Nunatsinni Nakorsaaneqarfimmi immikkoortortaqarfimmi nakorsaq

Nakorsaavit? pingaarutilimmik suliaqarusuppit nakorsatullu ilinniagaqassutsit inuiaqatigiinni pissutsit patsisaallutik nappaateqalersarnermut atorlugu? Taamaassappat tassaasinnaavutit immikkoortortaqarfimmi nakorsartaassarput! 

Nunatsinni Nakorsaaneqarfik nunatsinni peqqinnissakkut nakkutilliisoqarfiuvoq. Oqartussaqarfinnut allanut peqqinnissakkullu sullissisunut, peqqinnissamut tunngasutigut- ilaatigut pinerlineqarsimasinnaaneq paasiniarlugu toqusunik misissuinernut-, nappaatit tuniluuttut siaruatsaalineqarnissaannut- sulianullu upalungaarsimanissamut avatangiisinillu mingutitsinermut tunngasunut siunnersuisarpugut. Tamatuma saniatigut Kalaallit Nunaanni nakorsaavinnik peqqinnissakkullu sullissisunik nakkutilliisuuvugut maalaarutillu suliarinissaat isumagisarlugu.  

Nunatsinni Peqqinnissaqarfik inuiaqatigiinni annertuumik pingaaruteqarmat politikkikkut annertuumik eqqumaffigineqarpoq. Nunatsinni Nakorsaaneqarfimmi atorfimmut atatillugu suliassat akisussaaffillu tamatumunnga ersersitsisuupput. 

Suliassatit makkuussapput:

• Pisortaqarfinnik allanik peqqinnissakkullu sullissisunik peqqinnissamut tunngatillugu siunnersuineq 

• Maalaarutinik suliaqarneq

• Peqqinnissakkut sullissisunik nakorsaavinnillu nakkutilliineq 

• Peqqinnissakkut sullissisunut ilitsersuusiorneq

• Immikkoortortami oqarasuaammut pigaartulimmut, ass. nappaatinut tuniluuttunut, avatangiisinik mingutsitsinermi peqqinnissarlu pillugu inatsisitigut ajornartorsiutinut tunngatillugu saaffiginnisssutinut akissuteqarneq 

• Peqqinnissaq pillugu paasissutissanik katersineq, pitsaassusaannik qulakkeerineq suliaqarnerlu 

Suliassat assigiinngiiaartuupput siulittoruminaallutillu. Kissaatitit piginnaasatillu suunersut apeqqutaallutik allanik suliaqarsinnaanissaq periarfissaassaaq. 

Makku annertunersaat piginnaassagitit naatsorsuutigaarput:

Ilinnigaqassutsikkut piginnaasat

• Inuiaqatigiinni pissutsit patsisaallutik nappaateqalersarneq nakorsaanertulluunniit ilisimasaqarfik naapertuuttoq alla immikkut ilisimasaqarfigaat 

• Nunatsinni Peqqinnissaqarfimmi atorfeqarsimaneq misilittagaqarfigaat. 

Inuttut piginnaasat:

• Aaqqisuussamik suleriaaseqarputit sulinermilu akisussaassuseqarneq, pitsaassuseq aaqqissuussaanerlu pingaartillugit

• Akuersaartuullutillu inussiarnersuuvutit, allakkatigut oqaatsitigukku attaveqallaqqissuullutit

• Ulapaarfiusunik- ilinniakkallu akimorlugit avatangiiseqarneq iluaraat

• Nunatsinni inuiaqatigiinni pissutsit ilisimaaraatit

• Allakkatigut oqaluinnarnikkullu ingerlatitseqqissinnaaneq nukittuffigaat – ajornanngippat kalaallisut, danskisut tuluttullu

Politikkikkut aqutami sulinermik misilittagaqaruit iluaqutaassaaq.

Uagut:

Nunatsinni Nakorsaaneqarfik assigiinngitsorpassuarnik; nakkutilliinernik, siunnersuinernik ilitsersuinernillu suliassaqarfiuvoq, nunatsinnilu nunattalu avatani naapertuuttunik suleqateqarlunilu. Maanna arfineq marlunnik siulisoqarpugut, Nunatsinni Nakorsaanerup saniatigut tassaasut peqqinnissamut siunnersortit tallimat allaffissornermilu siunnersorti ataaseq.

Nuummi illut alianaannerpaat ilaanni naatsiivilimmilu allaffeqarpugut. Nunatsinni Nakorsaaneqarfimmi inussiarnersuuvugut illaqatigiikkajullutalu. Ulapaalersaraluarluta suliffiup nuannersuunissaa suleqatigiittullu ataqatigiinneq pingaarteqaagut. 

Neqeroorutigaagut: 

• Suliaq isumalik, nakorsatut ilinniarsimanerpit inuiaqatigiinni pisutsit pissutaallutik nappaateqalersarnermut tunngasunut atorsinnaanera. 

• Suliaq unammilligassalik, pisortaqarfittut iliuuseqarfissat pisortaqarfiillu allat susassaqarfianni suliniarfissat. 

• Suliffik akisussaaffilik inuiaqatigiinnut annertuumik pingaarutilik 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.