatit pingaarnerit ilaatigut makkuussapput:
- Naalakkersuisoqarfimmik sullissineq tassungalu attaveqartarneq
- Tusarniaanermik akissutinik, § 37 tunngavigalugu apeqqutinik innuttaasunillu saaffiginnissutinik ataqatigiissaarineq
- Allattukkanik isummernissamullu tunngavissanik pisortaqarfimmut naalakkersuisoqarfimmullu suliaqarneq
- Allattoqarfimmiit pisortaqarfimmik sullissineq, ilaatigut ataatsimiinnernik (pisortaqarfiup, aqutsisoqatigiit, immikkoortortallu ataatsimiinnerinik, naalakkersuisoqarfimmik suliffeqarfiullu avataaneersunik ataatsimeeqateqarnissanik) aaqqissuussineq, ataatsimiisitsineq ataatsimiinnernillu malittarinninneq
- Periusissiamik ”Nukissiorfiit 2030-mi Patajaatsut”-mik atuutilersitseqataaneq malittarinninnerlu
- Attaveqatigiinnermik suliffeqarfiullu iluani ingerlatitseqqiisarnermik ineriartortitsineq
- Sulisunut suliniuteqartunullu suliffeqarfiup avataaniittunut aaqqissuussanik pilersaarusiorneq
Takorloorparput illit…
- Ingerlaqqiffiusumik naleqquttumik ilinniagaqartutit (ass. cand.scient.pol., cand.jur., cand.scient.adm. assigisaalluunniit)
- Ilinniakkannik naammassinneqqammersutit ukiualunniluunniit misilittagaqareersutit – ajornanngippat ingerlatsivimmi politikkimik suliaqarfiusumi
- Suleriutsit assigiinngitsut piginnaasaqarfigigitit imaannaanngitsunillu ataqatigiissitsisinnaasutit
- Suliaqarfiit akimorlugit suleqateqallaqqissuusutit allattariarsornikkullu piginnaasaqarluartutit
- Qiimasuusutit ataqatigiilluarnissamullu taperseeqataassasutit
Pitsaassaaq kalaallisut danskisullu oqalussinnaaguit, piumasaqaataanngilarli.
Atorfik soqutiginartippiuk?
Tusarfiginissat suliffimmilu suliamut piginnaasaqarnermik, suleqatigiinnermik inuiaqatigiinnullu akisussaassuseqarnermik pingaartitsiffiusumi suleqatigilernissat qilanaaraarput.
Atorfimmut tunngatillugit apeqqutit ukununnga nassiunneqarsinnaapput: pisortaqatigiit allattoqarfiannut pisortaq Henriette Nolsøe Rosing, heros@nukissiorfiit.gl. Atorfinitsitaanermut sulisunullu pissutsinut tunngasutut apeqqutit uunga nassiutissapput: hr@nukissiorfiit.gl.
Nukissiorfiit pillugit
Nukissiorfinni sulisutut sarfamik, imermik kiassarnermillu inuiaqatigiinnut kalaallinut piujuartitsinissamullu saqinnermut pingaarutilimmik suliassaqassaatit. Tamatuma saniatigut ingerlatsivik angisooq soqutiginartorlu ineriartorfiulluartoq nunalu tamakkerlugu suliffeqarfiutilik atortulillu suliffigilissavat.
Illit Nuummi qullersaqarfimmiissaatit, tassanilu sulisut 100-nit amerlanerulaarput. Suliffimmi avatangiisigissaarnissaq sammisaqarfiulluartartumillu sulisunut peqatigiiffeqarnissaq, atugarissaarnissamik ukkatarinninnissaq aammalu suliffiup namminerlu inuunerup oqimaaqatigiissilluarnissaat pingaartitaraavut.
Qinnuteqarnissamut killissarititaasoq: septembarip 24.-at, 2025
Atorfik una qinnuteqarfigiuk
