Nunatsinni Peqqinnissaqarfik teknikkimik pikkoriffilimmik suliniummillu aqutsinermut immikkut piginnaanilimmik pissarsiorpoq

Tamatigoortumik teknikkimik pikkoriffilimmik pissarsiorpugut, suliniutinik annikitsunik aqutsisinnaasumik, qarasaasiakkut sullississutinik nutaanik atuinissamut nakorsaanermik sulialinnik ilinniartitsisinnaasumik, allakkiorsinnaasumik neqerooruteqartitsinernilu annikitsuni ikiuussinnaasumik pissarsiorpugut. Tamakku tamaasa ataatsikkut qungujulaajutigaluni suliarisinnaassavai. Qungujunnartunut qaninneq iluaqutaassaqaaq.

Illit

Nunarput tamakkerlugu Peqqinnissaqarfimmi Danmarkimilu suleqatit pikkorissut ilungersorlutillu sulisut 1600-it sinneqartut ulluinnarni ulapaarfiusuni qarasaasiarsorsinnaaneq pisariaqartippaat.

Susassaqaqatit naapertuuttut (ilutsinni avataaneersullu) oqaloqatigiittarnerni suliniutinullu nutaanut imal. sullississutinik pioreersunik allannguinernut atatillugu peqataatinneqarnissaat, pisariaqartitat sukumiisumik isumalimmillu nassuiarneqarnissaat, ajornartorsiutit paasilertoruminaatsut piffissap sivisuallaanngitsup ingerlanerani (illiusariaqanngitsumit) aaqqiivigineqarnissaat, suliffeqarfiup sinneranut suleqatigisanullu avataaneersunut naapertuuttunut ersarissumik/pilertortumillu tusarliunneqarnissaat illit qulakkiigassaraat.

Tamatigoortuuneq qanoq paasisarparput? Aap, attaveqatigiinnermi sullississut SharePoint aamma paasissutissanik avitseqatigiittarneq ilisimaarilluarukkit, tassaavutit pissarsiariniagarput. Nakorsaanermi sullississutit pikkoriffigigukkit aamma pissarsiarerusuppatsigit. Qarasaasiakkut sullississut nutaaq ataasinngorpat atuutilersussaagaluaq Qarasaasiarsornermut Digitalinngorsaanermullu immikkoortortamit aatsaat tusarneqartoq tusarukku ingerlaannaq sulilersaruit taava uatsinni sulilernissat aamma eqqortuussaaq.

Atortorissaarutit pisoqalisut taarsernissaasa qanoq ingerlanera kiisalu tamatumunnga aningaasartuutissatut missingersukkat naapertuusarnerat pillugit allakkiornissaq ajornartorsiutaanngilaq. Allagartanik nipputsittakkanik anillatsitsinissap ajornartorsiutaanera pillugu nakorsaataasivik sianeqqippat, ima eqqarsassaatit “tamanna pitsaanerusumik aaqqiivigisinnaasariaqarpoq, kikkut taava akulerutsiussavagut”. Silassorissuusiamillu atuillaqqissuuguittaaq, naalaqqissaassaagut (tunuarsimaffigilaarluguli). Kiisalu RPA-mik, suleriaatsinut teknologimik atuinermik pitsanngorsaanermillu misilittagaqarneq iluarineqassaqaaq. Suulli tamaasa piginnaaneqarfiginissaat naatsorsuutigineqanngilaq.

Tamatuma saniatigut, kissaatigisatit piginnaasatillu apeqqutaallutik, atorfinnut suliassanik imal. akisussaaffinnik allanik ilanngussisoqarsinnaavoq. Allatut oqaatigalugu AC-fuldmægtigitut ulluinnarni suliassatit assigiinngitsorpassuussapput, Qarasaasiarsornermi Digitaalinngorsaanermilu immikkoortortami suleqatinnik, Nuummi sinerissamilu nakorsaanermik sulialinnik, teknikerinik nakorsaanermi atortorissaarutinik sulialinnik, teknikkeqarfimmi sulisunik, teknikerinik avataaneersunik siunnersortinillu oqaloqateqartassaatit. Qarasaasianik attaveqatigiinnik paasissutissanillu eqiteruffinnik / serverinik ingerlatsineq avataani pilersuisumit ingerlanneqarpoq, ilaatigulli allannguinissanut atatillugu ingerlatseqatinik peqataatitsinissaq pisariaqartassaaq.

Aaqqissuussaanikkut inissisimaneq

Suliffigiligassat tassaassaaq Nuummi Dronning Ingridip Napparsimmavissuani Qarasaasiarsornermi Digitalinngorsaanermilu immikkoortumi digitaalinngorsaanermi allaffik. Aaqqissuussaanikkut qarasaasiarsornermi qullersap André Just Vedgrenip ataani inissisimassaatit. Suliffimmut tunngatillugu- ilaatigut nunatsinni Danmarkimilu sungiusarnernut pikkorissarnernullu atatillugu- angalasarnissaq naatsorsuutigineqarsinnaassaaq.

Uagut

Qarasaasiarsornermut Digitalinngorsarnermullu immikkoortoq Peqqinnissaqarfimmi pisortanut siunnersuisarfimmiittoq ingerlatsinermik qarasaasiarsornermilu ikiorsiisarfik, napparsimasut pillugit qarasaasiakkut nalunaarsuiffimmut tunngasunut allaffik (ikiorsiiviullunilu inerisaavik) kiisalu digitalinngorsaanermut tunngasunut allaffimmik illit inissisimaffissannik immikkoortoqarpoq. Pisortanut siunnersuisarfimmiittut tamakkerlugit suleqatissaraatit.

Tunuliaqutarisatit

Qaffasissumik kandidatitut – ajornanngippat teknikkimut tunngasumik ilinniarsimanissat naatsorsuutigaarput. Pingaarnerusorli tassaavoq Nuummi teknikerini pikkorinnerpaajunak inunnik oqaluussinermut pikkoriffeqarnissat taamatullu nakorsaanerup teknikkillu silarsuaasa akornanni paasititsisinnaanissat. Paarlattuanik teknikkip periarfissaasa kingunerisassaasalu paasisinnaanissaannut teknikki ilisimasariaqarpat nunatsinnilu Peqqinnissaqarfimmut sapinngisamik annertunerpaamik iluaqutaanissaa qulakkeerlugu.

Qarasaasiarsornermi pilersuisunik attaveqateqartarnissaq eqqarsaatigalugu minnerpaamik danskit tuluillu oqaasii atorsinnaassavatit allassinnaassallugillu.

Qinnuteqartoq uppernarsaatissartalimmik piginnaaneqartoq, isumaqatigiissut atuuttoq naapertorlugu immikkut siunnersortitut atorfinitsinneqarsinnaavoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1/9-2026 immikkulluunniit isumaqatigiissuteqarnikkut

Qinnuteqarfissaq kingulleq: 16/7-2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Qarasaasiarsornermi qullersaq André Just Vedgren oqarasuaatikkut: (+299) 58 54 28 imal. mailikkut: ADRE@PEQQIK.GL attavigalugu pissarsiarineqarsinnaapput

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.