Nuna tamakkerlugu innarluutilinnik sullissivik Pissassarfik Kontorfuldmægtigimik pissarsiorpoq
Suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu sullissivimmi nutaarluinnarmi, innarluutilinnut tunngasutigut ineriartortitsineq sunneeqataaffigalugulu pitsanngorsaaqataaffigerusuppiuk?
Ulloq atorfiniffissaq: 1. januaari 2025 isumaqatigiissuteqareernikkulluunniit.
Atorfik pillugu
Pissassarfik kontorfuldmægtigimk allaffissornerup iluani misilittagalimmik pissarsiorpoq.
Pissasarfimmi kontorfuldmægtigitut ineriartortsiteqataaneq, pitsaassutsimut qulakkeerinninnerit takussutissiinerillu suleqataaffigissavatit. Allaffissornerup saniatigut oqaatsini nutserineq oqaatsini kalaallisut qallunaatullu nutserisassaatit, taassnilu allattariarsorneq oqaluttaanermilu pingaarnertut dialog aamma ilaatigut simultan suliassarisassallugit.
Assigiinngitsunik sullissininni meeqqat, inuusuttut, inersimasut utoqqaallu oqaluttaaffigisassavatit, taamaasillutit innuttaasut pissassariarnermi sullinneqarnerannut kivitseqataasassallutit.
Inuit innarluutillit ukiui apeqqutaanatik piginnaanngorsaqqinnissamik piginnaanngorsarnermillu pisariaqartitsisut sullitaraagut.
Naatsorsuutigaarput:
- Allaffimiutut ilinniagaqartuunissat
- Kalaallisut, qallunaatut piginnaasaqarluarnissat
- Simultanimi oqaluttaasinnaanissat – piumasaqaataanngilarli
- Torersumik, ilusilersuinermik ataqatigiissumillu aaqqissuusisinnaassasutit
- Alapernaassuseq, nammineersinnaaneq akisussaaffimmillu pimoorussisinnaasutit
- Ammasuunissat suleqatigiinnilu suliat tapertariisillugit suleqateqarluarsinnaasutit
- Ammasumik ilusilersueqataasumillu avataanit suleqatigisanut attaveqaqateqarnernut peqataasinnaanissat
- Atugarissaarnemik sulinermilu atukkanik nuannersumik tapertaaqataassasutit
Neqeroorutigivagut:
- Atorfik pissanganartoq, allanngorartoq ilinniakkamullu unammillernartulik akisussaassuseqarluartorlu
- Inunnik innarluutilinnut ineriartortitsinissamut sunneeqataasinnaanermullu atorfik periarfissiisoq
- Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq
Qulaani taaneqartunut naleqquttuuguit, una suliffik ilinnut periarfissaasinnaavoq. Nittartakkatsinni www.pissassarfik.gl annertunerusumik paasissutissanik ujartuisinnaavutit, soorunami aamma paasissutissanik annertunerusumik ujartuinermi Pissassarfimmi pisortamut saaffiginninnissannut tikilluaqqusaavutit.
Naja O. Lennert
Oqaras.: +299 34 50 78
E-mail: naja@nanoq.gl
Namminersorlutik Oqartussani sulineq pillugu paasissutissanik ujartuerusukkuit uani annertunerusunik paasissutissaqarpoq: www.naalakkersuisut.gl, ”Atorfiit” ataanni.
Ulloq qinnuteqarfissap killinga 17. novembari 2024
Oqaloqatiginninnerit sapaatip akunnera 47-imi ingerlanneqarnissaat ilimagineqarpoq. Ingerlaavartumik oqaloqatiginninnissatsinnut immitsinnut piginnaatippugut, qanimut oqaloqatigiinnertut imaluunniit videokonference atorlugu ingerlanneqassallutik.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job