Nunatsinni Nakorsaaneqarfik AC fuldmægtiginik marlunnik peqqinnissamut tunngasunik soqutigisalinnik sulisussarsiorpoq

Pingaarutilimmik suliaqarusuppit inuiaqatigiit peqqissusaannut ilisimasatit atorlugu? Taamaassappat tassaasinnaavutit suleqatitaassarput! 

Nunatsinni Nakorsaaneqarfik nunatsinni peqqinnissakkut nakkutilliisoqarfiuvoq. Peqqinnissaqarfik pillugu maalaarutit taarsiiffigitikkumallunilu qinnuteqaatit suliarisarpagut, oqartussaqarfinnut allanut peqqinnissakkullu sullissisunut peqqinnissamut tunngasutigut siunnersuisarpugut, inuiaqatigiit peqqissusaannut tunngasunik paasissutissanik katersillutalu saqqummiussisarpugut. Tamatuma saniatigut Kalaallit Nunaanni nakorsaavinnik peqqinnissakkullu sullissisunik nakkutilliisuuvugut, kiisalu qinngornernut ulorianartunut illersorneqarnissamut tunngasut.  

Suliassatit pingaarnerit makkuussapput:

• Maalaarutinik taarsiiffigitikkumallunilu qinnuteqaatinik suliaqarneq

• Qinngornernut ulorianartunut illersorneqarnissamut tunngasut

• inuiaqatigiit peqqissusaannut tunngasunik paasissutissanik katersineq allakkialiornerlu

• Immikkoortortami oqarasuaammut pigaartulimmut, ass. nappaatinut tuniluuttunut, avatangiisinik mingutsitsinermi peqqinnissarlu pillugu inatsisitigut ajornartorsiutinut tunngatillugu saaffiginnisssutinut akissuteqarneq 

Suliassat assigiinngiiaartuupput siulittoruminaallutillu. Kissaatitit piginnaasatillu suunersut apeqqutaallutik allanik suliaqarsinnaanissaq periarfissaassaaq. 

Makku annertunersaat piginnaassagitit naatsorsuutigaarput:

Ilinnigaqassutsikkut piginnaasat

• Naapertuuttumik qaffasissumik ilinniagaqarneq, assersuutigalugu kandidatitut ilinniarsimaneq inuiaqatigiit peqqissusaanik ilisimatusarnermi, inuiaqatigiilerinermi inatsisilerinermiluunniit.

• Peqqinnissaqarfiup misilittagaqarfiginissaq piumasaqaataanngikkaluarluni 

iluaqutaasussatut isigineqarpoq. 

• Pisortaqarfimmi sulianik ingerlatsinermik misilittagaqarneq.

Inuttut piginnaasat:

• Aaqqisuussamik suleriaaseqarputit sulinermilu akisussaassuseqarneq, pitsaassuseq aaqqissuussaanerlu pingaartillugit

• Akuersaartuullutillu inussiarnersuuvutit

• Ulapaarfiusunik- ilinniakkallu akimorlugit avatangiiseqarneq iluaraat

• Nunatsinni inuiaqatigiinni pissutsit ilisimaaraatit

• Allakkatigut oqaluinnarnikkullu ingerlatitseqqissinnaaneq nukittuffigaat – ajornanngippat kalaallisut, danskisut tuluttullu

Politikkikkut aqutami sulinermik misilittagaqaruit iluaqutaassaaq.

Uagut:

Nunatsinni Nakorsaaneqarfik nuna tamakkerlugu sullippaa assigiinngitsorpassuarnillu suliaqarfiulluni. Maanna arfineq marlunnik siulisoqarpugut, Nunatsinni Nakorsaanerup saniatigut tassaasut peqqinnissamut siunnersortit tallimat allaffissornermilu siunnersorti ataaseq.

Nuummi illut alianaannerpaat ilaanni naatsiivilimmilu allaffeqarpugut. Nunatsinni Nakorsaaneqarfimmi inussiarnersuuvugut illaqatigiikkajullutalu. Ulapaalersaraluarluta suliffiup nuannersuunissaa suleqatigiittullu ataqatigiinneq pingaarteqaagut. 

Neqeroorutigaagut: 

• Suliaq isumalik, ilinniarsimanerpit inuiaqatigiit peqqissusaannut tunngasunut atorsinnaanera. 

• Suliaq unammilligassalik, pisortaqarfittut iliuuseqarfissat pisortaqarfiillu allat susassaqarfianni suliniarfissat. 

• Suliffik akisussaaffilik inuiaqatigiinnut annertuumik pingaarutilik 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.