Nunatsinni Peqqinnissaqarfiup qullersaqarfiani siunnersortaaneq
Peqqinnissaqarfimmi qullersanut politikkikkullu oqaluuserisanut qanittumiinneq kajungeraajuk? Nunatsinni Peqqinnissaqarfimmi siumukartitseqataanissaq ataqatigiissitseqataanissarlu kajungeraagit?
Taamaassappat Peqqinnissaqarfimmi qullersarfiup allatseqarfiani siunnersortaanertut atorfimmik, suleqatit pikkorissut peqatigalugut suliassanut kinguneqarluartumik ikorfartuinissamut inerisaanissamullu qulakkeerisussamik, peqarpugut.
Siunnersortaanertut, allatseqarfimmi sulisut allat peqatigalugit, qullersaqarfimmi suliassat ingerlannissaannut qitiussaatit. Suliffeqarfimmi suliassanut ataatsimut isiginnilersitsisinnaassaatit Peqqinnissaqarfimmilu iliuusissatut siunniussassanut tunngatillugu oqaluuserisassanut piareersimallutit. Suliat pitsaasumik ingerlanneqarnissaat ataatsimiinnissallu piareersarnissaat kiisalu piffissaq qaangiutsinnagu suliat naammassinissannik qulakkeerinissaq, illit akisussaaffigissavatit.
Suleqatinut ilinniagaqassutsikkut siunersioqataasassaatit, sulianik ingerlatsinermi peqataallutillu ilinniagaqassutsikkut maligassiuissaatit.
Atorfik
Qullersaqarfimmi sulinermi, qullersaqarfiup allatseqarfiani ilinniagaqassutsikkut aqutsineq isumagissavat. Siunersioqatigiinneq sulisullu tamarmik suliap ataatsimoorullugu naammassinissaanut peqataanissaat pingaarteqaarput. Allatseqarfimmi ullut, suliniutinik annertuunik, suliassanik siunertanut aalajangersimasunut tunngasunik kiisalu ingerlatsinermut tunngasunik suliaqarfiusarput.
Siunnersortaanerup ilaatigut makku akisussaaffigissavai:
- Suliassanik ataatsimut isiginnissinnaanermik qulakkeerineq
- Sulianik pitsaasumik ingerlatsinissamut ikorfartuineq, ingerlatsinermi ilinniagaqassutsikkullu aqutsisutut inissisimaneq
- Qullersaqarfiup suliassaqarfiini- ilaatigut siunnersuisoqatigiinni, ataatsimiititaliani, aqutsisoqatigiinni, suliniutini- malitseqartitsineq siusissukkullu iliuuseqarneq
- Saqqummiussinertigut allakkatigut/siunnerfilimmik attaveqatigiinneq
- Qullersaqarfiup allatseqarfiani suliassanik ataqatigiissaarineq
- Ilisimasatit aallaavigalugit, suleqatinnut ilinniagaqassutsikkut ikorfartuisuuneq
- Pisortaanerup ataatsimiinnissaanik piareersaaneq
Illit
Atorfimmit politikkikkut aqunneqartumit taamaaqataanit misilittagaqarputit naapertuuttumillu kandidatitut/masteritut ilinniagaqarlutit.
Inuttut pingaartippagut:
- Sulianik ingerlatsinermik suliffeqarfimmilu politikkikkut aqunneqartumi sulianik ingerlatsinermik misilittagaqarnerit
- Aaqqisuussamik suleriaaseqarnerit namminersornerillu, suleqatinnullu ilinniagaqassutsikkut siunersioqataasinnaanerit
- Susassaqaqatit amerlasuut- soorlu sulisut, aqutsisut Naalakkersuisoqarfiullu akornanni attaveqaataassagavit suleqatikkuminartuunissat
- Ulluinnarnik ulapaarfiusunik allanngorartunillu iluarisimaarinninnissat
Kalaallit Nunaanni Peqqinnissaqarfik – atitussuseq, unammilligassaq ilinniagaqassutsikkullu tulluusimaarneq
Kalaallit Nunaanni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq qitiusumillu immikkoortunut tallimanut- Dronning Ingridip Napparsimmavissuani qitiusumik immikkoortunut arfineq pingasunut, Kigutileriveqarfimmut, Kalaallit Peqqissartut Illuannut, Peqqinnissaqarfiullu ingerlatsinermut qitiusumik immikkoortuanut agguagaalluni.
Ilinniagaqassutsikkut imminut unammilligassikkusuppit, alapernaatsuuit assigiinngitsinillu suliaqarnissaq nuannaraajuk, taamaassappat nunatsinni Peqqinnissaqarfimmi atorfininnissaq ilinnut piukkunnartuuvoq.
Nunatsinni Peqqinnissaqarfik uani annertunerusunik paasisassarsiorfigisinnaavat: www.gjob.gl
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Innuttaassuseq
Nunat Avannarliit arlaanni innuttaassuseqanngikkuit, najugaqarnissamut sulinissamullu akuersissummik atorsinnaasumik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasunut tunngasut
Akissarsianut atorfininnermullu atatillugu atugassarititaasunut tunngatillugu - angalanissaq pisattallu angallanneqarsinnaanerat ilanngullugit- atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut atuuttoq naapertorneqassaaq.
Qulaani immikkut taaneqartut saniatigut piginnaasallit, soorlu naapertuutunik inuussutissarsiummut tunngatillugu qaffasissumik ilinniagallit imal. masterit, isumaqatigiissut atuuttoq suliffeqarfimmilu maleruagassat naapertorlugit, saniatigut akissarsiaqarsinnaatitaasinnaapput
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaat
Sulilerfissaq: 1. november 2024 isumaqatigiissuteqarnikkulluunniit
Qinnuteqarfissaq kingulleq: 23. oktober 2024
Attavissaq/saaffissaq
Qinnuteqaativit tigunissaa atorfiullu imarisaanut tunngatillugu ilinniagaqassutsikkut misilittakkavit piginnaasavillu kiisalu nunatsinni Peqqinnissaqarfimmi siunnersortaanertut atorfininnissannut tunngavilersuutivit atuarnissaat qilanaaraarput. Nunatsinnut nuussaguit tamatumunnga tunngatillugu eqqarsaatitit tusariusuppaguttaaq.
Atorfik pillugu apeqqutissaqaruit pisortaaneq Tina Amondsen oqarasuaatikkut: (+299) 547867 attavigisinnaavat.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job